يب اكتب عن زوجي ليه لا .. اكتب عنه بادب ومستحيل اكتب في حالتي احبك زوجي و زي كذا لا بس تكفي عبارات تفرح قلبه واخذ اجر عليها .. وبرضو باكتب عن مانا وبابا واهلي عادي الوضع .. مرة سويتها وحطيت صورة زوجي وجاتني وحدة تتفلسف ع راسي وتقولي ماتغاري عليه مدري ايه المهم طنشتها وماعاد صرت احط عشان لاتطفشني .. قبل الزواج لمن احط صور شباب بعبارت عيب ومدري ايه وبعد الزواج عين وغيرة وهبل من جدددد ماااعاد بحطها عشان الغثا الي عندي .. وبس

من قال ان البنت اذا تزوجت تقول لزوجها عيب وعيب لا ياحبيبتي ده كان زمان جيبيلي وحده تستحي للدرجه ذي ...خلاص

راح الحياء من الزوج من مبطي وبالنسبة للواتس برنامج جدا روووووعه

وانا حذفته لانه يشغلني عن اولادي واذا مارديت على حد يزعلون فريحت راسي وحذفته

ومن ناحية انه احنا ماراح نقدر نعبر عن مشاعرنا الا بالواتس ...........عز الله رحنا فيها يعني العالم كله منطم لين جاء الواتس

وحل المشكلة ومن قال ان الاجانب حياتهم الزوجية احسن مننا انتي وين عايشة كانك تتكلمي عن نفسك

الحمدلله الغالب يقدر يعبر عن مشاعره ومااحنا في حاجة واتس ولاغيره ومايحتاجه الا اللي عندهم مشكلة في الاتصال بالناس

وجها لوجه

ومن ناحية التوبيكات اغلبها اللي حب وكذا فشخره كذابة وتصنع ولدرجة اني شفت بنات ياخذو صور من صحباتهم لخرجة او حفلة

وينسبوها لنفسهم وعيني عينك وكذا مرة انكشفو وكمان ماهمهم بصراحة كرهت ناس كثير بسبب الواتس وبلاويه

..مساء الخير ..


حبيبتي .. عن نفسي أراه نقص كبير جدا لما تجيك وحده ..
مصوره لي محادثة زوجها .. خير حنا وين ..؟!
بينك وبين زوجك حب ورومنسيات حنا وش خصنا نقرى ونشوف الي بينكم ..!
المشكله بعلمك شئ .. انا الي عندي فـ لستة البلاك بيري كلهن تقريبا اعرفهن وأعرف طبيعة علاقتهن برجالهن اوكي ..!
الحين البنات الي دايم هواش .. وطق ومطاقق مع زوجها هي الي تتغزل ..

×

وتعرض لنا المحادثه .. لو ان شاء الله أرسل لها يقول أقول تبين عشا من برى .. حطت قلب ووجه فرحان ..
وقالت اي ي بعد عمري ابي ... طيب اوكي حنا وش خصنا فـ عشاكم ..!
في حين ان البنات الي علاقتهم تفوق الممتازه برجلها .. وتكاد حياتهم تخلو من المشاكل ..
ولا وحده فيهن قد شفت صورة زوجها .. ولا وحده فيهن قد حطت صورة محادثه أو صورة مسج زوجها كتبها لها ..!
ليه .. لـ ان واثق الخطا يمشي مليكا ..
ولـ أنهن عارفات وواعيات أن هذا المكان ما يصلح لـ عرض مثل هـ الأمور الخاصه بين اثنين أبدا ..


×

الحين حبيبتي ..الي ودها تعبر عن حبها لـ زوجها ..
ترسل له مسج .. ادق عليه تليفون .. بينها وبينه .. هذا شئ جدا جدا خاص أتعب وأقول خاص ..!

×

هذي حياه زوجيه .. مملكه يحكمها اثنين ذكر وأنثى مال اي شخص أحقية الاطلاع على الي يدور بينهم ..
من حب ورومنسيات وزعل وغيره .. أبدا ..!
هذا رأيي .. أتمنى ان يجد صدر رحب عند الجميع..!
ي هلا ..!



..ركب الأغراب..

كلامك صحيح

،

لكن ياغالية فيه ناس ما تعطي خير ، راح تحلل انك علاقتك مع زوجتك ممتازة وانتي مرتاحة وتدخلك ف تعب تقولي ليتني ماحطيت وانا أتكلم عن تجربة شخصية