اذا كنت تحبينه راح تمشين صدقيني ولا يهمك كلام الناس ترى انا زيك كنت متخوفة وسمعت نفس هالكلام بس ما خليته يأثر فيني والحمدلله ماشية فيه الحين
توكلي على ربك ولا تخااافين :)

مره حلو القسم
بس انتي نظمي وقتك ولا تضيعين وقتك بقراءة اشياء ماراح تفيدك في الاختبار
ركزي على الكلام اللي تقوله الدكتورة في المحاضرة.. لأن هو اللي بيجي باختباراتك
اي رواية او مسرحية تاخذينها طلعي الحبكة والشخصيات والملخص حقها من الانترنت واقرأيه قبل ما تفكرين تقرأينها او اشتري الملخص نفسه .. الملخص عادة يكون مثل الكتيب صغير ويعطيك نبذة عن الرواية والكاتب

في حاجة دايما يركزون عليها الاساتذة هو ان كيف الاحداث اللي في القرن او الفترة اللي انكتبت فيها الرواية او المسرحية او القصيدة مأثرة على كتابات المؤلف.. وهالشي انتي بتنتبهين له لما تقرأين الملخص اللي فيه الحبكه والشخصيات والنقد وخلافه.... وبتصيرين لما تقرأين الرواية تلاحظين هالاشياء... وحاولي في بداية الدراسة انك تطلعين الاحداث المهمة اللي صارت في كل قرن وحطيها بليست وخليها في بالك دايما لأن في كل المواد الادبية في كل سنوات الدراسة راح يتكلمون عن هالاحداث وكيف اثرت على العمل الادبي

حاولي تطورين نفسك في كتابة المقال لأن غالبية المواد الأدبية الاجوبة في اختباراتها تكون مقالية...والاستاذة اذا كان اسلوبك في الكتابة حلو .. وقللتي من الاخطاء الاملائية واللغوية على قد ماتقدرين... ممكن تتغاضى عنك لو غلطتي في المعلومة

وعموما اذا تبين الاستاذة تنبسط عليك حاولي تخلين انجليزيتك ممتازة..يعني انتبهي للقواعد والنطق..ولا تجادلينها وتقولين هالدرس صعب .وأول ماتبدأ الدراسة انتي بتاخذين اسم الرواية والمسرحية والشعراء.. قبل مادة النثر مثلا..خذي اسم الرواية اللي عليك وطلعي الملخص اللي قلت لك عليه .. وابدأي معاها وانتي جاهزة لو سألت اي سؤال بتقدرين تشاركين وتحفظ اسمك..واجلسي دايما قدام..ولا تخلين السوالف والوناسة تخرب عليك
. وحاولي انك ما تكونين طرف في اي مشكلة.. او اي شكوى.. خليك جنب الحيط لين تتخرجين

وترى حاله حال اي مادة... هذي كليه ولازم بتصير فيه صعوبة سواء اخترتي ادب انجليزي او عربي او تاريخ او اي شي..بس الفرق ان الادب الانجليزي لو حبيتيه راح يكون ممتع .. وبتستفيدين منه لأنه مطلوب.. وانا دخلته وماكنت ممتازه في الثانوي بس الحمدلله ولا مرة عدت السنة.. وتخرجت

واذا قدرتي تدخلين قسم ترجمة راح يكون اسهل لك...انا بنت خالتي قسم ترجمة.. وانا ادب انجليزي...شفت كتبها وكتبي.. طبعا كانت كتبها اسهل. بس اذا مافيه قدامك الا ادب انجليزي توكلي على الله وادخليه

بناااااات عام حواء :

حنينيه
لموره الاموره
مملوحه بس عسل
A S K
محظوظه
عبير زهرة الربيع
قمر كزايلانكا
Just lovely girl
سوسي الفرفوشه
قحطتنيه قمر
nurse.eme
جــــــــــــــاك العـلم

شكرا لكم لتفاعــلكم لم ارئ بنات ابدا مثل بنات حواء الله يوفقكم ويعطيكم الله ألف ألف عافيه ويحقق طموحاتكم يارب

اتمنى من باقي الاعضاء من بنات حواء عرض تجاربهم

حلو

ماعليك من احد

بس اذا انتي تحبين القرآة و فيك حيل على الترجمة الله يوفقك

مشكووووووووووووووووووورين