الاخت الكريمة monsaf والله مجهود رائع بس يا ريت لو تشرحى لنا طريقة تفصيل اكثر من موديل مثلا الموديل الروماني أو كيف يتم تثبيت الستاير على المواسير ( بدون خشب ) والله يعطيك العافية .......... شكراَ

ياقلبي تامرين امر
بس انا ما اعرف انزل صور هني كان سويت لكم بردات صغار وعلمتكم الطريقه بالضبط وطبعا مع الصور بتكون اسهل عليكم


البردات ام المواسير ( البواري)
هذي ما اظن بتلقين اسهل منها

تاخذين قياس الغرفه بالضبط مثلا اذا كان عرض الغرفه 4 امتار تاخذين 5 امتار
يعني متر واحد زياده بس
لان هذي ما تصير فيها لا طويات ولا كسرات
الحين تخيطين الحواف نفس البردات البقيه بنفس الطريقه 3 سنتمر دبل من الجهه اليمين واليسار واهم شي دبل
بعدين تجين على الجهه الفوق وهذي اهم شي فيه
تكفيها 5 سنتمتر دبل
ولازم الخياط نضيف لانه يلعب دور جدا كبير بجمال البرده

الحين تاخذين قطعه قماس ثانيه وتقصين العرض 10 سنتمر والطول على طول القطعه احسن ما تصير صغار نخيطهم اول شي على شكل قطعه وحده وبعدين نقصهم

الحين تاخذين هل قطعه الي قلنا عليها عرضها 10 سنتمتر وتطويها بشكل اسطواني وتحيطين الحافه على طول القطعه وهي طبعا تحتاجين يمكن الطول مترين بس العرض ثابت 10 سنتمتر
الحين لما تخيطين الحافه
تقيسين كل 15 سنتمر وتقصين لما تخلص طول القطعه كله
الحين تجين على حافه البرده من فوق
ما تتركين ولا سنتمتر واحد
نسيت اقولج تقلبين القطع الي قصيتيهم وتعدليهم وتكويهم كويه محترمه يعني يصيرون مثل الورقه ياقلبي
الحين نجي على حافه البرده نمسك الحافه ونطوي القطعه ام 15 سنتمتر ونحطها على خافه البرده بالضبط
ونخيطها
ونترك 5 سنتمتر من نهايه القطعه الاولى ونحط الثانيه ونخيطها وتتمين على هل حال لما تخلص عندج البرده
بعدين تعلقيها بالمواسير على قولتج وتقيسين طولها
وقياس الطول مثل ما شرحته لكم بالمره الاولى
طباشير الخياطه وتقيسين الطول الي تريديه وتتركين تحته 10 سنتمتر بالضبط
واطبشرين كل البرده من تحت على قياس واحد
وتنزليها تكفين دبل بالمكينه على حد الطباشير والحين تنضفين البرده كلها من الخيوط الباقيه وتكويها عدل كويه اخيره وتعلقيها ببيتج

واذا ما فهمتي شي قوليلي وانا اشرح لج من جديد

من عيوني

وينج يمعوده
غيرتي البيت ولا للحين بنفس الشقه

وشصار على برداتج سويتهم ولا لا؟؟؟

طمنينا عليج

كنت بدور على حد يعلمنى البراقع والحمد لله جت خبيره كبيره فى المجال ده بس فيه مشكله صغيره انا مش فاهمه حاجه من اللهجه غريبه جدا عليا فيه مفردات مش قادره افهمها يا سلام اذا كان الشرح بلغتنا العاديه ويا ريت اللى فاهمه حاجه تفهمنا

tasneem2006


ههههههههههههههههههههه

ياقلبي هل كلام باللهجه العراقيه ( البغداديه)
ما اعرف مصري عدل كان شرحت لج بالمصري

انتي بالضبط شنو ما فهمتيه وانا اقوله لج بالمصري والله يقدرني عاد اعرف اشرحلج عدل لما تضبطين كل شي
لان من تركت الدوام وانا فاضيه بس حق المطبخ والخياطه

اي شي ياقلبي ما فهمتيه قوليلي عليه وانا من عيوني اشرحه لج وتامرين امر