حبيتي ولا يضيق خلقج ولاشي احنا نعين ونعاون وكلنا خوات

اول شي استعملي صابون دوف المرطب تالي قبل الميكب لازم تستخدمين برايمر يصفي الويهه عندج من كلينك الوردي حلوو يثبت الميكب
او سيرم من استي لودر نطري 5 دقايق وعندج من اولاي علبته صفره تحطينه قبل الميكب واايد حلوو ينعم البشرة
تالي روحي فورايفر اخذيلج باليت الكونسيلر علبته مستطيله وداخله عدة الوان حطي الاخضر على الاحمرار بالطبطبه مو تدهنين ويهج فيه بالنسبه للكلف بصارحه انا ماعندي وناسيهاي لون تحطين سئلي اللي بالمحل وتفيدج اكيد
وعندج الفل كفر الكونسيلر هذا يغطي اللي مايتغطي


الفاونديشن انا مادري بشرتج شنو نوعها مختلطه ولا دهنيه او جافه

اخذي فاونديشن من استي لودر ينفع حق كل البسرااات وااايد حلو حبيبتي الحين الكل هب فيه بشكل مو طبيعي

لطلعات النهار حطي استي لودر اللايت مع البودر المدور الاسود
لبعد الظهر والزوارات استي لودر دبل وير واذا عند هالات تحت عيونج استخدمي الكونسيلر صاير مثل القلوس ايننن
تبين شي ارخص للطلعات اليوميه عندج من ماكس فاكتر ميركل تاش ولاتنسين البودرة المضغوطة متسطليه ذهبيه

البلاشز اخذي من بورجوا حلين ورخيصين
المسكرا لانكوم او ميبيلن او ديور ايكونيك او لوريال او من فورايفر سموكي لاش
الايلاينر عندج ماكس فاكتر مثل القلم حلو وصغير اوالايلاينر الكريمي من ماك مع الفرشه حلوو

الحمر والقلوسات تقدرين تاخذينهم من اي مكان
..كل شي خطوة بخطوة حبيبتي تتعلمين لما تصيرين حريفه طالعي المجلات وحاولي تقلدين الصور دشي اليوتيوب وتتعلمين انا وايد تعلمت منهم مو بس ميكب حتى تسريحات شعر تتعلمين

اذا كنتي حاطه شدو مطفي الحمره خليها قلوسي.. والعكس صحيح
والحين اهبين بالمكيب السمبل حمر حمرره او عانبيه مع رسمة القطوة بس بشكل بسيط ماتكون حاده مع مسكرا وتطلعين واااو

هذا الي فبالي الحين
واي شي تبين مايردج الا لساانج

مشكورات بنات ربي يسعدكم ويبارك فيكم

اكبر مشكله انك ما عندك ثقه بنفسك :(

والله ياقلبي تزوجت وانا صغيييييييييييييييييييرة مرررررررررررررررة

وما كنت اعرف احط إلا المكياج الناعم البناتي فقط واللبس الهادي

وكانوا الحريم يضحكون لما دروا اني راح اتزوج لأني صغيرة ويقولون هذي ماتعرف شيء بالدنيا اللي اكبر منها ماتزوجوا

ولما اتزوجت وشف الحريم يحطون المكياج الثقيل وانا لسى ع المكياج البناتي انقهررررررررررررررررت

وقررت اتعلم

وخلال اقل من سنة الناس انبهرت فيني بمكياجي ولبسي وشكلي وصات سمعتي عند العايله فووووووق

واي وحدة تبي استشارة الحين تلجألي وخصوصا اللي كانوا يضحكون علي

الواحد مع الإصرار والثقة بالنفس مافيه شيء يصعب علية

توكلي على الله اولا واخير وثقي بنفسك

وانصحك لاتسألين احد ولاتذلي نفسك لأحد اعتمدي على نفسك

والله معك >>>قلت قصة حياتي

السلام عليكم ورحمه الله وبركاته
اولا احب اقولك حبيبتي ان الميك اب ما يجمل وحده حلوه وربنا معطيها جمال طبيعي ومنغير ما اشوفك شكلك حلوه بدون مكياج
ونصيحتي ليكي ما تخربي جمالك بالمكياج اللئي ما يليق لك وحديكي نصحتي وحتشوفي النتجه وتدعيلي
اولا اهتمي بنظافه بشرتك بالتقشير اليومي من كلين اند كلير ووضع التونيك ووضع المرطب الخاص بالنهار والليل حسب نوع بشرتك وما تنسيش كريم العين المرطب ليلا ومنتجات لوريال تجنن وفيه ماسك ممكن تعمليه اسبوعيا عباره عن ملعقتين ترمس مطحون مع 2 نقطه ليمون وملعقه زبادي وممكن تستبدلي الترمس بالخميره ومع الاستمرار علي البرنامج ده حتلاحظي الفرق اد ايه على بشرتك وكتري من شرب الميه
اما المكياج حاولي تخلي مكياجك طبيعي اكتر فيه خافي عيوب للبشره ماركه مكياجي حتلاقيه لونه موف وفيه منه للعيون لونه اصفر والاتنين ممتازين
واستعملي البودر وكريم الاساس الاتنين في واحد افضل
وطبعا الماسكرا شئ اساسى والبلاشر يكون لن طبيعي وكفايه ملمع للشفايف وممكن تحدديه بمحدد نفس لون الشفايف وان شاء الله
حتشوفي النتجه
وبالنسبه للبس انت عندك ميزه حلوه وهوه ان ما شاء الله زي مابتقولي جسمك حلو فممكن انت بقى تغيري وبل البنطلونان والباديهات
يكون فستان لذيذ على حسب المناسبه واختاري الالوان اللى تليق عليكي واللي بيفرق فعلا هيه قصه الشعر ولونه
واهم شئ زي ما قالولك البنات الثقه بالنفس
وابقي قوليلي على النتائج