معاني الكلمات ..
النية .. الكل يعرفها ومحلها القلب .. ولا أحد يعلم عنها إلا صاحبها ..
مطيـّــة المطية هي الناقة المخصصة للركوب يعني ونيت الأولين .هههههههههههههههههههههههههه
** قصة هذا المثل ..
كان هناك رجل غني .. وكان له صديق فقير وكان هذا الغني يذهب إلى إحدى البلاد ( ماهيب الجريدة:) المجاورة ليحضر البضاعة على عدد من الإبل ..
فقال لصديقه : لماذا لا تذهب معي وتعمل بالتجارة ؟؟
وقال له بعد : خذ عدد من المال .. يعني أعين وأعاون ومستعد باللي تبي..
قال لافقير : لالالا من ناحية الفلوس الحمد لله معي اللي يكفيني ..
بس المشكلة في الإبل ما معيش ..!!!
قال له التاجر : بس .. ولا يصير خاطرك إلا طيب .. أشيل لك البضاعة على ناقتي الـ(85) ==> هذي من عندي :
ايه قاله خلاص اشيل لك البضاعة على الناقة هالمرة والمرة الجاية واللي بعدها بعد ..
لما تكوّّن نفسك ..قال الفقير : اوتسي ==> يعني ok
وفعلا سافر الرجلان حتى وصلا وادي .. فقررا أن يجلسا للإستراحة والغداء ..
وجلسا تحت شجرة وكل واحد وضع المال الخاص به في " كيسة " صغيرة وهي تقوم مقام المحفظة ..وكل واحد علق كيسه في غصن من أغصان الشجرة..
ذهب التاجر يتمشى في أسفل الوادي (( يشم هواء )) .. وقام الفقير بعمل القهوة والطعام ( شقردي ما شاء الله عليه )
المهم .. وبينماهو يطبخ وينفخ فإذا بطير كبير يطب على كيس التاجر ويأخذها ..
وطبعا على مرأى من الفقير ..!!!بعد تفكير لم يطل .. قام الفقير وأخذ كيسه ووضعها مكان كيس التاجر .. وكمل شغله وجهز القهوة والغداء ..
بعد ما جلسا وشربا القهوة وأكلا الغداء .. قال الفقير للتاجر : يافلان انا قررت الرجوع لأولادي من هالمكان .. يعني مانيب مكمل معك ..!!!!
حاول معه التاجر .. وحاول .. ولكن الرجال معزم ومافيه أمل يغير رأيه ..!!! ولم يبين للتاجر وش السبب ..!!
الشكوى لله .. هذا اللي قاله التاجربعد ما عجز عن إقناع خويه وكمل طريقة والفقير رجع لأهله ..
بعد مشوار يوم كامل .. يعني في وقت الظهر من اليوم التالي .. وقف التاجر عند شجرة يريد أن (( يزين )) الغداء ..
رفع رأسه فإذا بعشّ طير فيه كيسة حمراء ..!!! تسلق إليها وأحضرها ..
تبين له أنه الكيس الخاص به ..؟؟ وبعدها عرف سبب ذهاب صديقه
فالطير أخذها يحسبها قطعة لحم ( طير ماعندك أحد ) :..
الرجال تغدى .. وكمل طريقة ووصل للديرة واشترى منها بضاعة له ولصديقه
وبعد ما رجع لديرته استدعى صديقه وسلمه البضاعة ..!!!
قال له : انا ما اعطيتك فلوسها ..!!!
فأخبره التاجر بأنه عرف السبب وقال له القصة كاملة ..
فقال الفقير : نعم .. خفت اقول لك أخذها طير ولا تصدقني ..
وجتني فكرة التبديل ..
فقال التاجر : وعشان كذا نيتك أوصلتك إلى الخير ..
قالـ (( النية مطية ))..!!وبعدها أصبحت مثلا يضرب ..
وطبعا يضرب للخير وللشر .. يعني اللي ينوي نية شينة ويصير له شيء شين يقولون له بعد (( النية مطية )) ..!!
وكذلك اللي ينوي نية زينة ..
مثل هالقصة ..
اجل فقير بدوي يقول اوتسي😂😂
بس اول مره اعرف المعنى بصراحة دايم اسمع بالنية مطية لكن اول مره اسمع بها
شكراً ع الطرح اللزيز