الناس مالها الا الظاهر والطيب الحقيقي ماله نصيب

بنات فيه سالفة مضايقتني مرة وقلت مالي الا بنات حواء يابنات اكتشفت ان الناس اغلبهم ساذج ويصدق الظاهر انا اعرف وحدة قلبها فيه نوع من السواد رغم ان فيها طيبة بس قليلة ويغلب عليها التظاهر قدام الناس ودايم تتهم وحدة من البنات انها تعطيها عين رغم اني اعرف البنت اللي هي تتهمها ماتدري عن بعض الاشيا اللي هي تتهمها انها معطيتها فيها عين!!وهالبنت اللي هي تتهمها قلبها ابيض صافي ماتحقد اعرفها معرفة شخصية وقريبة منها لدرجة لو عصبت على انسان ماتقدر تنام تبكي حتى يغلبها النوم تقول أخاف جرحته حتى لو كان الانسان مخطي عليها وتبطي وهي حزينة
بقولكم الموضوع هم بنتين
وحدة قلبها ابيض مررة ماتحقد بسميها الطيبة
ووحدة حقودة شريرة بسميها الحقودة
الطيبة مشكلتها عصبية وتحب الكمال واذا شي ناقصها حتى لو بمناسبة ماترتاح ويبان على وجها انها متضايقة وماتعرف تجامل احد
والشريرة عصبية ورى الناس وتحقد وتسب فلانة وعلانة وقدامهم (ملاك مبتسم) وتجامل اللي قدامها لو حقدها وغلها ينقط تنقيط من وراه ومن وراه ماتخلي شي ماتقوله لدرجة تصدمني مرات تنبهني على أخطاء للناس دقيقة جدا وانانية اهم شي عندها نفسها وتخلي اللي حولها يخطون على الناس ولاتبي احد يخطي عليهم
الناس اللي حولي وشلون حكموا ؟احكموا ان الطيبة اللي فيها خير هي الشريرة وحقودة واحكموا الحقودة طيبة وفيها خير لدرجة يقدسونها مايدرون عن غلها
والله فيها غل لدرجة تحقد على الزوجة اللي تسولف مع زوجها بتفاهم وهالشي صار قدامي
والطيبة رغم ظروفها القاسية اشوفها تفرح للناس رغم ان ماعندها فرح مثلهم وناقصها اشيا كثيرة بالحياة
تخيلوا اللي صدمني يابنات وخلاني أتكلم واستعجب من البشر وتفكيرهم المحدود ان فيه وحدة اليوم جالسين معها وتقول ان هالحقودة ياحليها طيبة ومبين الخير فيها وانا بقلبي أقول ماتدرين عن شي والله والله لو تدرين انها سبتك قدامي بحقد وغل ماتقولين هالكلام بس سكت وكاتمة بقلبي أخاف تقول عني انا الحقودة واصلا ماحب افتن بين الناس


بصراحة انا في حالة ذهول واستغراب من احكام البشر على الناس رغم اني انا شخصيا اللي اشوفها تعصب بنفس الموقف تكون دايم طيبة مو حقودة اقصد اللي طبعها دايم دايم تعصب وتنفعل بسرعة بعدين تهدا ماقصد اللي تعصب على مواقف معينة وبعض الهاديات مايعجبوني سبحان الله أصلا واضح مدري شلون الناس ماتنتبه هالحقودة الاحظها دايم تحاول تمدح نفسها بشكل غير مباشر مثلا قول قالوا موقف قالت لو اني مكانها سويت كذا وحرام رغم اني اعرف لو هي مكان هالشخص بتتعامل بخبث بس تظهر للناس الطيبة والابتسامة لدرجة اشوف ناس كثيير مخدوعين فيها
خلاصة خبراتي يالبنات العصبيات حتى لو قلبك ينقط طيبة لاتعصبين لاتعصبين لاتعصبين دايم العصبي الصريح لو يتمنى للناس الخير ولو بيده شي ساعدهم على قد مايقدر الا انه مكروه حتى لو يتعذب من داخل عشان الناس اقولك الطيبة العصبية اللي اعرفها تبكي على اقل شي وماتحب تشوف انسان يتعذب والله ورغم ان عندها مشكلة والناس تنظر لها نظرة دونية الا والله لو يدرون عن قلبها لييتمسكون فيها ويتركون ام الابتسامة الزائفة
وش رايكم بالموضوع انتم؟هل تعرفون عصبيات طيبات؟ وهل تعرفون خبيثات والناس مخدوعين فيهم؟؟؟ سبحان الله انا يمكن عندي فراسة اعرف الانسان من وجهه ودايم تحليلي يطلع صح واي انسان أتوقع منه توقع فعلا يسوي اللي توقعته ييعني لو شرير يمثل قدامي انه طيب بسرررررعة وبلمح البصر اعرفه وسرعان ماتثبت لي المواقف وجه نظري واغلبية الناس يمكن ماينظرون للداخل مثلي بسرعة لذالك يتلبس عليهم الموضوع والمشكلة يقولون لي نعرف الانسان من وجهه هههههههههه والله مايعرفون شي والدليل يمدحون ناس عندي ويقولون اشكالهم طيبين وفيهم خير من وجوهم وهالناس اللي هم يمدحونهم يسبونهم عندي بحقد وشي مو فيهم