عاشقة السعوديه @aaashk_alsaaodyh

عضوة جديدة

الولاده تاخرت

السلام عليكم يااخوات
اخواتي امس السبت كان اخر يوم لي في الشهر التاسع
ولاولدت ولا في الآم ولاده يوم الجمعه كنت عند الدكتوره
وقالت انه الرحم مفتوح 3 سم والاوضاع كلها سليمه
بس تبغاني ازيد المشي قالت امشي ساعتين وكتبت لي على شربه
اخذتها وماشفت منها غير اكرمكم الله( اسهال ) واليوم كلمتها
وقالت انه مافي داعي للقلق بس لازم امشي وبعد المشي اخذ الشربه
والله يابنات انه نفسيتي تعبانه عندي خمسه ماقد صارلي مثل كذا
وابي رايكم ايش اسوي مع العلم مافي الآم الا يوم الجمعه جاني الالم وقلت
الحمدلله راح اولد ويوم جاء الصبح اختفت كل الآلآم
سامحوني طولت عليكم بس والله انه نفسيتي تعبانه والخوف ذابحني
شاكره لكم

يلزم عليك تسجيل الدخول أولًا لكتابة تعليق.

تسجيل دخول

كنوز السماء • 20 سنة

أنا ماعندي فكره ليش تأخرتي
أنا حامل وهذا شهري وبكريه
حبيت بس أدعيللك
يارب تولدين بالسلامه
ياخالق النفس من النفس
ويامخلص النفس من النفس
ويامخرج النفس من النفس
خلصني وخالص أختي وجميع الحوامل على خير:26:
جربي ياأختي كبو الحلتيته قبل وحده من الاخوات
تقول جربته والله اعلم:26:

ام سارونا الحلوة • 20 سنة

والله ماعندي فكرة بس كل شي بإرادة الله ..يمكن ماجا وقته ..

الله يسهل عليك وتقومي بالسلامة..:26:

راس المعزّة • 20 سنة

حبيبتي اطمني فيه وايدين يصير لهم جذيه وانا وحده منهم في حملي اللي قبل ها المره كملت التاسع وفوقه اسبوعين على حساب الدوره ولما رحت للطبيبه قالت انها ماتاخذ بحساب الدوره وراح تحسب لي بحساب صورة التلفزيون واللي كانت اسبوعين زياده على موعد الدوره والحين انا باقي لي يومين واكمل التاسع ومتوقعه اني ازيد بعد نفس المره اللي فاتت!! مع ان في ولادتي الأولى ولدت في نص التاسع وفي الثانيه كان باقي لي أسبوع واكمل التاسع.يعني مره ثانيه أقولك اطمني مو كلهم نفس الشيء .<<<<< كني طولت السالفه وهي قصيره؟؟؟

درة البحرين_947 • 20 سنة

حبيتي عاشقه السعوديه لا تحااتحين الشي هذا طبيعي وايد ناس تتأخر عليهم الولاده وفي بعضهم بعد قبل موعد الولاده يعني انا لما كنت حامل طفت الشهر التاسع خلصته وفووقه اسبووعين وما ولدت ولا صادني الم طلق كلللللش لين ما الدكتوووره جبرتني على الطلق الصناعي قالت لي لازم لان طاف موعدج بأسبوعين تقول دايم حنا نترك اسبوعين بعد موعد المولاده وإذا ما ولدتي نسووي طلق صناعي وانتي للحين ما ولدتي فلازم طلق صناعي .. وسولي طلق صناعي والحمد الله ولدت ولاده طبيعيه واللحين ولدي عمره سنه الله يخليه لي ان شااء الله ويحفظه من كل شر

عاشقة السعوديه • 20 سنة

اخواتي
كنوز السماء وام سارونا الحلوه شاكره لكم على الرد والدعوات الطيبه اللي ريحتني
اختي راس المعزه طمنتيني الله يطمنك في الدنيا والاخره يارب
درة البحرين شكراً لك اختي والله يحفظلك ولدك ويجعله من الصالحين