الموظفات ابيكم شوي

ولا استفدت بشي
كنت مو رسمي وراتبي قليل والحين ترسمت من سنه وراتبي زاد بس مصاريفي زادت
تزوجت وكله رايح علاج الحمل
اهم شي عندي اني اتصدق باللي اقدر عليه هو اللي بيبقى لي

فعلاً الراتب كل مايزيد تزيد معه المصاريف واللي تبي تجمع لازم تحرم نفسها
بس حلو لو تستقطع من راتبها جزء من راتبها بحساب التوفير

انا تعينت على بند 105 سنوات وانا استلم 4 الالف لايزيد وينقص من ايجارو من خصم غياب و سواق وسفر لأني في منطقة بعيدة واغراض المدرسة والمعيشة بالله وش يبقى .وإ
بعد 5 سنوات على هالحال .. تعدل مستوانا لراتب مو راتبي وإلى الان ..
والان الخريجة اللي تتعين نتتعين على 8 الاف وعليها ولها علاوة سنويا يزيد مو مثلنا على بند
وإلى الان لاتأمين ولابدل سكن وتوهم اضافوا بدل النقل ..
فما قدرت استغل الفرصة او اجمع او شي وارتفع الاسعار حتى البنوك لما تطلبي قرض بفوائد وراتبك 4 الاف مو مثل اللي تطلب وراتبها فوق 8 الاف فهمتي وكانت الفوائد عالية .. وزادت مصاريفنا مع الغربة والتنقل ..

ما اخذها الا الأولين والخريجين حاليا في السنوات الاخيرة ماشاء الله الله يزيدهم ويعوضنا واحنا اتوقع 6 دفعات ضيعنا بند 105 من 1416 الى 1422هـ

عشان كذا احنا نطالب بفروقات رواتبنا اللي كانت ناقصة وكانت اغلب الردود تنتقص منا حتى إجازاتنا ما سلمنا منهم وشددو علينا في كل شئ ..وكرهونا في التدريس وللمعلومية سنوات البند لم تحتسب كاننا ما تعيننا الا موخرا وكل دفعة غير محسوبة لها سنوات من عمرها في التدريس

حسبنا الله ونعم الوكيل


تخفيض الراتب ب 4 لالف بسبب حرب الخليج واهتزت الميزانية فقالوا على بند الى ان ترجع الميزانية وتسدد السعودية ديونها والان يقلون مالكم شي ووضعونا إلى اقرب راتب لللمستوى اللي كنا عليه لكن ليس براتبي وليس درجتي وسنوات من عمري ضائعة وإلى الله المشتكى

على فكرة رحت البنك ابي بيت قال كم عمرك ؟
إضافة إلى انهم يحسبون بقية خدمتي + القرض + الفوائد
قالوا لي لك 800 الف وللبنك 700 الف فوائد
بالله وش تجيب 800 = بيت شعبي
اقل بيت وعظم بعد 1200 مليون و 200 الف
والقسط يستقطع اكثر من راتبك حسب بقية خدمتك ولمدة 15 سنة وانت مديونة
ولازم ما يكون عليك اي قرض او تدخلين شراكة مع زوجك وواحد اللي ياخذون منه القسط يزيد المبلغ شوي لكن مقابل زيادة القسط وحوسة
وياويلك لو اخذتي اجازة استثنائية او رعاية مولود بربع الراتب
تدخلين في القائمة السوداء ويزعجونك اتصالات ورصيدك تحت السالب
ولا يعفى الورثة في حالة الوفاة : ياخذون عقارك ويبعونه ويكملون الباقي ويعطونك المتبقى اقصد للورثة تخيلتي

زميلتي شرت شقة ب نص مليون اخذو منها فوائد 400 الف شفتي النصب
وحدة شرت عمارة تخيلتي تبي تاجرها رفضوا ترممها رفضوا لازم باذن والاغلب ما يوافقون لانها ملك البنك وليس لك
وكل بنك تختلف مزاياه لكن كلها ربا وكذابييين حتى لو قالوا يعفون الورثة واصلا لما صارت لأحد اقاربي لما توفى قالوا تروحون المحكمة وتحلفون انه ماعندكم او عنده عقار باسمه تبيعونه لنا .وشهود وخرابيط ..
يا الوحدة تحرم نفسها صح من كل متاع الدنيا ملابس طلعات سنين لان حسبت لو ما اصرف من راتبي ريال كل سنة باجمع لي 100 الف و10 سنوات بيصير معايا مليون والبيوت اسعارها عالية
ولازوج يصرف والاهل يطلبون والمدرسة تطلب والقطات والعيال تطلب وحاجاتك خليها على ربي ..:confused-

الحمد لله استفدت
اشتريت عقار عن طريق البنك واجرته وتقريبا الي يقصونه من الراتب يرجع من الاجارات
وساكنه بيت ملك لان زوجي اشتغل بالعقار بعد ماترك وظيفة الحكومه والحمدلله ماحس اني تعبي ماله مردود