الوسواس نكد حياتي

السلام عليكم ، اول شي الله يسعدكم كلكم ويحقق امانيكم يارب ياكريم


ثاني شي انا اعاني من الوسوسه لدرجة احيان احس فيني جنون
مثلا عندي وسواس الشك واحسني مراقبة مثلا في غرفتي اوسوس انو اهلي يراقبوني من تحت الباب ومستحيل اجلس فيها بدون احط منشفه طرف الباب ولما اتروش احس اخواني يراقبوني كمان احط حواجز تحت الباب ولما اروح عند ناس او اي احد غريب احسهم حاطين كاميرات ببيتهم او حمامهم ويراقبوني ولما امشي بالسوق او الشارع احس فيه احد يترقبني ويلاحقني


وعندي وسواس الموت والقيامه اجلس افكر بالموت والقبر والقيامه وكيف بقابل ربي واوقف قدامه واجلس مرعوبه وخايفه طول الوقت


عندي خوف على اهلي احسهم بيموتون بيصير لهم حادث بينفجر فيهم البيت احسهم بيطلعون مايرجعون وماعاد اشوفهم




عندي وسواس في الصلاه احس صلاتي غلط في غلط احسني ما اعرف اصلي واحس ربي ماراح يقبلها واشك بنفسي وانا اصلي يعني بأي ركعه بأي سجود احس اني لخبطت


احس اي عمل صالح ماراح يقبل لي ولايحتسب واحس اني من اهل النار


احس اني بتزوج بكون عقيمه وماجيب عيال


والله تعبت من هالافكار ابغى اشيلها ماني قادره واللي زيي تقول وايش الحل كيف ابعدها عني