~~*{(( النسيان وما أدراك ما النسيان ))}*~~~ كل وحده فيكم ؟!!

مرحبا وهلا والله بالغوالي
كيفكم وش أخباركم ان شاء الله بخير


حبيت اليوم اطرح عليكم موضوع حلو وفي نفس الوقت مو حلو يعني المصايب اللي تجي
من وراء النسيان ،،، انا كل يوم تقريباً يحصل لي موقف او موقفين مضحكين والسبب
النسيان ،، ابي أكتب لكم كم موقف كذا عن النسيان صارت معي هالشهر وانتم تكتبون
أطرف موقف سببه النسيان او حتى موقف محرج ،،،
صدقوني اني أعاني كثييييير من النسيان ، اتذكر مرات كان زوجي يطلب مني كأس ماء
واروح للمطبخ والف لفه لفتين ما أدري انا ليش جايه للمطبخ ثم ارجع للغرفه ما معي شيء
ومرات اجيب الكأس فاضي مافيه شيء والله حاله :23:

اذكر لكم موقف صار معي قبل أسبوع : صحيت من النوم الساعه 11 تقريباً الصبح
وما كان ودي أصحي بس شسوي لازم :11: المهم في كل مكان اوطي راسي يعني
ما شبعت ، قلت يابنت قومي خلاص بسك نوم افكر وش اللي يخليني أصحصح وما أرجع
للنوم مره ثانيه إلا الساعه 2 في الليل المهم ما لقيت إلا النت والمنتديات قلت
خلني أصحصح معاهم وأشوف آخر أخبار العالم :32: المهم جلست على النت
إلى الساعه 30/1 الظهر طبعاً صحيت بنتيتي الساعه 11 وجاء ولدي من المدرسه
في نفس الوقت وعطيتهم فطور ومثل العاده انا ماأحب الفطور يعني أخليها غداء مره وحده
المهم رحت الساعه 30/1 للمطبخ أصلح الغداء وجهزت كل شيء والحين الساعه
3 العصر يعني زوجي على قدوم من العمل رحت أبي اتكشخ لأن ابو العيال على وصول
طالعت في المرايه إلا شكلي يضحك تصدقون نسيت أغسل وجهي :01: والله العظيم
جالسه منهبله كيف سويت كذا لأنه كان معي عذر ولا صلاه ولايحزنون ، ياحلو الصلاة سبحان
الله إذا كان الواحد يصلي مستحيل يمر بهذا الشيء بس إذا كان عندي عذر وجهي ما أغسله
ألا مره او مرتين في اليوم :44: ،،

الموقف الثاني : مره كنت اصلح الغداء وجالسه أحضر أدوات الكبسه وشارده مثل العاده
ما ادري وين الله موديني المهم رحت للثلاجه وطلعت منها بندوره ( طماطم ) ورحت اللدولاب
وطلعت منه حبة معجون طماطم السعوديه المهم ومندمجه في شيء في راسي رايحه معه
تعرفون الفكر إذا شرد المهم وانا على المجلا أغسل استغربت اغسل شيء ماني متعوده عليه
طالعت زين في يدي إلا انا اغسل علبة معجون الطماطم لا وحاطته في صحن صغير ومعايه
سكين بعد كنت أبي أقطعه قطع صغار :32: واطالع أدور الطماطم اللي كانت معاي إلا هي
على الطاوله يعني مكان الصلص ! والله حاله وجلس اضحك لحالي بس والله شيء يخوف
إذا انا نسايه في هالعمر اجل وش بسوي بعدين ؟!؟!
وفيه مواقف كثيره تسببت لصديقاتي فيها وأخواتي وزوجي بسبب النسيان بس أبي
أشوف المواقف اللي تصير معاكم بسبب النسيان :21:

وان شاء الله ربي مايبلاكم به
واللي عندها حل لهالمشكله ياريت تساعدني ولها الأجر ان شاء الله :(