الناقه الوكيله حصيصه وسباق الهجن خخخخخ ضحك على كيفكم ..

الجزء الرابع عشر من سواليف الضحى ...



سمعت ذاك الصياح اللي يناديني وسط الممر والأبلات يجرون ويتسابقون في الممر يبوني مدري ليش الله وكيلكم كننا في سباق الهجن وانا اللي أعلق عليهم أخذت صامولي بنت كانت جايه توها من الفسحه واسويه مكرفون .. وتنطلق الجياد عفوا البعارين :icon29: وفي المقدمه الناقه الوكيله حصيصه ..حصيصه في المقدمه ناقه اصيله الأب الفحل مرعي والأم مصلحه ماذا أرى هناك نياق تتسابق للحصول على جائزة سباق الهجن ال23 ماهذا يا إلهي أرى الناقه المرشده الطلابيه خيريه .. خيريه تتنافس مع حصيصه من .. من ياترى يكسب قصب السبق ؟ واقضم من الصامولي شويه تدرون تعبت من التعليق .. وهنا أرى الآن من هذه المنصه الناقه نورة حقت الغياب ( ياشينها وجهها كنه عذر طبي ) .. نورة تتقدم .. تحاول ان تزاحم حصيصه وخيريه نووووورة تتقدم وتحل في المرتبه الثالثه نورة من الأب الفحل مكاري والأم نورة تستهبلون.. طيب اذا بغى ابوك يناديك والا ينادي امك وش يقول ؟ يقول لأمك بق مذر ؟ والبنات (يشجعوووووون في الأسياب حصيصه .. خيريه ..بس نورة محد شجعها أحسن ) .. وتصل النياق وتصل النياق وتفوز بالسبق البطله حصيصه الدلاله (تجي تبيع علينا شنط وحاجات في المدرسه ضعيفه تترزق الله ) لا ليست حصيصه انها أبله مرزوقه :icon28: ما شفتها والله أثاريها من أول كانت معاهم بس لأنها قصيره شوي ما شفتها بينهم ولا حتى البنات بس انها سكرة من يوم فازت وهي تجي تحضني وااااااااااااااااو وتصيح انها فازت عليهم ذكرتني بهادي صوعان يوم فاز بس بالمرتبه الثانيه يوم جت بغيت اسوي معها تصريح وأسألها عن سبب تفوقها على أقرانها في السباق لكن للأسف ما فيه مكرفون في يدي ( أكلت الصامولي بح .. خلص ) مبروك يابطله مبروك الفوز تعالي أدهنك بزعفران .(متأثرة بسباق الهجن ) والا أقولك يكفيك علبه ميرندا برتقال .. قالت اولا احمد الله تعالى اللي حقق لي امنيه الفوز من وانا صغيره وما تحققت الا الآن و... قلت أخلصي علي وش فيكم تراكضون ؟ قالت آه اتذكرت .. إلحقينا يالله بسرعه


آآآآآآآآآآآآآآآآآآآه ياراسي بدينا مشاكل الدراسه .. خير ان شاء الله ؟ :09:



قالت تعالي عندنا بنت داخت ولا ندري وش نسوي لها .. قلت خلوها في غرفه المرشده ترتاح



قالت لا يبغى لها اسعافات أوليه قلت سووا لها اسعافات اوليه قالت ما نعرف ..



الله اكبر من يوم وانا صغيره كل ما تعبنا جلسنا إما في غرفه الخالات والا في غرفه المرشده



قلت ما يبغى لها ذكاء وين الضحيه ؟ عفوا وين البنت الدايخه ؟ قالوا تعالي واجي الاقيها بين زميلاتها وتاخذني البطوله وأقلهم بعدوا خلوها تتنفس .. وأجي واكتم على نفسها اسوي لها اسعافات اوليه وهذه فرصه أعلمكم عليها اذا احد عندكم داخ والا صار له شيء لا تروحين تصيحين وتتركينه ضعيف لا أعملي له الواجب .. أول شيء حطيت يدي على بطنها واضغط بكل ما اتاني الله من قوة .............................. .............................. .............................. .............................. .............................. .............................. .............................. ................



سطرن فاضي يعني لسه قاعده اضغط .. وبعدين ارفع يدي واسمعها تتنفس وارجع اضغط عليها ثم اخذها من كتوفها واهزها بقووووووووة وألطشها لين قلت والله ان ما قمت لأطيح عليك وأجيب خبرك دلع دايخه لها نص ساعه ؟ الا ووحده جابت لها كاس مويه فيه شوي سكر شربتها اياه وصحيت البنت .. قلت يالله كيف عرفتي اني بغيت اسوي كذا ؟ قالت هذا وانتم معلمات قاعدين تصفقونها من أول اليوم ؟ أنا : احمم ....... وش فيك يابنت ليش دختي ؟ لايكون ما أفطرت ؟ زي زمان أول ماتدوخ وحده يقولون لها لايكون ما أفطرتي ؟ قالت ولا تغديت ولا اتعشيت من أمس انا : هااااااااااااااااااااه ؟ وكيف عايشه عساكي ما تعيشين ؟ قالت لازم عشان الصيفيه عندنا عروس وحفلات لازم ألبس فيها زين وانا سمنت شوي من أكل المدرسه .. والله يابنات انها ناشفه من الحياه متخلفه نحييييييييييييييييييفه وتقول سمنت شوي والله لو أشوف الشحم أكياس اسمنت وشعير عليه ما تركت الأكل لو دقيقه هذا اللي ناقص اترك الأكل عشان الناس هذا اللي يقولون القشه التي قصمت ظهر البعير( مدري وش جاب هذا المثل على بالي ) وياترى كم نقصت ؟ أقولها وانا اضحك قالت 3ونص كيلو .. أنا في كم شهر ؟ قالت : لا بس لي يومين أمس واليوم :eek:....أنا هب عليك ياكذابه تحسبين محد سوى رجيم مثلك ؟ قالت والله .... طيب ليش كذا وانا لي سنيييييين اسوي ريجيم ما نحفت لو نص كيلوصدق لله في خلقه شؤون .. جلست أقول



أنا المتين أنا المتين



يامن يراعي حالتي



ودي أصير انا نحيف



ودي أحقق رغبتي



أضمى ولا أحد بي درى



حيران داخل غرفتي



دايم تراودني الهموم



منهو ينفس كربتي



اصعب لحظاتي يوم اجوع



ولا أحصل وجبتي



ما اروح انا اية مكان



ضاقت علي سيارتي



أنا المتين أنا المتين



يامن يراعي حالتي



:44:



قالت الطالبه مو لنفس هذا السبب وعشان ما انشد هذي الأنشوده انا سويت كذا ... أنا غضبت وبشده والمثل يقول اتقي شر المتين اذا غضب قلت لها انقلعي من وجهي لا أوريك شغلك واخليك ورقه ما تسوين بيزه على قوله الكويتيين .. قامت ذلفت وخلتني حايرة في أفكاري أصارع رغبتي في الأكل ورغبتي في الريجيم بس ما كو حل حقيقه موقفها هذا دفعني للتفكير جيدا في موضوع الريجيم لأني أحق منها به للأسف ودخلت الإدارة الا ووحده تستقبلني خير ان شاء الله وش موقفك هنا ؟ قالت الأبله قالت لي روحي الإداره وقولي للمديرة اني طالبه قليله ادب قلت نعم ؟ قالت اللي سمعتيه .. انا: :mad: فرحانه انتي ووجهك ؟ انا طالبه قليله ادب صدق اللي اختشوا ماتوا .. قالت اللهم طولك ياروح قلت اقول والله شكلك ناويه لك على مشكله والله اعلم ما أدري كني اشم لي نوع من أنواع المشاكل ؟ قالت والله اللي بيقل ادبه عليه ليش لا؟ قلت الحين انتي قليله ادب وكسلانه ومنتي حلوة بالله على ايش تتكبرين وشايفه نفسك ؟ قالت الجمال مو شرط اهم شيء الخلاق .. هاهاهاهاهاهااااااي الأخت تتكلم عن الأخلاق قلت لها انتي شاربه شيء ؟ قالت لا أنا لحيه هاهاهااهااااي وصفقت بيدي .. قلت لايكون الأخت زميلتي من زمان وانا ما أدري قالت وع انا اصاحب هالأشكال ؟ قلت أقول انكتمي ولاأسمع لك حس تراني معصبه على الآخر قالت على الآخر والا على الأول ؟ قلت تراك ما شفتي شيء هذا وجهي الأول قالت طيب اقلبي على الوجه الثاني قالتها من هنا وانا اللي أطيح عليها :024: من هنا وخليتها ما تسوي ريال قليله أدب صدق ..



والله ما قمت من عليها الا وهي في عداد الموتى :11retcher وما انتبهت الا والأبلات يفرعون بيننا خزيت الشر وهديت ... آآه في ايش كنت افكر ؟ مضاربه مع شيء بس مدري وشو ؟؟؟؟؟؟؟؟ امممممممممممممممممم ايوووووة عرفت مضاربه مع الشحم .. والله لو كانت السمنه رجلا لقتلتها آآآآآآه ياويل قلبي العصايه هذيك تبي تسوي ريجيم وانا مااااااااااااااااااااااااالت على حظي والله لو تبون بشت من شحمي للبرد كنت سويتها بس مشكله المهم جلست أفكر




وأفكر



.



.



.



وأفكر



.
.
.
.



وأفكر



.



.



.



وأخيرا قررت



بعد وقت طويل من التفكير من بعد الفسحه ليييييييييييييييين جت الصرفه وانا أفكر



أخيرا قررت انييييييييييييييي



أسوي ريجييييييييييييييييييم



قلت لكم قررت أخطر قرار في حياتي ..



قرار مصيري على أساسه رح تتحدد أشياء كثييييييييييييييييير



منها :



ما أروح السوبر ماركت الا مرة ( يافرحه ابويه )



ما أطلب أي وجبه من أي مطعم .. ( يافرحه اللي يودي ويجيب الطلبات مدري وش اسمه اظن ديفري )



ما أدخل المطبخ وأطبخ ما لذ وطاب من الأطباق ( يافرحه امي )



ما أستولي على البطاطس والشيبسات والحلويات (يافرحه اخويه الصغير)



ما عاد ادقق في شيء لأن نفسيتي رح تكون سيئه جدا أثناء الريجيم (يامساكيييييييييييييين بنات المدرسه )



وأخيرا ما راح أروح مع امي لا زواجات ولا عزايم ولاسهرات ولاآخذ من هالحلويات صحون أشكال وأنواع ولا عاد أطلب من وحده تغرف لي أكل وانا جالسه على الطاوله (ياحظ اختي معتوقه )



وبالطبع راح يكون هناك نتائج أخرى الا وهي ..



بناء على ذلك رح ينحرم الحريم في حاله اذا حضرت زواج من رقصي ( ياحظ الحرييييم) :icon33:



ايضا رح ينحرم الدليفري من البخشيش اللي اعطيه اياه لكل توصيله (نص ريال ..لا تطالعون فيني انا تفريبا اطلب كل يوم وجبه جانبيه على كذا بفقر )



ايضا رح ينحرم اهلي من النوم لأني رح اركض على السير ركضا ليس بطبيعيا (حلوة هذة)



وتركت الأكل ..



تخيلوا لي كم يوم ما آكل الا تفاحه فطور وغدا وعشاء تخيلوا ؟ لي أسبوع ما آكل فارقت الاكل نعم فارقته وهو أحب الي من نفسي بعد حب الله تعالى ورسوله صلى الله عليه وسلم ..وحطيت فيه قصيده محزنه بل مبكيه جدا اسمعوا وسكتوا اللي عندكم عشان تسمعون زين ما راح اعيد لأن القصيده مبكيه ولا ابغى اخسر دموع زياده .. والا اقول شوفوها في الإعاده ..



جلست وانا ضايق صدري ..



مرت من جنبي دجاجه وقالت علامك ؟



قلت بالله وخري عني تراني اليوم متعني



قالت واخزياه شلون اتركك لوحدك



قلت لفي ظهرك وامشي عادي



وراحت ..



ومرت من جنبي باذنجانه



قالت خير يابو الشباب ؟ ليش متضايق ؟



قلت بالله ضفي وجهك (حتى الخضار تحسبني رجال )



قالت احسن وراحت ..



ومرت من جنبي بطاطسايه (حبه بطاطس )



وقالت وش فيك ما تسلمين عليه ؟



قلت مو في مصلحتك انتي بالذات



قالت هات ماعند هات ..



قلت لها وصدري مليان آهات



مات مات مات



قالت منو قلت مدري بس هذا عشان القافيه



سلمت على يدها وجه وظهر وراحت



ومرت من جنبي كوسه .. قالت لي ابله منسيه مكتب التوجيه يبغاك ..



قلت حتى الكوسه تعرفني



قلت ياكوسه لاتمزحين



قالت استاذه .. استاذه .. استاذه .. واعطتني كف على وجهي يوم فقت الا لقيتها ابله نوره الغثيثه خير ان شاء الله قالت ابد بس مكتب التوجيه يبغاك



انا لله حتى هذول عرفوا اني مسويه ريجيم عاد خليها تقولي مثل الباذنجان عاد .. لأفقع وجهها



وخرجت من الإدارة وش تتوقعون شفت ؟




ان شاء الله اكمل بعديييييين
لكن الله الله بالردود السنعه ...