مادري أختيي الصراحة عندنا في الإمارات المشكلة مستفحلة...بس صدقيني إنظري للموضوع من زاوية ثانية.. الحياة بدون زواج أريح..وخفيفة ما فيها مسئوليات...أنا هالكلام يايبتنه من مجربات وتعاستهن في الحياة...يعني الأيام السعيدة اللي يقضونها قليلة وأكثرها مرارة ومشاكل...والهموم جبال على رأسهم..بعدين إنتي خذيها قاعدة هاذا نصيب يعني مب على كيفنا..ويمكن الله رايدلنا الخير في عدم زواجنا ما تدرين يمكن أخيرلنا إنتم في بيت أهلنا ولا نتبهدل وننذل في بيوت أزواجنا..أنا عن نفسي أقولج أحس إن الله راحمني بدون زواج لو تزوجت حياتي بتكون صعبة جدا ما أعتقد إن في حد بيستحمل أطباعي...على الأقل أنا في بيتي ملكة الكل ينفذ أوامري ويخدمونا ويسوللنا كل شي لو تزوجنا بنفقد هالشي..وكلي أمرج لله ولا تفكرين وايد في هالموضوع اللي الله ارييدنه بيصير..أنا كنت متعبة نفسي في التفكير مثلك بس قلت ما يسوي علي..أحسن شي في الحياة الحرية اللي فاقدينها الكثير من الزوجات االي عايشين كالسجينات..

صح لسانج يا ديباجة :26: :24:

كل شي مقدر ومكتوب من رب العالمين

السلام عليكم ورحمة الله وبركاته

اخواتي دايما لما افكر في موضوع الزواج اتذكر قول الله تعالى ((عسى ان تكرهوا شيئا وهو خير لكم وعسى ان تحبوا شيئا وهو شر لكم))

واقول لنفسي كل تاخيره وفيها خيره ,,,, واللي مخوفني اكثر من عدم الزواج هو الزواج نفسه

اول شي لانه صعب القى الانسان اللي يفهمني واحبه وابني معاه حياتي كلها

وثاني شي لانه شي مجهول مااعرف بيكون حلو والا مر ..الله يحلي ايامنا جميعا

وصراحة ماافكر بالزواج غير لما امي تجرحني بكلامها وعصبيتها علي بدون سبب مع اني متحمله مسؤولية البيت

واخواني الصغار ومااخرج الا بالنادر ...وعسى ربي يعوض صبري وصبركم خير بالازواج الطيبين الصالحين

الحنونين اللي يملون حياتنا بالفرحه ,,,قولوا آآميـــــــــن:24:

الله يا بنات على العنوسه........
والله لو تدرون المتزوجات اشكثر يعانون .......
تلاقين الوحده تتحمل كل شي بس عشان تظل متزوجه.............

"وعسى ان تكرهوا شيئا ويجعل الله فيه خيرا كثيرا"

أهم شي يا خواتي الرضا بالقضاء والقدر" ما أصابك لم يكن ليخطأك وما أخطأك لم يكن ليصيبك"
كل شي مقدر ومكتوب سواء تزوجتي ولا لأ المهم تعرفين شلون تعيشين سعيدة بالزواج او بدونه.
في اشياء لو تحطينها في بالك اكييييييييد بتحسين براحة بال أكثر ناحية قضاء الله تعالى سبحان الله له الحكمة البالغة.

اول الامر... "ان هذه الدنيا ما هي الا دارممر الى دار مستقر"... "والدنيا ساعة فجعلها طاعه" .. فاستزيدي من الطاعات ولا تهدري وتضيعي أوقاتك الثمينه في غير طاعة الله .
ثانيا ........ العنوسة ليست جريمة لا تغتفر , فكم من متزوجه تتعذب وكم من عانس سعيدة... وكلام الناس كثير ولا ينتهي سواء على المتزوجه او العانس.
ثالثا ........ الرجل مخلوق صعب ارضاءه "في نظري" والمرأه ضعيفه وقوية فقط إذا كانت تسعى في ارضاء الله عز وجل ومتمسكة بدينها وأخلاقها.
رابعا... لا تقطعين الرجا من عند الغفور الكريم والذي بيده مقاليد السماوات والارض وخزائنها الملأى وانما امره اذا اراد أن يكون كن فيكون ... فلا تيأسي من طرق الباب .. فانه لابد مع الالحاح والقين بالاجابة بانه سوف يفتح لا محالة. . . فقط لا تتوقفي عن طرق الباب ولا تملي مهما طال الزمن فانه لابد من مجيب.

هذا الكلام يا عزيزاتي أوجهه لي ولكم لعله يخفف عنا بعض آلامنا ويمنحنا يقينا وراحة نفسية

وربي يرزق كل وحده مناها ومرادها وظل جميل وقرة عين ولا ظل حيطة...يـــــــــــــــــــــــــــــارب

اي عنوسه مافيه شي اسمه عنوسه الله يهديكم عادي ان الوحده تتاخر شوي ايش فيها فكه من الرجال وغثاهم ومسؤليتهم الحين مافيه وحده كبيرة انا اعرف كثير يتزوجون واعمارهم 35 سنه بنات حلوات اخلاقهم عاليه
وتتزوج شاب من سنها وطيب ومحترم كل شي مقدر ومكتوب
هذاك زمان جداتنا فيه شي اسمه عنوسه الحين مافيه
لاحقين على الحمل ولولاده والاجهاض ومساهر الاطفال وتحمل الزوج ونفسيته خلوها على الله بس