الى الاخصائيه هنادي جابر..

ليش الاخصائيه ماترد

اختي شوفي انا وزني كان 109 وسرت عند دكتور وعطاني رجيم

4 ايام خضار
4 ايام فواكه
3 حليب + بيض مسلوق او اومليت

طبعا انا مامشيت عليهن بالضبط كنت اخلط فواكه وخضار لمده يمكن 10 ايام نزلت من 109 لين 106 عقب بدا عزج الله الامساك لاني كلت نخي ورد وزني 107 وعقب فجيت حلجي للاكل كاكاو ونمكي و و و رد لين 108 والحين الحمدلله نقص نص كيلو خخخخخ يعني 107 ونص


وطبعا منع عني انواع من الاكل ما اكله مول لمده 6 شهور .. بس مارديت له مره ثانيه .. بس احاول اني ما اتقرب من الاكل اللي مانعنه عني بس الكاكاو نقطة ضعفي خهعخهعه والكاكاو عندي من الممنوع

هههههه الله يعينج

انا الحين وزني وصل 99 وحيان 100 مب ثابت

بس بعدني ادور ريجيم الحين مسويه تخفيف لين الجمعه وبشوف شو النتيجه

بس شو رايج نبتدي مع بعض في هالرجيم

خخخخخخ الصراحه ما اقدر اعيده لان نفسيتي ادمرت يوم سويته ذاك اليوم كله معصبه وراسي يعورني ومن حد يقولي شي ضاربته خهعخهعخهعه

جان تبين نسوي رجيم ضربه بنسوي الرجيم اللي سعراته شويه مثلا 750 سعره

هذا النظام عباره عن750 سعره حراريه

الفــطـــور: (150 سعره حراريه)
- حبة تمر
- نصف كوب من الحليب قليل الدسم
- شريحة من الشابوره الخاصه بالحميه
او
- شريحة توست
- ملعقه لبنه قليلة الدسم

الغــداء: (250 سعره حراريه)
- خمس ملاعق من المكرونه
- طبق من السلطه الخضراء بدون زيت
او
- نصف كيس اندومي او نودلز
- طبق من السلطه الخضراء
او
- طبق من السلطه الخضراء
- ثمن كيلو من الدجاج بدون جلد
- ربع خبز بر25جم
او
- طبق من السلطه الخضراء او فتوش عباره عن كميه الخضار المطلوبه
- حبتين من الكفته المشويه
- ربع خبز بر 25خبز بر

العصر (100 سعره حراريه)
- حبتين من الشابوره الخاصه بالحميه
أو
- نصف كوب من عصير البرتقال الطازج

العــشـاء: (150 سعره حراري)
- شكشوكه عباره عن بيضه وحده ويمكن اضافة الطماطم والبصل اليها بدون زيت
- ربع خبز بر 25جم
او
- كوب من الزبادي القليل الدسم
- شريحة توست بر
- حلقات من الخيار
او
- نصف علبه من التونه بعد تصفيتها من الزيت واضافة الخل والليمون اليها
- ربع خبز بر 25جم
او
- ملعقتين طعام من الجبن الابيض قليل الدسم
- ربع خبز بر25جم بالنخاله
- حلقات من الطماطم والخيار

بين الوجبـات توجد100 سعر حراري توخذ لمره واحده كالتالي :
1- حبتين تمر
او
2-حبة كمثرى متوسطه الحجم
او
3- حبة برتقال صغيرة الحجم+10 حبات كرز
او
4-حبة يوسفي متوسطه الحجم
او
4- شريحه من البطيخ
او
5- 15 حبه من الفراوله

احسه حلو وما يملل .. شو رايج نسويه .. عشان استحي ع ويهي واكمل الرجيم وياج هههههههه :hahaha:

السلام عليكم ورحمة الله
حبيبتي غزلان الصحاري
بسراااحه عجبني جدا نظامك هذا وياريت تدخليني معاكم في هذا الريجيم الرائع
وبالنسبه للأخت المتمشكله بدلعها
تريني كتبت للأخت هنادي جابر على العيادات الخاصه ولالأسف ردت على بأسأله ولما جاوبتها تركتني دون رد حتى تم حذف مشكلتي لذالك لم افكر مره ثانيه بإزعاجها ومراسلتها
وتري بنات المنتدى يخدمونك ومايقصرون بارك الله فيهم
وانا كمان ناويه انشر مشكلتي في هذا القسم لأنني لاحظت إن مجموعه كبيره تحب تساعد في عمل الخير.