شكرا لكل من شارك .. بس انا قصدي شي واللي ردوا شطحوا بعيد عن الموضوع .. انا ما قلت اني يائسه وانا مؤمنه بالله وبالنصيب اللي الله كتبه لي بس انا اقولكم محد يتقدملي غير العرب من غير بلادي .. وبلادي مانعه الزواج منهم شو اسوي .. وانا مش صغيره والايام تمر .. بوصل لعمر ما اقدر اخلف فيه ... وراح شبابي وحيويتي .. واخرتها ما بلاقي اي حد يتقدملي ولا حتى هندي ..!! واذا حد تقدملي بيكون كبير ومتزوج وعياله كبري .. وما اخفيكم في واحد تقدملي وهو كبير وعياله عندهم عيال .. يعني جد ... وانا وغيري من البنات وايد راحت حيويتنا وشبابنا ..

اختي UAEDEW وش فيه الهندي :mad: :mad:

امزح معك .... بس ودي اعلق على موضوع الرجل الكبير و عنده عيال و خاطبك !! ترى هذا ما يدل على انك كبيره لا حبيبتي ترى فيه رجال واثق من نفسه مررررره يعني انا يوم كان عمري 16 سنه متقدم لي رجل كبير متزوج و عنده عيال ... ؟؟؟ !!! و انا ما كنت كبيره و لا مطلقه و لا شي !! بش فيه رجال يحسون انه عااااادي جدا ان وحده صغيره تتزوج واحد كبير و عنده عيال لان من وجهة نظرهم ان الرجل ما يعيبه شي !! و بعد ما انخطبيت قال لي ابوي ان فيه واجد رجال كبار كانو متقدمين لي بس ابوي يرفض على طول و الموضوع مو مطروح للنقاش و اني عرفت عن هذا الرجل الكبير الي خاطبني لانه تقدم عن طريق امي !!!!
بس والله اقولك عن قصص شفتها بعيني من مجتمعي بنات وصلو حول الاربعين سنه و بعدين تزوجو ما شاءالله من احسن الرجال و ما ضرهم جابو عيال و مبسوطين و انا ما اتكلم عن وحده و لا ثنتين لا اكثر ... ما تدري يمكن الزواج اذا تأخر يكون خيره و انت تكونين عاقله و راكزه و تجيدين التعامل مع زوجك و فرصه نجاح الزوج تكون اكبر,

الله يوفقك يا رب و يرزقك بالزوج الصالح الي يسعدك :17:

عزيزتي UAEDEW

ايلسي في بيت اهلج ابرك لج من الزواج بعربي او اي واحد من غير جنسيتج

لانه ماحد يعرف طباعج ولا بيتلائم معاج الا واحد من بلادج

اصلا انتي ما بتستحملين تعيشين مع واحد ثاني

نحن اسلوب حياتنا غير ما بيناسبنا الا راعي بلادنا

واغلب الجنسيات العربيات يتمنون يتزوجون اماراتي

فالاولى انج ما تتنازلين عنه

تحياتي لج

الله يرزق كل بنت الزوج الصالح اللي يعينها على دينها ودنياها:24: :24: :24:

خواتى أنا ما أييد زواج المواطنه أيا كانت جنسيتها برجل من خارج بلدها يعنى مثلا أعرف 2 تزوجوا بعرب ( من دون ذكر البلد ) وحده ردة لأهلها اللى شردت من عندهم عشان هالزواج ردت ببنت من غير جنسية وطبعا هي خسرت كل شي

والثانيه كسبت بيت وعيال وخسرت جنسية لعيالها البدون وخسرت أبوها اللى مب راضى أيكلمها لين ألحين وحياة كلها تعب ومشقه
وعادات غريبه على عيالها ولهجة غريبه

يعنى يوم الله بيريد صدقونى يابنات الله بيرزق كل واحد لانه النصيب مكتوب لكل شخص فليش نحن أنتعب عمارانا بالتفكير في شي نحن مانملكه ولا نقدر أنغير فيه شي ماعليكم إلا الدعاء وإلإحاح في الدعاء وخلو الباقى على اللى خلقنا ومابينسانا عز وجل رب العباد

إدعلولى وياكم بنات أنا بعد أبغى اتزوج من رجل زين وطيب وصالح أللهم آمين يرزقنى ويرزقكم يارب عجل يارب عجل يارب عجل