+!المهاجره!+ .. تناديكم!!! تستنجد بكم !!! ...

بسم الله الرحمن الرحيم

السلام عليكم ورحمه الله وبركاته, اولا حبيت اسلم على كل البنات الموجودين
بما ان هذه اول مشاركاتي وان شاء الله احوز على إعجابكم بي ..

وان شاء الله افيد في هالمنتدى واستفيد منكم طبعا يا الطيبين .. وحبيت انقل لكم قصتي مع الرجيمات الي اجربها صراحه ! ...

طبعا لاحد من البنات تفكر نفس تفكيري يمكن تككون تفكيركم بالرجيمات غير .. ولكن حبيت انقل لكم شعوري وحبطي تجاء الرجيمات

صراحه انا جدا مستغربه من نفسي .. كل ما اقول باجر بسوي رجيم واتناسه مادري ليش يصير فيني جذي !! ..

دائما ادعي ربي انه يزيح هالبلاء هذا على امه الاسلام صراحه يا بنات السمنه مشاكلها كبيره صحيا واجتماعا وخاصا اجتماعيا حيل اثرت فيني ... لدرجه صارلي شهور كثيره ما اطلع من البيت !!!!

وما اطلع اقابل الناس ! .. اذا احد زارنا ما اطلع اسولف او حتى اسلم .. تصورو يا بنات .. صراحه دايما تجيني الكأبه والضيقه الخلق في اليل .. ولما اشوف البنات في التلفزيون ابجي بجي في قلبي ما منا بجي ... !! بنات عمري انا 18 سنه فقط !!!! في هذا السن تكون الوحده في عز شبابها !! .. وانا احاتي على السمنه وما فكرت في دراستي ولا شي ! .... انا اسفه لاني كثرت عليكم من السوالف .. والله العالم انه انتو الناس الوحيدين اني اسولف لكم ... حتى اقرب الناس ما اشتكي له مادري ليش .. يمكن اذا سولفت لاحد قريب احس بالأهانه ماعرف شنو يصير معاي !!

المهم انا معاي فقط 4 شهور لانه راح يتقدمولي عرسان وطبعا تعرفون لازم الاهل يشوفون العروس وانا جدا من هالسالفه حيييل ضايق خلقي منها .. وخاصا مرت ابوي تقول هالايام الناس ما تخطب وحده متينه زي حلاتج .. حيل احس سكاكين في قلبي !! ...

وانا الحين اشتكي لكم من اعمق قلبي ... واصلا انا نوعي ما احب اسولف وايد بس مادري شلون الحين فظفت لكم .. يمكن حسيت فعلا انكم خواتي وراح نساعد بعض اكثر ...

المهم يا بنات ما اطوول عليكم

انا وزني 88 كيلو ووطولي تقريبا من 162 او 163

ومرات اوصل لل90 كيلو وينعصر قلبي .. فعلا بنات الي تقدر تساعديني الله يخليها يفتح لها باب الجنه ..

ابي رجيم مجرب وموثوق منه .. الله يخليكم يا بنات ويسر اموركم فعلا انتو الوحيدين الي تقدرون تساعدوني !!

وانا راح اكون شاكره لكم !

ملاحظه: اذا محد رد علي برجيم في فائده .. امري لله راح ابدي رجيم من تأليفي .. وراح يكون من باجر ان شاء الله الموافق
20/11


مع خالص تحياتي !

+!المهاجره!+