مشكورة
والله مايامر عليك عدو
انشاء الله اخت فالله
بس تدرين هذة كلش احسه سهله ا
انشاء الله اجربها
بس اريد توضيح يعني القطعه يجب ان تكون مستطيلة ام مقوسة من تحت

وهل القماش من فوق يبقى نازل او يعلق بالقرصات .مااعرف شنو ايسمونهن هههههههه
واذا يبقن نازلات وانا اعلقهن مايخرب شكل البردة

حبيبتي
القطعه لازم تكون مستطليه يعني من تحت مو نص دائره لا

تكون مستطيله وتقسميها ثلاث اقسام وهميه يعني بس بطباشير الخياطه حتى تعرفين وين تحطين السفيفه

وهسه تخيطين على حافه القطعه المستطيله من الاطراف السفيفه من الجهتين اليمنه واليسرى

وهسه الخطين الي بالوسط مثل ما قلنا لازم قياس مضبوط وهم تخيطين على الخطين السفيفه
يعني راح تكون عندج اربع اماكن بيها سفيفه بهل قطعه المستطيله


وتعلقيها على خشبه مثل ما قلنا
لان هل موديلا ما يتعلق بجنكال البرده لا لان من فوق ما ينحط له سفيفه بس مجرد كفه مرتبيه
ويندق على خشبه من فوق ويكون الطق باطني يعني مخفي بحيث يكون الدق لازم بين الخشبه والسقف من تعلقين الخشبه فهمتي عيوني؟


انتي جربي ونبدي نسويها خطوه خطوه انا وياج واذا البنات عدهم افكار احلى نتمى يشاركونا

عرفتي هسسه شلون راح تصير لو لساعج ؟؟؟

مشكورة عزيزتي على الرد السريع
بس شوفي عزيزتي طبعا السجه الي في غرفتي بالضبط مثل الي بالصور يعني الى نهاية الحائط
يعني بعد اذا اعلق البردة بالخشبة وين احطه يعني فوق السجة السقف
وعلى فكرة السجه ثم عليها مثل الغلاف وهو يغطي السجه والسجه اتصير تحت هذة الكابينه


يعني ما ايصير اعمل فوق السفيفة شريط حتى ينكمش بالكماشه يعني اعلقة فقط من طرف لسفيفة والباقي اخلية عادي نازل يعني مثل ما ادقه في الخشب اعلقة في الكامشه شنو رائيك
لانه هذا الحل الوحيد


بس والله اخطئة في قياس الغرفه انا قلت 6 العرض والطول 6 ولكن كان قصدي المجموع 6 يعني 3العرض والطول 3

وعرض الشباك بالضبط تقريبا متررين ولكن يوجد من جهة مكان الشباك
يعني طالع الحائط تقريبا متر شنو رايك ا غطية بالبردة حتى يكون كانه كله شباك او راح يطلع مو حلو او تصغر الغرفة
انتضر رائيك



بس انا لسه ما اشتريت قماش لانه رحت لسوق بس القماش ماعجبني اسعار نار والقماش والله ما يسوة
بس شنو رائيك في القماش النيلون لانه شفتة عند ناس وفية نقشات من نفس القماش وبنهن مسافة طبعا سالته قالت فية جميع الالوان وانشالله اشتري لون بيج اذا كان خوش قماش

بس والله صرت كلش ثقيلة من طلابتي بس والله احسك انسانة صاحبة ذوق
:26:

على فكرة انا ماعرف انزل صور ولكن هذة اقتباس من احد الاخوات في المنتدى الله يوفقه
اخاف اتاخر ما ارد لانه ننتظر السبوع القادم الموفقة من الشركه حتى اجهز الى الانتقال الى الشقة
وهذا راح ياخذ كثير من وقتي بس والله مايهم بيس خلي اشيل وارتاح من هذا البيت الضيق
واذا مافية وقت راح اءخر خياطة البردة لمن انشيل ولله الحمد
اذا احتجت او غلطت في الخياطة راح ادز لكي رساله على الخاص او اكتب موضوع ثاني


بس شنو بعد رائيك احط من شموع اوورد او صور ترى مااعرف والله منجد

عادي ياقلبي دقيها بس لازم تكون ما تتحرك اقصد علقيها عادي بس بسجه ثانيه حتى ما تتحرك ويا البرده
يعني القوس الي فوق لازم يكون ثابت

وطبعا اذا خيطتي البرده من الحايط للحايط راح تصير تخبل وتخلي غرفتج كبيرررررررره
انا بعد شبابيكي كلهم ياخذون 75% من الحايط بس اسوي البردات من الحايط للحايط طلعت عندري الصاله وغرف النوم كلش كابر طبعا بالشكل
لان تنطي اتساع وهمي


واذا انتي راح تغيرين بيتج ليش بعد مسويه بردات حرامات يمكن تطلع قياس شبابيكج بالبيت الجديد مختلفه ويروح التعب كله بلاش
انتظظري لما تقررين القرار النهائي تغيرين بيتج لو لا ياله تبدين بالبردات

ولا يهمج اني وياج بكل خطوه وانشالله انسويها سوى تريدين على الخاص او هنا بنفس الموضوع ما عندي مانع

هو هنا صحيح باوربا القامش كلش غالي اني جبت بردات اثنين من بغداد والله كلش حلوت ونقشات واقواس يعني بردات متعوب عليها اثنينهم كبار واثنينهم طلعو سعر ربع برده هنا والله

بس اكو بكل دوله وكل محافظه اسواق سعبيه وتكون اسعاره حلوه

تذكرين بالعراق نزل فتره نوع قماس يسموه قماش سوري؟؟
هذا كلش حلو يكعد على البردات بس طبعا اكو تقليد هو مو نايلون بس بيه نسبه نايلون

وحتى اذا كان القماش بسيط وسعره رخيص مو مشكله انتي راح تحليه دامج بيدج مشتغلته وترتبين الخياط والكوي العدل يطلع احلى من بردات السوق

واهم من هذا كله سويتيهم بيدج

وترى اكو موديل ثاني يصير بلا الاقواس يعني مثل الصوره الاخيره الي انتي حطيتيها بس نغير شويه بشكل الطويات مكان الدفن نحطهم ظاهرات فهمتي؟؟

وبهل موديل راح يختصرلج من القامش وتقل المصاريف عليج

وطبعا كله يبقى على ذوقج انتي
ومن رائي تشوفين تالي الشقه شنو ياله تبدين بالبردات اوكي ياقلبي؟؟

والي تريديه حاضره ومن عيوني بعد