الهولنديه ............التي كادت تقتلني .....اهاهاهاهاهاهاهاها

مراحب فيكم يا احلى البنات وش اخبار الاجازه معاكم
الفراغ بيذبحنا عشان كذا طلعت لكم قصه دراميه من الذاكره حدثت لي قبل 13

القصه
طا...طا....طن....(موسيقى تصويريه ) في يوم صيفي من ايام الاجازه كنا مسافرين
عند اجدادي في مسقط راسي ( البكيريه ) وختكم تموت في الحيونات ......نسيت اقولكم
اجدادي في مزرعه المهم كنت ادور الحيونات الاليفه وشيلهم .....ولاحق فيهم الخوفين
......نجاسه وتسليه :30: (جايتكم العقوبه ) وكنت اموت على الارانب بس كان جدي
الله يرحمه حطهم في مكان صعب الوصول اليه....
:42:بس على مين ادخلهم يعني ادخل لهم .......تدرون وين هم محطوطين

؟

؟

في غرفه داخل غرفة الد يناصور :06:
والديناصور هذا هو بقره هولنديه تزن مليون طن

بس انا ابي الارانب ومايهمنيش
مسكت خالي الصغير وسويت معه خطه عشان اقدر ادخل اجيب الارانب وفي غفله من جدي
والجميع .....هاهاهاهاي .....(.الخبله بتدخل ) عاد ها البقره تعاني من الوحده لا زوج ولا ولد
عشان كذا هي عندها حاله نفسيه يقولون اكلت عيال البطه وتاكل البلاستيك
وماكله سكين بس.......على مين ولا بيهمني
المهم خالي هذا تعرفه البقره وتخاف منه فا قلت له انت تبعدها عن طريقي لاخر الحوش
وانا بركض لغرفة الارانب اخذهم وطلع ركض
ودخل خالي وهشها لاخر الحوش ودخلت طرزان على الارانب ورديت الباب شوي
وقمت اطارد في الارانب ........بس الضاهر طولت على خالي وغفل شوي
عن الديناصور ......طا..طا.....طن (موسيقى تصويريه )
؟

؟
فا الهولنديه مشتهيه ارنب وفاجئه ونا اطامر الا وسمع
صوت الباب يدفش بقوه ................ونا التفت يم الباب
يا لهوي ........ياخراشي .......طم طخ طع ..............وز.....( لصقت با الجدار واغمي على )
ياويل قلبي مهب ذا وقت اغمى الغرفه كلها مترين في مترين
ولا مفر تمنيت في ذيك الحظه اني ارنب عشان ادخل معهم في الجحر
بس تلاقون الارانب تقول احسن .........تدرون وش اللي صار
بسم الله علي البقره الهولنديه دفت نفسها غصب ودخلت على الغرفه .......
........................اغمي على مره ثانيه ..........ويوم فتحت عيوني
لقيت وجه قسم با الله يا بنات كبر قريح وعيون كبر الساعه الخراشه وخشم
فتحاته تدخل يدي ..........وقرون.....يا لهوي .......طول قريح ( وش كبر وطول قريح )
والظاهر تسلم على ......مااااااااههههههه عشان ثغت وفتحت فمها والله احسه
يدخلني مره وحده .......اغمي على مره ثالثه .........واستجمع قواي واصرخ ذيك
الصرخه اللي انقطع الصوت عندي عقبها شهر الا وخالي ينتبه بس مايقدر
يسوي شي لانه لو دخل علينا الغرفه بتتقدم البقره وانا اللي قدمها لاصقه با الجدار
بيرصني اكثر وصير مطازيز........بس من رحمة ربي البقره الظاهر خافت من قوة
صرختي والا ماعجبها جسمي (غير مشهي للاكل ) وتعوذت من الشيطان وقررت
تطلع من الحجره بس عاد يبي لها تحتك في جسمي وترصني شوي على الجدار عشان
تقدر تاخذ دوره كامله وتطلع وتمر على بجسمها وهي اكبر ماخلق الله
وانا اتشهد وتذكر امي وخواني والدنيا الحلوه اللي بتركها .......بس الحمد لله
حدثت المعجزه وطلعت الهولنديه من غير ماتاكلني ...بس المشكله وين الرجلين اللي
بتشيلني..........جاى خالي بيكفر عن ذنبه ويسوي نفسه منقذ وحملني على ظهره
( ايام الرشاقه ) وطلعني من الحوش ........واغمى على للمره الرابعه .....
.....وماصحيت الا وهلى يرشوني ماء ويقرون على ..................
................والنتيجه قطعت الخلفه حتى يومكم ما شفت الظنى :44: ادعولي

النهايه