النشاء وموية الورد للبشرة

مساء الخير 💜

يا بنات الحر صاير مو طبيعي تحاولين من هنا بعنايتك لبشرتك وسبحان الله تخرب من هنا من الحر والشمس وصاير فيه رطوبه بشكل غريب ، والمشكلة فيني طبع زين شين 😂 لازم أجرب كل شي عشان أشوف وش يناسب لبشرتي وطبعاً أبي أتأكد بأن اللي اجربه مايهيجها او يجففها أو يسبب لها حبوب🤕

وكالعاده وانا أتفرج على التيك توك قبل فترة لقيت وحده تتكلم عن النشاء وموية الورد تحطه بالفريزر بقوالب الثلج وتستخدمه لبشرتها كل يومين وحطت صوره لبشرتها قبل وبعد ما شاء الله لا إله إلا الله تغيرت تغير جذرررييي وصارت أفتح وأصفى لأن بشرتها كانت تصبغات وحبوب بكل وجهها ، بس خفت من موية الورد لانها لحالها ماتناسب وجهي أبدا ، بس قلت بما أن معها نشاء مو لحالها بجربها ، المهم جبت النشاء وحطيت ثلاث ملاعق كبار وصبيت عليها موية الورد وجلست أحركه لين صار القوام تقريباً ثقيل شوي مو مره وبعدين حطيته بالقوالب وبالفريزر خليتها ، صرت كل ماخلصت روتين البشرة قبل النوم أمرر عليها مكعب ثلج يابنننننناتتتتتتت النتييييييييجة جبااااااره تحسين بشرتك سبحان الله نظيفة ووكأنها مشدودة وانتعااااش أنصحكم فيها مررررره ، وبصراحه دايم يقولون موية الورد والنشاء أي خلطة تكون فيها معناته إن شاء الله ممتازة 😍😉