الوسواس تعبني ....دلوني على حل او دعوة في ظهر الغيب......

السلام عليكم .....ولله يابنات امر هالايام بفترة مرض نفسي (الوساوس)والعياذ بالله مستمرة في كل شي .والله يابنات اني اتمنى الموت واقسم اني احسد الميتين و اقول ليتني بدالهم ....:44:

تعبت نفسيتي مرررة .وبيتي هملته وعيالي هو قد جاني من 3سنوات وخف علي كثير ,,,بعدين سبحان الله رجع
والله صاير عقلي خصب لاي فكرة او وساواس بسهولة تخش وانا الان صايرة احافظ على اذكاري وادعي ان الله يكشف الي فيني والحمدلله على كل حال...وهي مختلفة شي بالدين واشياء غريبة مرة ....ماتخش العقل بس تنكد علي حياتي وتحزني.:44:

والله اني تعبت وتعبت اولادي لدرجة اني دخلت انا واياهم ندعي عصر الجمعة في غرفة لحالنا وادعي وابكي ويبكون معي ويسكتوني والله تقطع قلبي عليهم .

بعدين قلت لولدي الكبير12سنة ادعي لي تعبت انا .وقعد ياحياتي يدعي لي (يارب تهدي امي وتطهر قلبها .وتحسن خاتمتها وتموتها كان الموت خير لها .وبعدين حط يده على وجهه وقعد يبكي بكاء يقطع القلب.....
:(
قلت ليش تبكي قال مابغاك تموتين واقعد لحالي .......قعدت ابكي معه واقوله انا ابغى الدعاء هذا ان كان الموت خير لي اني اموت وارتاح واريح الي حولي؟؟؟؟

والله ماكان ودي انكد عليهم بس من شي فيني اقول لعل الله يتستجيب من الصغار ويرحمنا جميع.



يابنات ادعو لي الله يجزاكم خير .والي عندها حل وقد مرت مثل حالتي وشفيت تقول لي .والي تعرف احد يقرا او حرمة كويسة بالرياض ترقي عن الوساوس لاتبخل علي


والله يابنات اني اكتب والله انا ابكي (الله يفرج لي من عنده ويشفيني من الي فيني وكل مسلم .ويرفع عني كيد الشيطان والوساوس ويقيني شر نفسي ..اللهم لاتجعل مصيبتنا في ديننا .

وقسم بالله اني اتمنى الي فيني مرض خطير ولا تجيني هالوساوس . خاصة في الي يتعلق بالدين ..الله يرزقني الصبر ويشفيني ويحسن خاتمتي....ادعو لي بظهر الغيب لو ماكتبتو .....الله يجزاكم خير....