الهدايا عند زيادة النفاس

الحمل والإنجاب

السلام عليكم ورحمة الله وبركاتة

الله يجزاكم خير انا ابزور وحدة نفاس ومحتارة وش اخذ معي لها

ومدري الناس وش ياخذون عادة وهي جابت ولد ما شاء الله

ابي اراكم تكفووووووون الفزعة
وطبعا انا من الرياض

الله يتمم لنا ويهون علينا يارب
13
3K

يلزم عليك تسجيل الدخول أولًا لكتابة تعليق.

تسجيل دخول

أوشن دريم
أوشن دريم
مبلغ مالي في ظرف _صينية شوكولاته-كرسي مواليد-عربيه اطفال شوفي اللي يناسبك من هالاشياء
m!ss strawberry
m!ss strawberry
امممممممممم انا اشوف احسن شي تاخذين لك عربيه من النوع الممتاز من مذر كير او شيكو او اي محل وتهدينها لها

او جلاسه نعومه من سنتر بوينت فيه جلاسات بـ 179 ومرره حلوه الوانها وناعمه ومريحه وميزتها تستخدم من بدري يعني مو لازم يكون كبير شوي

واذا ماودك خوذي لك كم قطعة ملابس من محل راقي وتكون مثلا مقاسه في الصيف الجاي يعني على شهر 7 ان شااء الله عشان يكون كبر شوي والبراد راح ونسقيها لها مع شراباتها وجزمه

وحطيها في علبه ورتبيها ترتيب مرتب واهديها ايااها ,,

اذا كان عندها ولد او بنت اكبر منه جيبي له هديه لعبه عشان مايزعل ويغار من اخوه :)

او جيبي للام هديه زياده ,,

الي يريحك ياقلبي ,,
.. DaNa ..
.. DaNa ..
حبيبتي من طبعي ما احب الاشياء التقليدية اللي متعودين كل الناس يجيبونها وممكن يجبون ثنتين لها نفس الهدية ..

وحلو انك تهدينها شي ماراح احد يجيبها زيك ..
مثل ..
شوي عود
سلسال حلو من ايجنر مثلا او اي نوع فضة ..
بجاما او قميص نوم ..
مجموعة عطورات ..

يعني مثل هالأغراض اللي حتى رح تساعدينها في انها ماتشتريها بعد النفاس ..
المتفائله 66
المتفائله 66
الله يعطيكم الف عافية على الافكار والله كنت شايلة هم الهدية
أم الأطفال
أم الأطفال
في هديه بسيطه بس راح تفرح فيها كثير ثوب أبيض للمولود وطاقيه مزخرفه بالفضي إذا كان الثوب أبيض أو مزخرفه بالذهبي إذا كان الثوب نباتي تغلفيها مع كرت تباركي لها فيه وتدعي لها وممكن جليه أسود صغير