بنوتة_جدة :

مرررة شكرا على الموضوع ومن جد جيتي على الوتر الحساس انا مشكلتي بدأت لما صار عمري 20 سنه وانا دحين 25 انا كنت عادي ما اوسوس ولا شي لكن فجأة لما صار عمري 20 صرت اوسوس في الطهارة وفي كل شي يتعلق فيها يعني مثلا لازم لما اصحى من النوم اتحمم عشان ممكن اكون ماني طاهرة ولازم اتحمم مع العلم انا مو متزوجة بس يمكن حلمت او شي (( اسفه اذا كنت شوية جريئة بس من جد الموضوع مضايقني)) والمشكلة انه لازم كل يوم اتحمم وانا اصلا اطول في الاستحمام وممكن توصل لساعتين فتخيلي كل يوم اتحمم ولمدة ساعتين لدرجة اني وصلت لمرحلة استغفر الله يا ربي ويا رب تسامحني عشان هذا الشي مو بيدي ويارب تشفيني اني عشان رابطة الصلاة بالاستحمام وعشان طفشت من الاستحمام كل يوم لمدة ساعة او ساعتين صار في ايام ما استحمى فيها وبالتالي ما اصلي عشان كيف اصلي وانا نجسة وحتكون صلاتي باطلة وكمان مسالة دخول الحمام ماساة عشان مررره اطول وما اقدر ادخل اي حمام بس حمام البيت عشان اقرف من الحمامات التانية وعشان لما اكون عند ناس ما ابغى اطول ويعلقوا عليه يعني وسوستي في موضوع الطهارة ككل وانا مرررررررررة مضايقة ونفسي اتعالج وارجع زي اول اصلي الفروض والسنن كمان واصوم السنن ونفسي اصير انسانه طبيعية ادخل الحمام الله يكرمكم من غير ما اطول زي كل الناس العادييين ونفسي ما اطول في الاستحمام زي الناس العادييين برضه والله انا مررره مضايقة من نفسي ونفسي اتعالج واصير انسانه طبيعية صح اتذكرت في الصلاة كمان صرت لما اصلي لازم شي يوسوس فيه ويخليني افكر في اشياء المفروض ما افكر فيها اثناء الصلاة والله نفسي ارجع زي اول ونفسي احس انه ربنا راضي عني وماهو زعلان مني لو سمحتوا ادعولي انه ربنا يشفيني من هذا الوسواس واصير انسانة طبيعية شكرا واسفه على الاطالة

مرررة شكرا على الموضوع ومن جد جيتي على الوتر الحساس انا مشكلتي بدأت لما صار عمري 20 سنه وانا...