الولادة في مدينة الملك فهد الطبية بالرياض؟؟

أنا بس رحت لهم مواعيد من زحمتهم تركتهم لكن برد عليكي من تجارب البنات بالنت


هل يسون لك توسيع وإذا سوو لك توسيع هل الخياطة كويسة ولا لا؟؟؟؟
ومين ولدك رجال أو حرمة؟؟

الولاده الأولى أكيد في توسيع أما باقي الولادات على حسب إذا كانت تحتاج بس
الخياطه في ناس يمدحو وناس لا
والولاده على حسب المناوبه
مليان عندهم أطباء وعندهم كلية طب
وفي عندهم دكتورات شفتهم عند الأشعه

إذا عندك مستفى أرقى روحيه لكن المستشفى ماعليه اكويس بس زحمه مليت من زحمتهم بس عندهم الممرضات سعوديات بس مو كلهم بس الأغلبيه والأطباء سعوديين مو كلهم عندهم د- مامون رئيس القسم د-بهاء الدين د- طارق د- ناصر د- سحر وما أدري عن الباقيين لكن ماجربت الولاده عندهم لأني تركتهم

توني والده عنهم

بولدي الاول سوو توسيع والثاني توسيع وخياطتهم حلوه مره زينه وطفلي الاول ولدتني دكتورتين والثاني دكتوره ودكتور مررررررره حبيب خلاني اردد ادعيه وذكرني بادعيه كثيره الله يجزاه خير

اما الحضانه زفففففففففت يرمونه عندك ويجبرونك انك ترضعين طبيعي وانا مافيني وياخذونه بس بالليل

احلى شي ان ولدي عندي علشان ادري وش يسوون فيه الممرضات يكون تحت عيني

اعقب على كلام الاخت انا توي والدة عندهم بس بنتي على طول في الحضانة وماجبوها لي ابد الاعند الطلب بس انا ماخذة غرفة خاصة على حسابي الدور الثالث يمكن هي في الدور الحكومي عشان كذا . اما بالنسبة للخياطة الحمدللة كويسة انا والدة عندهم مرتين . وفي المرتين الي تولدني دكتورة وتعاملهم مرة زين كنة اهلي وقت الولادة وبعدالولادة خذيلك غرفة خاصة بمبلغ رمزي 650ريال عشان تاخذين راحتك غرفهم حليوة نظيفة ومرتبة ودورة مياة خاصة فيك والممرضات روعة مجرد ماادق الجرس يجون بسرعة واي طلب اقولهم يسوونة هذا عن تجربة في الولاتين عندهم . اما بالنسبة للمواعيد مرة زحمة وتتاخرين في الانتظار معليش اذا النتيجة زينة بلاخساير والنتيجة وحدة اسال مجرب وخبرة

مشكورين ... الله يعطيكم العافية

وننتظر تجارب باقي الأخوات