هلا أختي hanoonicq
***********************
1- الكراسي عند الستاره مكانهم حلو ومناسب وانتي أدرى من أي عضوه لمعرفتك بالمساحه وشكل الصاله والتلفزيون فعلا هذا الوضع اللي قصدته........
****************************************
2- الأوتمان نفس المطلوب بالضبط من حيث الشكل والمكان................
****************************************
3- الشازلنق عزيزتي تخيلي الصوفه بس بدون ظهر خلفي ( بس تكايات جانبيه بدون ظهر) وعندي للأسف صوره لشازلنق وعليه مفرش روعه وفخم وخلفه ستاره بس محترررررره من السكنر اللي فشلني معك..........والشازلنق يكفي 3 أشخاص ويعطي منظر حلو في الصاله وينفع للأسرااااااااااااار ..............
****************************************
4- لا تنسين الأباجورات واللوح الفخمه المعتقه وتفنني بتعليقهم وغيري عن الطريقه الاعتياديه في التعليق واختاري شمعدانات جداريه وتأني بالأختيار في كل ركن حتى ما تندمين وكل ركن خلي أثاثه متناسق من ناحية الألوان والستايل ويختلف عن الركن الآخر وأي سؤال أنا مستعده لا ترددين ولا تنسين تعلميني وش سويتي من مستجدات.......................تحياتي عزيزتي

سلااااااام عليج اختي اشكرج الصراحه على متابعتج لموظوعي
وانا الا ادور الشازلنق هذا بطلعه يعني بطلعه ماعليج :02:
شي ثاني
اخلي الكراسي اقصد الكنب نفس اللون كلهم ولا شو بالظبط
والستاره اي لون انا حاليا عندي ستاره لونها ازرق ومخططه باصفر ناعمه بسيطه
تمشي ولا لا .
عندي لون الباب مال الصاله بني

و عليكم السلام أختي
*****************
صراحه حسيت أنك فعلا مثل أختي وأشكرك على الثقه بذوقي وأنا بساعدك بكل قدرتي والليله بقعد أحاول أصلح السكنر وأنزلك موديلات للكنبات مع ألوانهم وموضة الستايرحاليا وأنواع الشلش والمماسك للستاير وكثييييير بس ادعي انه يصلح معي الليله لأنه برمضان خرب الجهاز بكبره وخرَب جميييييع البرامج وما تعرف على السكنر .......
1- بالنسبه لطقم الكنب خليه كلاسيك أفضل من الناعم كصاله رئيسيه وتكون الصوفه مثلا مشجره بس انتبهي تكون التشجيره من نفس القماش أو لون مقارب جدا للون القماش مثلا فستقي حلو مع الذهبي ، أو زيتي وفستقي ، والعنابي مع النحاسي روووووعه...........وتبين الصراحه الدارج الحين كل قطعه شكل مثال (الصوفه خليها مقلمه واللوف سيت مشجر من الألوان اللي قلتها قبل والخداديات للصوفه مشجره واللوف سيت مقلمه (أو) خلي ظهر الصوفه واللوف سيت ويدينهم مقلمه والقاعده اللي ينجلس عليها مشجره وأفضل القاعده تكون موصوله مو مفصله والخداديات منها الكبير مقلم والصغير مشجروأهتمي تنقين الشلش الفخم أخذت شلش حلو زي الكور متره ب35 ريال يعني 35 درهم، وستاره رئيسيه أخذت الشلش من الكريستال وكان غالي أعتقد المتر يوصل 120 ريال بس خذت للمنطقه اللي فوق اللي عند البوكس( 5’4 ) متر والجزء الامريكي من الستاره بدون هدب واكتفيت بحشوه اسفنجيه تفخمها ولا تنسين تكون الستاره طوييييييله تنزل للأرض 15 سم والمماسك الجانبيه تكون برضه من نفس اللي يبيعون الشلش ( الهدب اللي حول الخداديات الصغيره مثلا هدب ناعم زي الشعر والخداديات الكبار زي الكور) من النوع الفخم .........خليهم يسوولك من اللون الساده من القماش اللي تختارينه مفرش( 2*2 متر) وتحطينه على (تكاية)الصوفه و أطرافه هدب من أحد أنواع الهدب اللي أخترتيه للخداديات والستاره ، والستاره اختاري موديل حلو ويتناسب مع الكنب ودخلي فيها المقلم للأمريكي المنسدل للأرض و المشجر للدرابيهات اللي فوق وفيه موديل دارج الحين وسويته لوحده من ستايري وهو قماش ساده يا يكون شامواه أو تفته ينعمل زي البوكس ويطرز عليه باللون الثاني مثلا عملتي الكنب لون عنابي ونحاسي واخترتي الستاره الامريكي مقلمه بعنابي ونحاسي خلي القماش اللي فوق زي البوكس عنابي ويطرز عليه بالنحاسي بيطلع روعه......والشلش كور
بس أذكريلي التكلفه اللي راح تعملين فيها الكنب والستاره .............................................
على فكره الشلش أخذته من دناديش عندنا تبع كناري ( محل معروف) مادري عندكم بالأمارات والا لا ؟؟؟
أكيد عندكم واجد محلات أحلى بعد واسألي ولا تستعجلين فيه أشياء حلوه ومعقوله .........اذا مافهمتي شي ردي علي وأنا متابعتك ومعك على الخط..........................:26: :26:

روووووووووووحي الله يوفقج دنيا واخره يا ملح الحياه
وثاني شي يالله ياكريم يتصلح السكنر
عشان خاطر ملح الحياه
وخاطري انا بعد:42:
بالنسبه للالوان الي ذكريتها انا الحين قاعده اراجع واتخيل
الكنب شو لونه والكراسي والشازلينق :02::02: مم عرفته
بس يبالي وقت اشوي الين يدش اللون في راسي واكييييييييد اكييد
برجع لج عاد استحمليني :01:
بالنسبه للميزانيه هي والله صح كلامج احس انه التكلفه بتطلع وايد. عشان جذه بحاول اروح محل حول الامارات هذا عنده وايد اشيا واسعاره معقوله وعندنا هوم سنتر عنده اشياه حلوه بس غالي راح اخليه حق الشي الظروري . وصراحه يا اختي انا مافيني صبر على اني انتظر تفصيل ومادري كيف راح يطلع احب اشتري الشي جاهز من يعجبني اخذه
دوخت راسج ادري :01:
وصح نسيت اسالج شو يعني شلش
وبعدين بعد شي يالله وايد اتكلم والله سامحيني . انا ماعرفت هل الستاير الاربعه كلهم اخذهم نفس الشي ونفس اللون ؟؟
بس خلاص مابتكلم :55:

هلا أختي ولا دوختي راسي ولا شي بالعكس حابه أساعدك وحنا خوات ...........وأي سؤال لا تترددين ...........وألف شكر على الدعوه الحلوه ولا تنسين تدعيلي أنا وزوجي وعيالي بالهدايه والصلاح..............
*****************************************
1-الشلش هو الهدب اللي يجي بأطراف الستاير أو الخداديات ........ان شا الله وصلته عدل..........

2-الستاير لا تحطينهم بلون وقماش واحد مثلا: أ-الستاره اللي عند طقم الكنب خليه مناسب لألوان الكنب اللي بتشترينه وتفضل تكون مقلمه .............
ب- الستاره عند الكرسيين خلي الكرسيين مقلمين والستاره دخلي لونين من ألوان التقليم ، يعني لو الكرسي مقلم بزيتي وذهبي خلي الستاره بلونين ساده واحد زيتي وواحد ذهبي وحطيهم متداخلين.
ج- الستاره عند طاولة الطعام خلي قماشين واحد مشجر والثاني مقلم وأفضل ألوان لغرف الطعام النحاسي والعنابي وسوي من نفس القماش مفرش تحطينه في نص الطاوله بشكل عشوائي مع فازه حلوه ......
د- الستاره عند الشازلينق خليها ساده من اللون الساده في نفس الشازلينق أو لونين...........وطبعا هذي اقتراحات وانتي طبعا بتشوفين الأفضل لك.....
*********************************
اتوقع مساحه الشبابيك مو كبيره والا لا؟؟ حتى ما تكلفك الستاير من حيث القماش ولا الشغل...........وأي سؤال حاضره عزيزتي.....................:26: :26: