الله يهدي خواتك
ويسخر لك زوجك
فعلا مثل ماقالوا البنات أعيدي الثقة بنفسك ..يعني قولي أعرف كذا وكذا...وشيلي من قاموسك (أنا ماأعرف)
وكلام الناس سواء خواتك أو غيرهم بأن زوجك ممكن يتزوج لأنك ماتعرفي و...و.....هذا يالغالية لايأثر عليك أبدا أبدا لأنه ترى بيترتب عليه أمور كثيرة بحياتك مع زوجك وتعاملك وبتحسين أن زوجك خسارة فيك..يعني حياتك يتكون سلبية في سلبية
فأبدي صفحة جديدة مع نفسك...وقبل تتعلمي للأشياء الظاهرة مثل المكياج تعلمي للأشياء الباطنه لأن اللي بداخلك بينعكس عليك
أحسك ضعيفة وأسمحي لي على هالكلمة لكن أنتي طلبتي الفزعه وأنا ودي أفيدك....ليش خواتك مايحترمونك هذا وأنتي الكبيرة
ترى الطيبة غير والضعف غير!!...النت ماترك شئ..أدخلي وثقفي نفسك وغيري من ذاتك
وبعدين نجي للمكياج....المكياج مافيه أسهل منه والحمدلله هذا أنتي مسجلة بالمنتدى والمنتديات ماتركت شئ بتلقين طريقته وأكتبي اللي ناقصك ...وترى المكياج يعتمد على الممارسه...أناأعرف بنات لاعندهم لانت ولامجلات ولاشئ لكن كل يوم قدام المراية ترسم الكحل وتتعلم إلين صاروا فنانات وتحط مكياجها بسرعه وتخلص..
لكن عند أهلك ماله داعي مكياج كامل....يعني حطي مثلا كريم أولاي وكحل وروج وردي..أو حطي مسكرة وخلاص مولازم ترسمي عينك من الخارج بكحل وكريم أساس ومدري أيش ..خليك بسيطة أنتي في بيت أهلك..أتركي البناطيل..أشتري مثلا تنورتين جنز السوووووق مليان منهم ورخيصة بمية تقريبا..وأشتري تي شرت كم وحدة تغيرين فيهم مع التنانير...يعني مثلا أشتري كم بلوزة حلوة مناسبة لك...أشتري ربطات شعر ملونة وأرفعي شعرك مثلا...نزلي خصل..أو روحي لمشغل وقصي غره...أشتري تعليقات وألبسيهم...حطي بيدك خاتم..وألبسي مثلا باليد الثانية ساعة......أهم شئ ملابسك تكون نظيفة ومرتبة وأختاري لك عطر حلو ورايق وخليه بشنطتك وتعطري منه قبل تدخلي...بخري شعرك وطرحتك قبل تروحين<<حشى بتروح لزوجها موأهلها خخخخخخخ
حطي كحلك وروج ومرايه صغيرة ومناديل وفرشاة شعر في شنطتك.....والشنط شوفي كيف أشكالها في النت أقصد الجديدة
وعموما أنتي أذا دخلتي أي محل سواء شنط أو جزم أو بلايز ..أسألي (((((وين الجديد؟؟ وين آخر شئ نزل عندكم<<كلمة الوالدة خخ)
واللي بالمحل بيطلع لك الجديد فناظري فيه زين وأحفظي شكله<<
وبعدين روحي للمحل الثاني والثالث ونفس السؤال...أسأليهم وين الجديد؟؟
عاد هنا بيوضح لك وش آخر شئ عندهم والناس هابه فيه ..يعني بتلقينه يتشابهون أقصد بضاعتهم عاد أنتي أخذي اللي يعجبك
وفي بيتك نفس الطريقة مايحتاج دايم مكياج كامل
في المناسبات حطي الكامل
وشوفي وش مشكلة بشرتك وحاولي تضبطين عمرك
وبعدين أذا دخلتي عند أهلك أو غيرهم خلي عندك ثقة بنفسك ولايهزون فيك ولاشعرة
أدري طولت والمعذرة..
الله يوفقك

شوفي حبيبتي اولا اهتمي ببشرتك وصحتها عشان يضبط مكياجك وانصحك تسوي تقشير لبشرتك من مره الى مرتين بالسنه مع النظافه والترطيب المستمر وصدقيني راح تكون بشرتك تلق لق وماتحتاج مكياج
وبالنسبه لخطوات المكياج اولا نظفي بشرتك بغسول مناسب ثم رطبيها بمرطب التوت البري من اولى وخليه مده عشر دقايق حتى تمتصه البشره
ثم حطي الكونسيلر حولين العين والمناطق الي تبغين تخفينها وارشح لك الباليته تبع ميك اب فورايفر الي فيها خمس الوان

بعدين وزعي كريم الاساس بالطبطبه وانصحك في الكومباكت كريم فاونديشن عشان يعطيك تغطيه ممتازه وارشح لك تبع ماكس فاكتور العلبه الدائريه السودا واختاري الدرجه الي تناسبك
تم وزعي الباودر على البشره لتثبيت الاساس وافضل اللوس باودر وارشح لك تبع ميك اب فورايفر او الكومباكت باودر تبع ماكس فاكتور الذهبيه وممكن تستخدميها فوق المرطب على طول تعطي تغطيه ممتازه

ثم ارسمي اوحددي حواجبك اما بقلم الحواجب او ايشدو بي غامق بالفرشاه المايله اوتاتو الحواجب
بعدين وزعي الاضاءه تحت الحاجب ووزعي الايشدو الون الي انتي حابه اتحطيه على الجفن المتحرك وادمجيه مع الاضاءه بعديت حطي الكحل جوه العين عشان يبرزها وارسمي الايلاينر وادمجه شوي مع الايشدو
وحطي الماسكاره والبلاشر والروج
وتقبلي مروري واتمنى اكون افدتك.........

ليتي عندك او انتي عندي والله لقعد معك واجيب لك واخليك انسانه اخرى من جميع النواحي حتى ..... الشخصيه

شوفي الدروس اللي ينزلونها البنات هنا أو في منتدى عروس وطبقي الخطوات .

رفع