الناس السلبيه والايجابيه في الجمعات 🤔؟!

السلام عليكم ورحمة الله وبركاته


اللهم صلى على محمد وعلى اله وصحبه اجمعين

الجمعات او العزايم او المناسبات
نجتمع فيها مع ناس كثييير اشكال والوان
بس فيه شئ مميز فيهم
فيه ناس اذا اجتمعنا معهم نضحك ونستمتع ونغير جو
بحيث اذا خلصنا الجمعه ورجعنا بيوتنا نكون سعيدين
ونحس براحه نفسيه وبسطه😁💕
اما النوعيه الثانيه
اذا اجتمعنا معهم يجونك يتكلمون عن الحزن والموت
والطلاق والامراض والمشاكل واشياء تفقع الصدر غم وهم
اعوذ بالله مهما تحاولين تغيرين جوهم يرجعون للحزن
لدرجة وانتي قاعده معهم وجهك يصير كذا😕ماتقدرين
تبتسمين بسبب انو الجو والسوالف ماتساعد على
الابتسامة
وترجعين لبيتك مهمومه ومكدره وفيك اكتئاب وكارهه
زوجك وعيالك وحياتك كلها 💔😞


الي ابغى اوصل له من هذا الكلام انو لييش فيه ناس سلبيه
وفيه ناس ايجابيه ؟!
وكيف قدرو الايجابيين يصيرون كذا ؟
وكيف نقدر نغير من السلبيين ؟


انا عندي اقارب اقابلهم بكثره حكم قرابتهم لي القويه
فلازم اجتمع معهم كل فتره بسيطه
احبهم واتمنى لهم الخير بس مشكلتهم
انو من النوعيه الثانيه الي هيه السلبيه 💔😞
ياناس طوووووول القعده وهم يشكون ويتذكرون الموتى
ويسبون ازواجهم وعيالهم ويحطمون في انفسهم
المهم اني اخلص من الجمعه وانا خاطري ضايق مرررره
لدرجة ارجع بيتي وانا نفسيتي شينه عكس وانا طالعه من
بيتي كنت احب الحياه ومبسوطه واحب زوجي اذا رجعت
من عندهم اقلب عليه 😂💔 بسبب سبهم للازواج انهم
خاينين وكذابين


المهم اني والله راحمتهم اتعبو انفسهم واتعبوني معهم
كيف ممكن اغيرهم وليش هم كذا؟!


اعطونا تجاربكم مع هذي النوعين من الناس وكيف تتصرفون معهم ؟!🤔