الله يجزاكــــــــــــــــــــــــــ خيــــــــــــــــــــــر

بالنسبة لمشكلتي فأنا جاني بالوضوء وتكبيرة الاحرام وربي تعبت لي 7 سنوات ماني قادره اطنشـــــــــــــه يروح ويرجع

اللهم اشفي كل مصابة بوسواس
اللهم اشفي كل مصابة بوسواس

السلام عليكم اخواتي
بارك الله فيج اختي على طرحج لهلموضوع جا بوقته الله العالم بس كنت البارحة راح انزل موضوع مساعدة بالقسم الديني على وعسى القى حل لوسواسي اللي قاهرني ومنغص علي عيشتي

اختي انا بدا فيني الوسواس مثل سنج تقريبا كنت بالاعدادي الاول او الثاني او مش متاكدة بس اعدادي
كنا ببيت اهل امي وننطر ابوي يجي ياخذنا
طيب ندق عليه وما يرد اتصلنا لاخوي يروح يم البيت ويشوف السيارة موجودة والمكيف شغال يعني بالبيت وما يرد اكيد صاير له شي
ورحنا وتمينا نطق الباب والجرس لما تجمعوا معانا رجاجيل الديرة ولاكو فايدة ما يرد
اكسرو الدريشة ودخل اخوي وفتح الباب وطلع انه نايم وما سمع لا التلفون والباب والجرس
ولا عصب علينا بعد ههههههههههه الله يطول لنا بعمره
خلاص انا من هنا بدى معاي الوسواس
انو متى يجي يمكن لا سمح الله مات يمكن ويمكن ويمكن
شوي شوي لما بدى يوسوس لي الشيطان اذا ما سويتي هالحاجة راح يموت
اذا ما دقيت الباب مرتين مثلا راح يصير شي
ان ما سويت جذي راح يصير شي مو زين
وكذا وكذا وطبعا اغلب شي باعادة الحركة الي سويتها مثل اللمس او الدق او غيره
لما وصلت لهلوقت اشيك على الكهرباء وانا واقفة اطالعها وارد ليها كم مرة والماي
تخيلي وصل لغسيل المواعين اقعد ساعة اغسل كم صحن وكم ملعقة ودوم اتخيل ان فيها صابون وراح اكون انا السبب لو ضل فيها صابون واكلو بها وتسممو او ماتو وراح ادخل النار
ومثل الاخوات الي فوق الله يشافيني ويشافيهم
بعض الاحيان يطق علي وسواس الموت خصوصا مثل ما قلتي اذا كان حد مريض ولا متوفي
زنسيت اقولج اختي بعد قبل حادثة ابوي كنت دوم اقول اني راح احمل وما راح تجيني الدورة
طيب شلون احمل وانا لامتزوجة ولا شي ولا اعرف رجال ولا اطلع من البيت ؟؟
شفتي كيف وسواسي
بعض الاحيان احقر اقول ماني موسوسة
مثلا اني ما رديت شيكت على الباب مقفول ولا لا
اقول بس تعبت ماني رايحة اشوف بشوف اشبيصير راح يصير هالشي الي يوسوس لي به الشيطان
وفعلا اتغلب عليه وافرح وكلها ساعة اقل شوي اكثر شوي ويرد لي بشي ثاني

في الاخير سامحيني طولت عليج
بس كنت محتاجة افضفض حتى زوجي يقول لي راح تنجنين وانا اقول له ساعدني مو قادرة اخاف
يقول اقراي المعوذات وانتي تقراين القران يكفي
وارتاح شوي وارد

اسال الله لنا الشفاء عاجلا غير اجل واساله الثبات في الحياه الدنيا وحسن الخاتمه والثبات بالقول الثابت عند السؤل

الله جزاكي خير يارب موضوع رائع ومفيد اسأل الله ان ينفع بعلمك