الموظفات ممكن تفيدوني🌷

ايوة كونت صداقه مننا شله نوقف مع بعض نزور بعض الله لايحرمني منهم
ايوة اجيب لزوجي هديه من مرتبي واعزمه الحياة اخذ وعطاء بس مش دايما نادرا
بالنسبه للتوفيق بين البيت والاولاد والعمل لابد من التقصير لكن اعوضهم بالويكند
الاكل احيان اطبخ واحيان يكون الاكل من مطعم
بالنسبه للحياه الاجتماعيه ايام الدوام ما اقدر اختلط بالناس لان الويكند يكون عندي اشغال بالبيت واشغال تبع الدوام واتفرغ لدراسه العيال
حالياا الاجاززة الصيفيه انا بالبيت ودوامي يبدا بشهر تسعه

كيف علاقتكم بزميلات العمل هل كونتوا صداقات معاهم ؟
خليك خلوقه وفيك خير ومساعده امل من يطلبك. ولكن لا تتعمقين بالعلاقات

بنات الله يسعدكم انا خريجه ثانوي من سنوات وخاطري بوظيفه مناسبه لي ايش الوظايل المتاحه الحين الله يسعد من ردت سعادة لاشقاء بعدها

انا اقول عنهم زميلات عمل ما اقول صديقات .. احب تكون بيننا حدود و سطحية بس باحترام .. ما احب اتعمق في محل شغلي بالعلاقات
ايوه اهدي زوجي .. و ايوه اطلب منه فلوس لانه هو ما يرضى اصرف على البيت من راتبي ..
انا عندي بنت صغيرة خمس سنوات .. لا ما اعودها خرجات نص الاسبوع .. في الويكند اوديها المطعم و اعشيها و الالعاب بس في حدود مو اي شي تطلبه عشان لا تتعود .
النادي يفتح ٧ صباح انا اروح الصباح و ارجع ٨ و نص على طول اتجهز و للدوام
انا مو اجتماعية مع الاقارب عشان كده اوجب اقرب الاقربين بس

هلابك. الصداقه مع الايام راح تحصلين اللي ترتاح لك وترتحين لها
وتصير صديقه مقربه.
المصروف ماله داعي تطلبين من زوجك.
اكيد واجبات البيت عليه
وانتي بعد لا تقصرين ع عيالك
يعني وش الفايده الوحده تتوظف وتنشغل ويروح يومها كله بالعمل
واخر شي تجمع الفلوس ولا تبسط نفسها بعمر شبابها
وتمر الايام مااستفادت شي ويكبرون عيالها مااستمتعت بمراحل عمرهم
اقصد اللي نفسك فيه اشتريه. بعيد عن الاشياء اللي ع.زوجك
اكيد زوجك عليه البيت وطلباته ومصروف العيال
وووووو. يعني مافيها شي لو شاركتي.
هدايا لزوجك اكيد
الحياه ابسط من كذا بكثير.
بعض اذا مو اغلب الموظفات تغثنا وقت الجمعات. اذا شافت عندنا توزيعات قالت ضيعتوا فلوسكم بالتوافه
واذا شافت شاليه بالسناب حاجزينه قالت تحجزون الغالي عشان لليله😫
واذا لبسنا لبس ماركه قالت تضيعون فلوسكم ع الخرابيط🙃
واذا شرينا جوال قالت وش فيه جوالك جديد 🥲
يعني عيونهم وين تنصرف الفلوس. واطفالهم محرومين
اذا شافت خمسين ريال بيد طفل عمره اربع قالت وش بيشتري فيها
ضيعتوا فلوسكم😫😫
يعني ماتفكر ان الحياه مره وانو العمر بيمشي وبتكبر وبيصير وجود
الفلوس مثل عدمها
لان كل شي ماتستمتع فيه لانها اذا كبرت فيه اشياء بتتركها ماراح تاكلها
ونفس الشي ينطبق ع الملابس والطلعات
صديقه مقربه لي دايم تركز ع ملابسي ولابس اطفالي ليش تشترين
من المحل الفلاني غالي 🙄
طيب الحمدلله على فضل ربي عندي اشتري
ليش اخزن الفلوس.
طيب استثمرت وشرت ارض وعمرتها وبعد بتبقى تكنز الفلوس
الى متى او عشان ايش ؟!
حلات التعب اللي يجي بعده تدليع لنفس
تشتري عطورات تحبها تشتري اكسسوارات تشتري جوالات شنط
ذهب اثاث راقي كل فتره اشياء تدلع انوثتها 🥰مو كل شي تركز عليه تقول اشتريه وش بستفيد منه🙄
دام زوجها شايل الاساسيات البيت وليش تجمع قوه وتمسك يدها قوه وتحرص ع ريحة الريال🥺
خلاص مره مره تبي تجمع ترفع مبلغ والباقي تبسط عمرها فيه
خاصه اذا زوجها ماقصر بالاساسيات خلاص تدلع نفسها وتدلع زوجها
وعيالها
طلعات بالويكند
مطعم مرتب
شاليهات كل بين فتره وفتره مو كل اسبوع لا
مخيم بالشتاء بين وقت ووقت
ملاهي ع مستوى مره بالشهرين
سفره مره بالسنه
اشياء تدلع النفس وتريح النفسيه وتجدد النشاط وتسعدك وتسعد اسرتك معك
اذا الوحده تذكرت انها تصحي وتروح وتشتغل وعيالها طوال الوقت
غايبه عنهم وغيابها غير غير عند غياب زوجها
واذا فكرت انها بتكبر وماراح تستفيد شي من الفلوس
واطفالها راح يكبرون ويوصلون لعمر يستغنون عن راتبها
خلاص تحرص ع دلعها ودلعهم تشتري لهم اللي بخاطرهم
بعض الموظفات حتى بلاستيشن اطفالها ماعندهم ويتمنى هالشي
واذا قلتي لها حرام يختي تقدرين تجيبين له اخر اصدار
قالت عاد اجيب لعبه فتره ويمل منها 😫
طيب هذا طفل يبي يعيش يومه ويلعب
مو بضروره كل شي يجيبه زوجها
مثل ماقالت اذا مو مقصر بالاساسيات تدلع نفسها وتدلعه معها
وتدلع عيالها
طولت بالكلام بس من جد هالنقطه كرهتني بالعمل
وصرت احس ان اي وحده موظفه حريصه ع الريال وين تحطه🙃
مع ان الحياه ابسط من كل هذا
احسن شي الوحده تنبسط وتفلها وتسعد نفسها وعيالها
مو تصير كأنها محرومه والسبب نفسها وبس تنقد الناس وصرفهم🙄 ومايعجبها شي
كل شي غالي وكل شي خرابيط وكل شي ماله داعي 🤢
ماتصرف وماتفك الناس من للسانها🤫
اتمنى اعرف وش الصرف اللي له فايده عندها 🙄😫
محلات مثلاً اراضي مثلاً 🙃 طيب وبعدين فلوس ع فلوس ع فلوس
ومافيه مجال لدلع النفس والحياه والانطلاق يعني فلوس وحرمان وبس
فلوس والحياه حياة محروم !