هلا والله وغلا بكل اللي مسيرين علي وقالطين عندي
وش تشتهون اليوم اجيب لكم والا من شاور ما عطى!!!؟؟
عاد أنا أحب أشاور بكل شي حتى بالمواضيع <<<شفتوا كيف الإخلاص لكم!!<<<وش عندك ولا يكثر
أنا بخيركم وش تبون نوع الموضوع { اجتماعي أو ثقافي او علمي او سياسي}!!!!
اللي تقول اجتماعي يعني هذي تحب السواليف والقرق
الجمعات بالإستراحة
والزواجات وعلى قولة المثل ( ترقص على عرس العرب)
<<<إلا وش قصة هالمثل!!؟؟هالمثل يا وخياتي يقصد الشخص اللي لو سمع إن العرب عندهم عرس يعني مثلا لو قلنا إن عرب الشيخ مناور عندهم عرس وقاعدين يرقصون صاحبنا ذا من مضارب بني عبس وجاه الخبر يقوم يرقص وهو بديرته
( يعني متضامن معهم)) فهمتو وش المقصود ( ترقص على عرس العرب)!!؟نرجع لموضوعنا اللي تقول تبي موضوع ثقافي هذي يدل على إنها إنسانه فييسلوفه قصدي فلسفوفه لا خطا اقصد في.....<<<كملوها ما عرفتها بس هي اللي مأخوذه من الفلسفة
وحنا ناس نحب الصراحة والدخول بالموضوع بدون لف ودوران
<<<<<وااااضح والدليل دخلتي بالموضوع على طولوهذي لو سمحتوا تروح تدور اقرب دوار عند بيتهم وتدور عليه لين تشبع<<<<مدري وش جاب الدوار هنا بس بالدنيا كل شي جاااايز
واللي تبي موضوع علمي هذي يعني وحدة جاهلة وما عندها ماعند جدتي جايتن لمنا تبينا حنا ندرسها و نثقفها ((يعني دروس خصوصية)) لا وابلاااش بعد مير معصي هذا اللي ناقص نكد ونتعب على الفاضي يختي المدارس تارسات الديرة كل حارة فيها 3 مدارس ( مجمع كامل) وبالزاوية بتلقين مدرسه اهليه وجنبها فيه بقالة وجنب البقاله بتلقين جدار وهالجدار ما تشوفينه لانه ملصق عليه اوراق ارقام مدرسين ومدرسات خصوصيين وخصوصيات سوي حقره بقرة لين يطيح اختيارك على واحدبس انتبهي لا تعدين الهندي بالغلط ترى ذا راعي البقاله
واللي تبي الموضوع يكون سيااااااااسي !!!!؟؟؟ هذي وحدة بايعتن روحه وناويه تكمل اليوم بالسجن لا ولا هوب أي سجن ذا السجن غيييييير عن كل السجون<<<<ليش مجربه
ما جربت ذيك السجون بس اشوفهن بلمسلسلات مهيب سجون سراير وتلفزيونات وشاهي وقهوه وفلة حجاج الله لا يفلها علينا مثل ذيك الفله
بس ذا السجن حق السياسة خطير وكل شي فيه خطير ويقولون إنه تحت الأرض
وش رايكم يا بنات اخلي موضوعي هالمرة سياسي <<<< الوعد ذاك المكان اللي تو قلت لكم
اللي خايفة لا تقرى الموضوع ترى أول ما تخلصين بتسمعين جرس بابكم يدق جايين ياخذونك هذا إذا ما كسروا الباب ودخلوا بدون احم ولا دستور<<<إلا على فكرة وشو الدستور هذا اللي يقولونه المصاريه
(((تصدقون نسيت وشو الموضوع من طول قرقي)))
اذكر إنه سياسي بس مدري عن إيش بالضبط
تذكرت هالموضوع يدور حول شخصية سياسيه<<<<<تصدقون بديت ارجف
وهالشخصيه ..................................<<<<آسفه مقدر اعبر
وش رايكم اهون واسكت وانطم
خابرتهم يقولون إذا كان الكلام من فضه فالسكوت من ذهبخلاص بهرج بس بشرط إذا وحدة عنده واسطه قويه تضمن إنها تطلعني زي الشعرة من العجين<<<<<إلا قد جربتوا حطيتوا شعره بعجين!!!؟؟ صدق تطلع بسرعه!!!!؟؟؟ صراحة ودي اجرب بشوف امثال المصاريه صدق والا يلعبون علينا<<<<خلاص بكره الفطور(( المغرب)) عشانا صايمين لأن بكره ا الإثنين بتصدق على اهلي وبسوي لهم فطاير وبقطع شوشتي وبحطها بالعجين وبجرب صدق تطلع بسرعه والا لا <<<<حوم الله كبدك ليتهم بلا هالصدقه
المهم خلاص بخربها وبقول الله وكبر حالي حال هالناس
بس طلبه إذا اختفيت تعالوا زورون وجيبوا معكم قهوة ترى محاكيتكم راعية قهوه وكيف
موضوعي بتلقونه هناك ما راح اكتبه اخاف يصكون منتداكم وتضيعون
ارعصي هنيا
الله لا يرعصكhttp://www.bab-albahr.com/flash/masking.swf
وعطون رايكم
كاني على قيد الحياة
كيفي موضوعي وانا حرة احجز المكان اللي ابي