وصايف ، مشكلتي نفس مشكلتك ، اسهر وانام الصبح ، ونومة الصبح احطها عندي في الاولويات ، واحاول كل شي الصبح يتأجل لبعد الظهر او للظهر ، اما ان كان في اي مشروع صباحي الغيه ، زيارات ، تسوق للبيت واحتياجاته ، حتى مراجعات الاطباء ارفض اي مواعيد صباحية ! تخيلي لهذه الدرجة ادمنت نوم الصبح.
ومتضايقة من نفسي لكن مو بيدي احس نفسي اتغذى على النوم وارتاااح فيه وادعي ربي دايما ما يحرمني من نعمة النوم ، الحمد لله على نعمه .

اذا لقيتي حل الحقيني فيه الله يسعدك.

وأنا زوجي يسميني الأميرة النائمة

باين كلنا في الهوا سوا
والله نفس الحاله
ادمااااان نووووووووووم
واذا نمت اقل من 8 ساعات احس اني مو نايمه عدل والاخلاق تصير زفت
بس مو مأثر على حياتي لأنه ماعندي أطفال وزوجي دوامه من الصبح لين المغرب وعطاليه
الله يسترمن باجر

:26:

وانا مثلكم بعد مايبيلها كلام

كنت اول مثلكم في النوم بس الحين الحمد لله
اتركي شرب الشاي والقهوه بعد المغرب لانه يساعد ان الوحده تنوم مبكره

وفي الصبح اشربي نسكافيه او شاي او القهوه العاديه الى ان تتعودين على قومة الصبح

والله فرق بين انك تنومين مبكره وبين السهر في الليل

حتى صلاة الفجر تقومين نشيطه

انا نفسي انااااااااااااااااااااااااااااام مثل خلق الله كل يوم سهر مع عيالي طول الليل واذا نمت انام نوم متقطع يعني كل شوي حد من عيالي يقوم اللي مريض واللي عطشان واللي يدلع وآآآآآآآآآآآآآآآآآآآآآآآآآآآه مادري كيف ماجنيت لين اللحين
واللي اخس من هذا وذاك اني موظفه يعني اقوم اصلي الفجر احط راسي نص او ربع ساعه وبعدين اقوم اجهز عيالي للمدرسه وبعدها خلاص مافي نوم ودوامي طويل لين الساعه اربع ونص العصر يعني لا احلم اني انام ............ مرات اعوض شوي وانام لي ساعه العصر بعد ما ارجع وساعات ماقدر يكون وراي مشوار او حاسه بصداع بيفجر راسي وكنت احس بتأنيب الضمير يوم انام العصر عشان عيالي ماشوفهم من الصبح لكن مع التعب والصداع لازم انام شوي لاني اذا اجبرت نفسي اقعد اكون عصبيه وتعبانه ومب طايقه نفسي ولقيت اني يوم انام لي ساعه يكون مزاجي احسن واقدر الاعب عيالي او ادرسهم او حتى اسوي عشا خفيف بدل ماخلي هالمهمه للشغاله