سلام عليكم اختي ملح الحياه اشحالج انشالله بخير والعيال بخير
صار لي يووومين والله كل ماحاول ادش على المنتدى يعطيني error dns ومادري شوو واليوم الحين بس والله فتح معاي
الحمدالله
كنت حابه اخبرج شو صار معاي
طبعا قبل خبرتج سويت ريجيم وعطلني اففف
مريت حول الامارات ولقيت طقم حلو عجبني لونه بني بس موب كامل
الجوانب بني والقعده مخططه ابيظ وبني فاتح الي ياي لونه على برتقالي يمكن جذه :27:
بس بعدني ماقررت عليه لاني افكر في لون الستاره بعد

اذا كان عندج وقت قولي لي شو رايج في اللون البني
ياي وايد فخم صراحه

وعليكم السلام ورحمة الله وبركاته...........والحمد لله بخير وان شا الله تكونين بخير.............
********************
اللون البني من الألوان الرسميه والحلوه والتقليم يعطي الكنب فخامه وهيئة الألوان حلوه بس كيف هيئة الكنب داخله خشب وألا بدون؟؟؟ واللي يشوف مو مثل اللي يسمع طبعا .......... وأتوقع اللون النحاسي للستاره مناسب معه مع عمل مفرش جانبي وخداديات كبيره من نفس لون الستاره النحاسي وطبعا لما تسوين الستاره وتختارين القماش تاخذين حساب للمفرش والخداديات ويعملونهم لك مع الستاره............والمفرش مثل هالمفرش والخداديات الأضافيه بعد نفس اللون طبعا سبق وحطيت لك هالصوره ، والستاره خليها لونين وطبقتين مثل موديل الستاره بالصوره اللي تحت نحاسي واللي فوق بني ساده أو مقلم من نفسه بنفس درجة لون الكنب ( خذي خداديه ودوري نفس اللون بمحل أقمشة الستاير).................

http://forum.hawaaworld.com/files/25242/wwewee.jpg
*******************************************************************
بأحاول انزل صوره مقاربه للون كنبك طبعا أكيد غير بس تقريبيه حتى تشوفين لون المفرش النحاسي مع اللون البني
اذا غيرتي لون وموديل الطقم بلغيني وأنا متابعه معك وبأنتظار .............

هلا اختي .....
هذي صوره تقريبيه للون صحيح هالكنب جلد بس حبيت أوريك اللون البني في أطراف الكنب والقاعده مختلفه صحيح هنا مشجر مو مقلم بس لونها ذهبي وبني المايل للبرتقالي وشوفي الخداديات والمفرش الجانبي صحيح مو واضح مره بس ابيك تشوفين لونه جاي نحاسي غامق يغني يناسب مع البني والبني المايل للبرتقالي وكذلك الخداديه الملاصقه للمفرش لونها نحاسي غامق ................

http://forum.hawaaworld.com/files/25242/mmvvv.jpg

ان شا الله الصوره واضحه ....................وش رايك ......واذا عملتي أي شي أو حابه استشاره أنا متابعه للموضوع.............تحياتي

سلام عليكم
مشكوووووووووره حبيبتي على متابعتج
لو حد غيرج كان مل وتعب بس انتي ماشالله عليج
الله يسر لج امورج ويوفقج يارب مثل ماسهلتي علي الموظوع
برجع مره ثانيه للمعارض لانه البني الي اخترته وايد طلع غااااالي :44:
بلف وبلف وانشالله صالتي بتطلع حلوه
اكيد بافكارج :42:
بس حبيت اخبرج لما كنت ادور قالي العامل ها الكنب في شازلينج قالي تعرفين شو يعني
قلت له يسسسسسسسسسسسسلام اكيد اعرف ليش من وين يايه انا :42:
مايدري اني ماعرفته الا منج
قلت الله يوفقج يا ملح الحياه انقذتيني ولا كنت بتفشل :01:

الحين بسالج انتي مهندسه ولا مصممه
باين انج فنانه لها مزاج في الديكور والترتيب

وباين من النك نيم ملح الحياه
يعني بدونه الحياه مالها طعم وصالتي بعد :42: :42:

الله يجزاك كل خير على الكلام الطيب أختي hanoonicq ، وأنا لا مهندسه ولا مصممه بس هوايتي من كنت صغيره الرسم والفن بأنواعه ويوم كبرت صرت أحب الأهتمام بالديكور والأثاث ومو غرور والله بس كل اللي عندي يشهد لي بأن ذوقي بالأثاث والتنسيق حلو وراقي............الله يوفقنا واياك وأهم شي أبيه الدعاء فقط ولا شي غير ذلك وأنا متابعه معك ..........بس من جد قوليلي كم سعرالكنب اللي قلتي عنه (البني)؟؟ وكم حدود سعر الطقم اللي انتي تبينه ؟؟ حتى ندور أفكار على قد الأمكانيات وبنفس الوقت ما يكون عادي ويبدو فخم بالأفكار لأن بعض الأطقم مره غاليه بس والله أشوفها أقول كيف خذوها أصحابها ( طبعا الناس أذواق) ، وحتى أبين لك انتي دوري طقم مكون من صوفه و2 لوف سيت ويكون عادي وساده تماما بس يكون القماش جيد الصنع وعليه ضمان حتى لو مو غالي وبلون مميز مثل الألوان اللي ذكرناها( العنابي ، البني ، الزيتي ، الذهبي ، النحاسي........) وخبريني حتى نحوله من عادي الى فخم وأنا معك على الخط لأن العيد قرب وأعتقد تبينه قبل العيد...................انتظر ردك واذا قدرتي تصورين طقم الكنب اللي شريتيه صوريه وحطيه واذا ما تبين على العام ارسلي صورته على الخاص وان شا الله أساعدك.............