في موبايلي خدمه عملاء بالبيت وراتب حلو
او انك تشتغلين بالعثيم محلات سنتر بوينت وسيتي ماكس وغيرها راتب 4500 تقريبا
وفي وظايف بالهبل بالمستشفيات الاستقبال وغيره مشي حالك عليهم والجمعيه تساعدكم ترى اعرف ناس يساعدونهم

موبكيفه يقول لا.. قوليله ظروفنا صعببببببببببه وانا مستحيل ااصبر اكثر من كذا
قوليله اذا موعاجبك روح اشتغل لك دوامين

بعدين فيه استقبال بس بمستشفيات نسائيه يعني ماتحتكين برجال ابد
زوجك وش وظيفته وكم راتبه؟

حتى ماكدونالدز يبون موظفين رواتب 4500

الله يفرج همك ويرزقك من واسع فضله

يختي خلي رجل يشغل مخه في مليون وظيفة تأكله عيش زي الحلاااوه

خليه يشتغل مأذون شرعي و كداد والله بيصير دخلكم بالألوفات
المأذون وظيفته بسيطة بس يرح للمحكمة ويخلص اجراءاتها ويطلع رخصه
وكمان الكداده بس يبيله سياره او اذا ماعنده يروح لشركات الليموزين ويعطونه ليموزين يكد عليه

وكمان خليه يشتغل بحملات الحج ابوي الله يرحمه كان يشتغل فيها ويجيه رزق بس هالكلام من 30 سنه

وانتي اشتغلي بالبيت مدرسه عربي للأبتدائي اتوقع تعرفين تكتبين وتقرين عربي و تعرفين للأملاء
حطي لك كم اعلان بالمكتبات ووصي الي تعرفينهم
او افتحي حضانة ببيتك والطفل على 700 مية كثير حريم يبون احد يمسك عيالهم بس لازم الامانه انتبهي لهم ويكون عندك غيارات لهم والعاب و فراشي للنوم و تلفزيون يتفرجون عليه ووجبات خفيفه يوم سندويش جبن وحليب و الخ
او اشتغلي صبابة قهوة صلحي قهاوي وصبيها بالزواجات والله بيجيك فلوس بالهبل و وناسة تحضرين زواجات وتشوفين خلق ربي
وما يبيلها الا قهوة وهيل و خلطة القصيم و يونيفورم للشغل (لبس خاص للعمل)
او روحي لقاعات الافراح وقولي ابي اشتغل عندكم اي شي ممكن يحطونك تنظفين المواعين حقتهم او تساعدين بالترتيب والصب

واذا ماتبين كلمي الموارد البشريه يلقون لك وظيفه بدوام رسمي
وفي وظايف كثير للي ماعندها الا ثنوي
بس يبيلك تفتحين مخك وخلي زوجك كمان يحاول يصير امام للمسجد او يأذن فيه ترى يجيه مكافاءه 2500 كل شهر بس لازم يلتزم وما ينسى المواعيد

الشغل ملياااااان بس يبيله تفكير وتنقيب

خذوهم فقراء يغنيهم الله

عزيزتي .. لاتكرهين زوجك عشان كلام احد .. هذا كله ابتلاء وامتحان من رب العالمين
الانفصال مو حل .. لانك بتدخلين بدوامة الطلاق والتوتر والندم
ومثل ماقالو الاخوات اللي يعايرك بفقر زوجك بيعاير بالطلاق .. فلا تفكري بهالشي وتحملي

ابحثي عن وظيفه لاتقولي صعبه ابحثي ليل ونهار وبكل وقت لاتتكاسلي حطي في بالك هدف بالكثير شهر وانتي محصله مرادك النت موجود استغليه بالبحث عن حلول وظيفيه ولا تشغليه او تشغلي بالك بالطلاق والفقر
وبالنسبه للاثاث والاغراض كلها تدبر وتنحل الايام كفيله تثبت لك ان الصابر ينال خير وثقي تماما انك كلما صبرتي واعنتي زوجك بتكون كبيره في ميزان حسناتك

ياعزيزتي انا اول ماتزوجت ظروفنا صعبه ومرت علي ليالي انام بجوعي واشتهي اكلات وطبخات ومااقدر عليهت ووايد قارنت نفسي بغيري كنت اقول محرومه ومحرومه وابكي احيانا من فرق الحال بس سبحان الله مع الايام تغير حالي 180 درجه والحمدلله تحسنت ظروفنا وليومك زوجي يذكر شقد صبرت معاه ولو اطلب عيونه مايقصر علي
وعلى فكره انا عندي حصاله حاطتها عالتسريحه بغرفتي النوم واحاول قد مااقدر احط فيها لو ريال والله والله وبالله ماشفت الخير وزاد الا ببركات الصدقه والاستغفار
تدرين كنت استغفر لطلب الذريه وماببالي فلوس
مايدور اسبوع الا جاي الرزق .. الحمدلله

اختي.. عزيزتي.. حبيبتي
فكري بالعقل وبالمنطق .. تتخيلي حياتك بدون زوجك وحبه؟؟
تخيلي نفسك لاسمح الله مطلقه ومتألمه ومكسوره

نصيحه لك
تخيلي حياتك اجمل بصبرك .. ماضاقت الا لتفرج