الى متى 😭وحنى نجهل في الدوره

الحمل والإنجاب

مساكم الله بالخير
يابنات الى متى وحنى مترددين وخايفين. يصلح والا مايصلح. سمعت فلانه تقول هالشي مضر وتجيً ثانيه تقول لا مايضر

انا وحده تعبت من كثر ماسمع عن المسموح والمحضور وقت الدوره.

نبي كلام جد مافيه احتمال وجزى الله كل من افادتنا بمعلومه ورفعت الموضوع
وانا بكتبلكم اللي سمعته وقريته بالمنتديات سواء صح او غلط ونبي احد يفهمنا ويوعينا تعبنا من القلق والوسواس وانا اؤمن بكلام الاولين وتجاربهم بس في اشياء طلعت عليناماقالوها لنا جداتنا وتعرفون الحريم زمان يخبون مثل هالاشياء ومايطلعونها لحرمه ثانيه اعتقادا منهم ان الحرمه ثانيه تاخذ رجالها 😁بس حنا متفقين ان هالشي زمان والوضع الحين تغير صار فيه نت والناس صارت تحب تنصح وتفيد غيرها

اللي نبي نتكلم فيه شي يخصنا ويهمنا وعلشان مصلحتنا قبل مايكون علشان الزوج وارضائه صحيح ان رضى الزوج مهم في هالناحيه لكن الأهم منه صحتي وراحتي لان الرجال أدا يبي يتزوج وحط هالفكره في راسه لو انك ميه ميه من كل النواحي بيتزوج ولايفكر بشي

الممنوعات وقت الدوره
اللبن ،الزبادي،الليمون والحوامض؟. مادري ليش بس سمعت انها تقطع الدوره.من ناس قريبه
والبيض 😳😳😳😳😳😳😳😳😳

الشطه والفلفل. السبب مجهول ولاادري اذا صح اوغلط معلومه من النت

الطماطم والكوسه والقرع والباذنجان والخيار والبطاطس والباميه و الملوخيه ًوالثوم 😣مابقًى من الخضار شي وش نأكل طيب. معلومه من النت ماادري اذا صح او لا

الفول والعدس والرز والمكرونه. اسالكم بالله وشلون أعيش. معلومه من النت وصديقتي والله مادري اذا اللي يكتبون هالشي يطبقونه ومجربينه والا على قوله يقولون

وبعد الماء والعصيرات والحلويات
معلومه من صديقاتي وقريت عنها بالنت وحده بس اللي تقوله😒

والأكل المالح هذا صح سمعت كثير واقول اني مقتنعه شوي فيه

طيب وش نأكل وش المسموح. وشفوا بعض الحريم وش يقولون
اكلي بر
مطازيز ومرقوق وقرص ً 😜الحين المطازيزوالمرقوق مايحتاجون تكشين وطماط ومانحط معها خضار كوسه وبطاطس عمري ماشفت مرقوق من غير هالخضار.


والحنيني والعصيد مايستخدمون معها تمر او عسل وهذا حالي.

وبعد يقولون ماتسبحين وقت الدوره. هاذي انا بالذات اقول اللي تسبح اول الايام تنقطع عنها الدوره وهذي تجربتي وقريباتي نفس الشي يقولونه يعني مضر بس اول يومين اما اخر أيامك. انا احس عادي بالعكس احسها تنزلها زين لانها تكون قليله
واللي تقولك امسحي جسمك بس شعرك لا تقربينه. انا ماادري ولاكنت اطبق هالشي وماشفت الحمد لله الا العافيه بس من كثر المواضيع والكلام اللي نسمعه صرت اخاف
ومن يوم بديت امتنع وانا صرت احس باشياء ماكنت احس فيها


والحين قسم بالله طاقني الجوع ومحتاره وش اكل.
وتعرفون الأكل الشعبي يطول وثقيل على المعده خاصه للي معه قولون وماتظبطه اي بنت ومستحيل كل ماجعت رحت اسوي وجبه رئيسيه

انتم وش رايكم. انا بالنسبه لي اول ماجتني
اللي قالته لي امي ماتشربين غازيات ولاتسبحين اول يوم واكلي حتى لو مالك نفس علشان يخف المغص
وهاذي امي جنبي ودائما افتح معها الموضوع ونفس الاجابه دايم. تقولها لي خلي عنك هالخرابيط في شي معقول وشي مب معقول
وهذا حنا ماصار لنا شي والحمد لله

المشكله اني خايفه احس ان امي في اشياء تجهلها لان ولامره سمعتها تقولي لاتاكلين حامض ولا تدفي ولا هذا مايصلح


اتمنى من كل ام تعتبرنا مثل بناتها وتخيل ان اللي تكتب هذي بنتها هل تحب ان بنتها تنظر

هذا غير الادويه اللي تقول ألقرفه مضره واللي تقول القرفه مفيده
والزنجبيل يوسع ويسبب رطوبه واللي تقول اشربي زنجبيل مفيد للدوره وينظف
والكمون مايصلح واللي تقول له فوائد عظيمه
انا وحده خلاص ماعاد ادري وين الصح من الغلط صراااااااااحه


يمممممممممه جوعاااااااااانه😭😭😭😭😭😭😭😭😫😫😫





اللهم ارزقني رزق النعاب في عشه
49
57K

يلزم عليك تسجيل الدخول أولًا لكتابة تعليق.

تسجيل دخول

وييقى الأمل
وييقى الأمل
وهذا انا أكلت كيكتين شوكلاته 😂من القهر مشتهيته من اسبوع.

وشكلي كذا مع الجوع بأكل اي شي سريع والله تعبت اللهم لك الحمد على النعمه واحفضها من الزوال بس تعبت من الطبخ والوجبات الاساسيه.
وش رايكم اخربها والا اقعد على 😢جوعي


اللهم ارزقني رزق النعاب في عشه
tahani alhamuwd
tahani alhamuwd
اقول اكلي وتوكلي على الله لاتسمعين لهل الخرافات وبنسبه للاستحمام وقت الدوره بماء دافي ينصحون فيه الاطباء
يآبعد دلبي
يآبعد دلبي
اولا حبيبتي كل اللي ذكرتيه اغلللللبه غلط فغلط
وبقول لك الصحيح وليه نمتنع عنه

اولا الشطه والحامض ممنوعين لان دم الدوره عباره عن تسلخات بطانه جدار الرحم يعني يكون رحمك زي الجروح فيه وهذا ك تشبيه عشان تستوعبين معي
يعني لو انتي مجروحه بجلدك وحطيتي ليمون او شطه راح تطامري من الالم والوجع ونفس الشيء لرحمك لو تاكلين فيه شيء حامض راح تنمغصين

ثانيا المشروبات البارده والايسكريم مننوع لان انتي محتاجه الدم ينزل فتحتاجين مشروبات ساخنه اما المشروبات البارده راح تكتل الدم وماتخليه ينزل مضبوطه
والمشروبات الساخنه زي القرفه واليانسون لان فيهم ماده سبحان الله مهديه 
ويبي لك تكثرين من السوائل وقت الدوره والمريه سبحان الله وذلك لحكمه ربنا ما خلانا نصوم اذا نزلت علينا يعني ناكل ونشرب لحد التخمه ههههه

اللي يقول لك الحالي ممنوع كذب
اللي يقول لك الاكل المالح ممنوع كذب نوعا ماء هو الملح اصلا عموما يحبس السوائل في الجسم فعشان كذا نشرب كثير عشان نوازن الجسم والسوائل المحتبسه تطلع 

رابعا كولي كل الخضار اللي تبين ما عدا الملوخيه والكوسه والباميا فقط لانها لو تلاحظي لما تسوي ايدام مرقه يعني يصير لزج كذا 

وبالنسبه والكمون والاعشاب هذي تساعد بتهدئه المغص وتساعد ان الدم ينزل ينزل بشكل صحيح وتشربينهم خلال الثلاث الايام الاولى واخر يومين ملعقه رشاد تنظف الرحم وتنزل كل الوسخ  

وبي :)
منار العنزيه
منار العنزيه
ليش تجوعين عادي كولي .. والله ماعمري فكرت بهالاشياء اشرب عادي واكل بس البارد يزيد المغص والغازيات بعد هذا بالنسبه لي واكل عادي وامشي واتحمم بس اتدفی واذا في مغص شربت اي حاجه ساخنه ووبس
منار العنزيه
منار العنزيه
هذا وانا بنت واستمريت من تزوجت .. وبعد زواجي قعدت شهرين وحملت والحين انا بالثامن .. يعني لااثر ولا شي