هلا اختي ................حابه اساعدك بس هل انتي على استعداد تضيفين طقم كنب ثاني أو أي قطعة أثاث مقترحه وراح تغير شكل المكان والا بتكتفين بالموجود؟؟ لأن شكل الصاله عندك مريح ويخلي الأفكار سهله.............انتظرك..:26:

اهلا اختي ملح الحياه
ظيفي كنب الي تبينه بس يطلع شي حلوو :27:
لانه مثل ماقلت عدد الاسره في الاجازات ماشالله
انا انتظر اقتراحج

:01: طلب ثاني بعد لو سمحتوو
دورت كثير على ديكور للسقف بس مب لاقيه الي يريح مزاجي . مزاجي صعب ادري :30:
الي ادور عليه يكون جبس خفيف ناعم والاظاءه داخله مخفيه الاظاءه لازم تكون بيظه يعني احط (تيوب لايت ) طبعا مع (سبوت لايت) فا الي عندها ديكور حق السقف لا تبخل علي

السلام عليكم
**********
حبيت أدعم اقتراحاتي بالصور بس للأسف السكنر مو راضي يشتغل والا الصور اللي عندي بتوضح لك أكثر من الكلام واعذريني بس ان شا الله الاقتراحات تعجبك وتوصل لك زي ما كنت اقصدها
*****************************
1-أمام الباب الرئيسي للمنزل بعد مترين ونص تضعين طاوله دائريه ذات قاعده خشبيه محفوره وخاصه للمداخل وتضعين عليها فازه زجاجيه أو تحفه وتلقينهم روعه في لايف ستايل اعتقد عندكم في الامارات ( يعني بتكون منتصف الصاله ولكن أقرب للباب الرئيسي)....
******************************************
2- طقم كنب مكون من( صوفه) وعدد(2 لوف سيت) ضعيه عند أحد الشباكين اللي عند المدخل الرئيسي بحيث واحد من اللوف سيت ظهره جهة الستاره(الشباك) واللوف سيت الثاني مقابله وبينهم على الجدار (9متر) الصوفه وتوزعين طقم طاولات حسب ذوقك وطبعا لا تنسين الطاوله اللي بالنص من المفرش والتحف والاكسسوارات ، وتكون الستاره ألوانها من الوان الكنب.................. ونفس الوضع للنافذه من الجهه الثانيه(الشباك اللي عند مدخل غرف النوم) بس بلون آخر للكنب والستاره وستايل مختلف مثلا تدخلين فيه الخشب المحفور والستاره من الأعلى خشب محفور كديكور وطقم الطاولات يختلف عن الطقم الثاني واكسسوارات مختلفه
**************************************
3- الشباك الآخر اللي عند المدخل الرئيسي للمنزل حطي كونسول وكثير منتشر الستايل المصري ومره روعه وتضعين فوقهم اباجورتين ( مخصصين للمداخل والكونسولات يكون الكاب(shade ) صغير نوعا ما والحامل طويل ) وبينهم صحن أو تحفه، وعلى جانبي الكونسول كرسيين خشب محفور منجدين ( والله عندي العديد من الصور للكونسولات بس عن جد السكنر ما أدري ليه ما يشتغل كان نزلتهم لك تشوفينهم) ومرايه فوق الكونسول تتناسب معاه وعلى جانبي المرايه شمعدان جداري (شموع مو كهربا) ....
**************************************
4- الشباك الآخر لمدخل غرف النوم تضعين طاولةالطعام والبوفيه بس على الجدار مو على الستاره واختاري ستاره لونها نحاسي او عنابي او اللونين متداخلين ومنهم مفرش لمنتصف طاولة الطعام وعلى طاولة الطعام شمعدان فخم وطاولة الطعام تكون معزوله عن الصاله بحاجز مثل ما قالت الاخت النويره أو حاجز جبسي الى منتصف الجدار ( يعني ما يوصل للسقف حتى يبين جمال الصاله واتساعها) .................
**************************************
وبالنسبه للأسقف عندي بعد الصور بس لو صلح السكنر نزلت لك كل الصور بأذن الله ..............وقوليلي اذا فهمتي الشرح وهل عجبك والا لا بكل صراحه حتى نجد مكان للتلفزيون.................تحياتي

:27::27: