ابد ياطويلين العمر والسلامه .. كل أنثى في مجتمع متعدد الطبقات
تكتشف بعد فتره انها تعيش مع بعض ناس نصنفهم .. وتفرزهم وتجعلهم في صندوق البلاوي
لانه مايجي منهم إلا وجع الرااس والبلاوي..
وانا ما اتكلم من فرااغ .. لاني عشت تجربه مع ناس وتركتهم في حالهم يكسرون ببعض
عشت في بيت والدتي خيرها واصل الجميع وربتني وقطعت قلبها لي انا وأخواني
والحمد الله دائما وكل يوم تقولي كل شيء سويته لكم ماضاع فيكم حبكم وحرصكم علي اكبر دليل اني ماخسرت شيء بحياتي
لكن للأسف امي احتظنت أقارب وغطتهم بخيرها .. سعت في تزويجهم وساهمت في زوجاتهم
حتى وقت تجهيزهم لزواج فتحت بيتها ووضعت سيارتها وسائقها رهن إشارتهم
ووقت ولادتهم ونفاس تحضر وتجيب معها خير ..
وهم سلسله من المصاااعب على قولة فؤاد ههههههههههههههههههههههههههههه
يعني مجموعه من الأخوات ..
كبرنا ولم تمن امي الله يحفظها ويرزقها جنة الفردوس على احد بعطيه
لكن بعد فتره صرنا نسمع من نفس سلسلة المصااعب نقل لكلام وأحداث وقصص تصل للخرافيه ..
عن بيت والدتي .. ولكن انا وأخواتي كنا نسمع ونطننش ونقول مصير الحق يبااان
لكن الكلام والتلفيق والقيل والقال مستمر .. وكل مره تجينا وحده من سلسله من المصاعب >>وحده من الأخوات
ترمي كلمه على لسان وحده من اخواتها....
رغم أحترامنا الظاهر لهم وعدم رغبتي انا واخواتي بفتح ملفات وحترام صلت القرابه
بقلب صافي ارسلت رسالة معاتبه للمصيبه الكبيره اعاتبها على كلامهم بالمجمل
ولم اذكر اني قلت لها كلمه وحده تجرح او تقهر
تخيلووو وش صااار
البنت ماردت علي وقامت تتصل على كل أخواتها تقول من قالها الكلام إلي قلته عنها
وشبت نار بينهم وقامو يتحاذفون بالطوووب>>>>>>>أمووت على الوصف
وكل وحده تتصل علي وتقول مو انا إلي قلت فلانه إلي قالت
المهم قلت موو مشكله من قال ومن ما قااال فلقتووني خخخخ...
ليه تتكلمون من الأساس وتألفون وتلفقون قصص علينا
المهم هدينا وقلنا اعوووذ بالله منك يااشطااان
رجعنا نستقبلهم في كنفينا ونضحك وكأنه شيء لم يكن
المهم لم تنزل العقوبه باحد ونسينا الموضوع
بعد فتره اجتمعنا معهم وصارت مشكله بسيطه
والقصه
أختى كانت تسولف مع وحده من إياهم وتضحك ..وقالت لها
ياحليله فلان بيتزوج فلانه ...
ضحكت معها .. في نفس اللحظه ورااحت تطير لأمي وقالت بنفس اليوم
وقالت لأمي :
وصلني من ناس يقربون لزوجي انه بنتك تقول عن فلان بيتزوج فلانه
امي عصبت وجت تعاتب وتهاوش أختي ليه تتكلمين مو وقته يطلع هالموضوع وتونا ماصار شيء
أختي عصبيه
من القهر جت قالت لها مو انا توني قبل شوي قايله لك متى يمديه يوصل لقرايب زوجك وصل بالنيه ههههههههي قالت ولا ماقالت
فتحت النار .. وقامو يتهاوشون ويتناقرون
أنا بغباء مني قلت دام الدعو خربانه
خلني اقولهم عن كلامهم إلي نسمعه منهم دائماً
قلت ولا ماقلت يمه يمه يمه بلاااااااااوي بلااااوي صارت تتحدف علينااا
من جد يابنات استغربت ردت فعلهم على انهم هم اساس من تكلم وألف قصص وغلط
وحقدهم ورسائلهم إلي وصلت لحد المرض
أنا اقول طيب ليه تزعلون على كلام إنتو تقولونه ..
طيب كل شخص يصير واثق من نفسه ويعترف او يتكلم قدامنا ويواجهنا
إذا فينا غلط نصلحه وإذا لا نبين إحنا وش عليه
مو بالخفاء ونسمع طراطيش حكي منكم انفسكم
وغير كذا حولوها وحورها وأقنعو نفسهم بقصة ترضي مشاكلهم النفسيه
والله ماعمرنا نقلنا او سولفنا على وحده شيء يخص اخواتها
مانتدخل فيهم اصلاً مانجيب طاريهم بينا وبين بعض كيف عند نفس السلسله من المصااعب
استعجبت من مسجاتهم إلي مسوين فيها فلم هندي
واستغربت انهم قلبو السالفه اننا فرقنا بينهم
وكل السالفه ليه ياختهم الصغيره تتكلمين على بيتنا وفلانه وحده من اخواتك تشهد وهي إلي نقلت لنا كلامك !!!!
مو من حقنا نستفسر او نبين الخطأ
مرره غريبين مرره >>>لين الحين تفكر كيف يفكرون بضبط
والله يابنات الحمد الله انا بنسبه لي مايهموني ولا يحركون فيني شعره لانهم نااس أولاً وأخيراً مساكين .. إذا ما تكلمو بالناس تكلمو على بعض وقطعو بجلد بعض
انا اقوول ليه البلاوي تتحدف علينااا كذاا
والحمد الله سألت شيخ وقالي مو حرام تقطعينهم وماتشوفين وجيهم
اهم ماعليك صلة الأرحم الباقين
وانا نيتي أقطعهم عشر سنواات بس ههههههههههه
من جد انا حبيت افضفض لاني ما احب اتكلم بمشكلتي عن الناس إلي تعرفني
لانه من جد هم حاله محرجه مالها علاج
>>>>>>>متاكده ان القصه تقلب الرااس بس ياالله فيه أسأله وجوائز ههههههههههههههههههههههههههههههه
حسبي الله على ابليسك مت ضحك وانا اقرا حسيتك تكتبين وانتي معقده حواجبك ومشتطه هدي ياعسل
خذي الامور عااااااااااااادي استغفر الله دايما العقارب كذا ودهم في جنازه ويشبعون فيها لطم ههههههه يتعبون نفسيا اذا مايلقون مصيبه او فضيحه يتكلمون فيها فيختلقون قصص وافلام عاااادي ذمتهم وسيييييييييعه واذا واجهتيهم بشي قالوا حنا ابداااا ماقلنا وعادي خذي القسم والحلف لدرجه انك لو سامعتهم بذنك تشكين في نفسك ان اذنك ماعادت تستقبل لوووول
عادي ياحبي والله اني نفس حالتك هم ايالفون قصص وامي تدري لجيت برد قالت امي لالالا هذولا هلي طيب والكلام اللي يقولونه ويتناقلونه ويمكن يمثلمونه بعد قالت ابد كل واحد حسابه عند ربه
وانا اطق قهر والحياه تستمر والافلام كذالك
تشاو ياعسل