الى كل من تزوجت و هي مليانة و سمينة

السلام عليكم

كيفكم يا بنات ... و الله اني اكلكم و انا خجلانة و حاسة ان موضوعي بايخ
بس ما عليه اتحملوني وانا اختكم

انا و الحمدلله طوووول عمري سمينة ، و ما اضن اني في يوم بستوي رشيقه
ممكن اخفف وزني لكن بتم مليانة و سمينة
و لهالسبب انا رافضة فكرة الزواج ، و مخبرة صديقاتي اني ما ابغاهم يدلون حد علي لاني ما ابغى اتزوج و انا كذا
و ما ابغى احط نفسي في موقف ان اعرض نفسي كدام حد و يكول لي انتي ما تنفعين ولدي لانج متينة

سؤالي لكل وحده كانت مليانة و سمينة يوم عرست ... شو نصيحتج لي ؟
هل الي اسويه صح .. و لا لازم اتقبل الزواج من الرجل اذا هو ما كان معارض لسمني ؟
انا مشكلتي اني ارفض العريس حتى لو كان مستعد يتزوجني وانا بهالشكل ، لاني اكول لعمري : كيف هالرجل بيحبني اذا انا مو حابة نفسي ؟

يا بنات ترى نصيحتكم مهمة جدا لي ، لان ما عندي احد ينصحني فارجوكم لا تبخلوا علي ... حتى لو ما كنتي متينة ، سمعيني رايج
اخاف اكون عايشة في وهم و يالسة اضيع سنين عمري في هالوهم

هل استسلم و اتزوج ... و لا ابقى صامدة ... لا زواج الا بعد النحافة
على فكرة ... عمري 24