آآآآآه
آآآآآآآآآآآآآآآآآآآآآآه
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآ
آآآآه
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآ
آآآآآآآآآآآآآآآآآآآآآآآآآآآآآآآآآآآآععععععع <<<< الاخيره سمعوها عيال الجيران
وجو يقولون عسى ماعندكم حالة ولاده
آه من الدراسه وآه على السنين الي راحت من عمري كر وفر
ولا اضافت لكياني شي <<< :06:
انا حالفه على ابوي مايسفرني لبريطانيا ادرس عنقليزي << يحلفون ان ابوها حاجزن لها سويت في شهار :23:
**
نعود والعود من اجمل واحلى البخور والعطور
نعود للماضوع
الا وهو العمر الذي اهدرناه بلا هدف وبلا طريق واضح
عمري اللي ضاع << طيب بلغتي عنه
<<دارسه سطعشر سنه وتوها تدري انها ماحددت اهدافها
الموهم اخواتي
الوضع خطيرن اخطر من كيابل الكهرب
اللي مكتوب عليها خطر ممنوع الاقتراب
الا ماتلاحظون معي ؟؟
ان حنا ندربي هالروس
ونفغر هالافواه
والاعاصير والزوابع الرميله تدخل وتطلع على كيفها
ومانسمع الا صوت اوووووووووووففففففففففففف << صوت الهوا
اي اننا نتخبط في داياجير ودعاسيق الحياة بلا GOAL واضح
نلاحق رغباتنا الغبيه كملاحقة توم لجيري
وهو يمثل ارقى انواع الدلاخه واجودها
نجري خلف شهواتنا كشغالتن سيلانيه خرقاء
تهرب من كفيلها وتهيم على وجهها في الشوارع
الى ان يمسكونها حقين الجوازات ويرمغونها
ويلعنون خيرها <<< لابوتس لا بو من جابتس
<<< عصبت تكره السيلانيات
من عقب شغلاتن جبناها كانت تحط
الصلصه في اكياس وتقول طرشت دم
ياجعلها مهوب تطرش دم وبس
ياجعلها تبلع مشرط يشقق معدتها لين تطرش دم على سنع
كني حومت تسبودكم
عليكم بالحليب البويرد
والا اقولكم اللبان يقولون وحده بوحده
امضغ قطعتن من اللبان ولن تعرف لقلبت التسبد عنوان
**
فضلا لا امرا انقزي وانتبهي لاتطيحين
انا وحده كلما اشم ريحة القهوه اتذكر القهوه << لاإله العجب والمناصب خشب
وكل مااشوف ابوي تجي في بالي امي << الله اكبر
وكلما يدق التلفون اقول سبحان الله زي صوت التلفون<< عجب العجاب
تصدقون اذا دق جرس البيت وفتحنا الباب نلقى ورا الباب ناس
<<<<< يعني وش تبين تلقين !!!! .. يالله عليتس بس
اقول خلونا نرجع بس للموهيم
<<<<< اقول ماعندتس مهم طسي قشري بصل اصرفلتس
بس دايم اتسأل بيني وبين نفسي>> صوره وحده تحاتسي
روحها في المرايه تسنها مهبوله
العالم اللي حصلو مناصب << بالنصب طبعا
والعالم اللي لطشت فلوس << هين سارقينها
والعالم اللي تامر وتنهي<< فيتامين واو الله يسلمه
هل كانو مخططين لها الشي ؟؟
والا الحظ هو اللي سنعهم
طيب ذا الحظ انشالله ماوده يسير علينا
طيب يلتفت علينا
طيب يعطينا نظره بس
نظره ولو جبر خاطر الله ياخذك
<<<<< اخاف يتفل في وجهتس الى منه طالعتس:44:
**
طيب هقوتكم الدعوه حظ يعني هم ماسوو شي
يعني تتوقعون انها جتهم بارده مبرده ؟؟
لالا مااظن
انااقول انهم تصارعوا مع الحياه
تباطحو هم وياها تلازخوا تناتفوا الشوش
قالوبها منا منا يمين يسار الى ان حصلوها؟؟؟؟
نجي للشخص اللي لطش فلوس الى ان انبغر وانشق بطنه
ياجعل بطونا تنشق مثله كني اسمعكم تقولون امين من قلب
هذا طبعا بدا كفاحه من عهد مضى ايام اللطــش يعني كانت سهله عليه
بس مااظن انه قعد في قعر داره وتقوقع على نفسه
وتسدح وتبطح وقابل التلفزيون
وهات ياتقشيم فصفص وتتفيل يمين وشمال وفوق وتحت
ليمن زخرف السقف قشام
وقلب في هالقنوات
والا منه خلص انقلب على الجنب الاخر وعطا التلفزيون قفاه وهات ياشخير
كان حاط في باله انه يصير تاجر
وصااااااار تاجر
هذا كان راسم لنفسه هدف حتى لو حصله بطرق معوفسه
بس صار تاجر تقولون الظروف ساعدته
بقول انطموا ذكي عرف كيف يفكر في وقتها
عرف من وين توكل الكتف.. الا من وين توكل الكتف
والله اني اسمع ذا الجمله ولاادري وش تبي
صح حنا راحت علينا
بس مو ضروري العالم كلهم اهدافهم يصيرون تجار<< مير مشي خشتس
واكبر مثال على ذا الحتسي
لالا ما عرفتوه .. هذاك مولود وفي فمه ملعقه من ذهب
مهوب مثلنا في اثامينا هواء
المثال على هالحتسي
هذاك اللي اول عمره كان يبيع مساويك
اللي شوي شوي صار يصرف للناس يعني يعطيهم فراطه على قوله اهل الشام
اللي شوي شوي الا فلوسه لو ينشرها على سطح القمر معد شفناه
<<اللي شوي شوي ويصمختس بكف
<<< بتنظله
مشالله اللهم لاحسد
الله يديمها عليه من نعمه
<<<<وحنا يالله الجنه
**
الموضوع ماخلص ،،
**
الطبيب والوزير والمدرس - احلى تحيه للمدرسين -
والسباك والنجار والحداد والخباز والطقاقه << وش تبي ذي
المهم ثلاث ارباعهم زينا
والله لاعمره حط في باله يصير كذا
ولاعمره خطط لها الشي
مير الاقدار وسوايها
مير حظوظهم زينه
مير انا يومني صغيره كنت بصير دختوره
مير اهلي قتلوا فيني هالطموح اذكر امي كانت جايبتن ساطور كبر جدي
وماغير تقتل في طموحاتي
مير قلت خلاص طيب بصير رسامه
مير وتكررررر والدتي على ضحك ويتبعها والدي بكرتن اكبر من كرة والدتي
سامحهم الله
مير قلت طيب بصير طقاقه
وما وعيت الا وانا في الانعاش بين الحيا والموت
<<<<< الله من زين الطموح بس
مير مالي الا الهواجيس
وش يفكني من الهواجيس
ثكلتك امك ايتها الهواجيس متى ستحلين عن مخيخي الصغير اللي على قدي
متى ستطسين عني لابارك الله فيك
مير واشوف برنامج يحتسي عن رياضه توخر عنك الهواجيس
يعني تخلي ذهنك صافي
الهواجيس لاعبة في حسبة نفسيتي
كل ابو دايم افكر وافنكر واهوجس
ولامره صار ذهني صافي
وياليتني اهوجس في شي يعود لي ولاسرتي بالنفع والفائده
قلت مالي << يمدحون الصومال
يقولون زينه خاصتن في القوايل
على طاري الصومال تراهم مخفضين مكالمات جيبوتي
يالله انبسطوا
ايه مالي الا اليوقا
عشان اعرف اللي لى واللي علي << حشى ماصار مخ صار توزيع ورث غلاسته وتفرمته وتقط الشين في سلة المحذوفات
والزين تحطه في الفيفرت
واروح لمكان هادي <<افلقوني بعماره ان لقت مكان هادي
<<جلست ساعه في بيتهم تدور مكان مافيه صجه
وهذا طبعا من سابع المستحيلات
قلت مالي الا اروح لغرفة الشغاله
اهدأ مكان في البيت واكثرها شاعريه ورمنسيه
بعدين قلت لنفسي ياحرمه مابقى الا ذي بس
تنطلين وجهتس على غرفتها
شغلي ذا الدمجه بس وتلقين مكان هادي
واقعد افنكر اه بس لقيتها قلت :
السطح وشلون مافكرت فيه
المهم واخذالمفتاح واطلع السطح وكان الوقت ذيك الحزه <<<< يبلها مترجم والمترجم يبله مترجم ايه كان الوقت زوين لليوقا
في صكة القايله يعني الساعه 12
واطلع بدون عده.. سوا مايسمى بالواقي حق الشمس << يقالك خايفه علىالبشره
المهم واجلس القرفصا <<<< جلسة اليوقا
وماش وماتعجبني الجلسه
واقوم واتروبع هاه هاه الا ماش عورتني رجليني
الا وانسدح
اووووووف البلاط حار :41:
المهم واجلس جلستهم ذيك اللي مدري وش تبي
وهل لها علاقه بتصفية الذهن والالا؟؟
واغدي تسني كاهن
واقول بسم الله وابدا استرخي
واحاول اصفي ذهني
الا وتنط أختي في راسي
الحين المناشف اللي شرينا خضر والا تفاحيات
وانا اللي اجلس اهوجس وشلونهن
واقول ياربي لو اني قاليتها تاخذ البيض مع التفاحيات تسان ازين
يؤ
يؤ
نسيت اني اسوي يوقا
يالله ببدا من جديد
بسم الله
وابدا استرخي مرتن ثانيه
واخذ شفيق
يؤ اخذ شفيق
اسفه شهيق
واخذ شهيق واطلع نهيق بعد نهيق يالله انك ترحمنا برحمتك
وابدا في اليوقا الدقيقه الاول زين محد نط
الثانيه مرت على خير الذهن صافي مابعد احد جا يحوسه
اها
حلو
اها
زين
مضبوط
تمام
عال العال
مير واشوف في السطح سيكل مكسر
واتذكر سيكلي يومني ذات الاحدا عشر صيفا مريعاً
ويجي في بالي يوم اطلع انا وأخوي من الساعه تسع الصبح
عشان نصيد عصافير
يوم اشد النبيطه
واشدها
واشدها
واشدها
وانا عاكستها على وجهي
واطلق النبيطه وتستقر الحصاة في فتحة انفي << تدلع خشمها تقول انف
<<<يحلفون انهم يغلطون بين خشمها وبين اول اصدار من جهاز موتورولا
المهم
وانا الي تثور فيني هذا اللي مدري وش يسمونه حق العزه والكرامه
واخمه بهاك المخمس
عاد هو أكبر مني بسنه يعني انا اقوى منه
واقوله انطم بس من اللي يدندر فوق راسي من امس
يقول خل نطلع الصبح نصيد عصافير
<<<<<<< يادلخه نسيتي انتس تسوين يوقا
ياربيه وبس راح علي نص ساعه وانا افكرخل نبدا من جديد
**
بقيق
زائير
يؤ قصدي شهيق زفير
قرفصا
يدين تسنها يدين ساحر
^
^
وضع اليوقا
بسم الله اغمض عيوني الناعسه
ويبدا مخي يصير صافي
المهم جلست عشر دقايق اهبل وش زيني
مافكرت في شي
الا بسم الله الرحمن الرحيم
تمر طياره من فوقي
واقعد هالمره اتخيل
تركنا الهواجيس وصلنا مرحله ارقى وادلخ من مرحلة الهواجيس
وصلنا مرحلة الخيال والتخلف
لو اني في ذا الطياره مهوب اصرف بس
يالله بعد لو انها رايحتن للونطون والا باريز تسان ياسلام
واقول لو ان السماء فيها لوحات
واقرا اللوحه والا مكتوب
جنيف: 30 كلم
لونطون: 5 كلم اشوى وصلنا
باريز: 80 كلم اوف مطولين عرعرنا وحنا في الطياره لونا جايين باخرة اصرف
بلجرشي : 15 كيلو << خاشه عرض
فينا: 7كلم هانت اخيرا
وصلت نيجيريا يازينهااااااااااااااااااا؟؟؟؟؟؟؟:42:
عمى
ووجع
الساعه 12 الليل:time:
ماسويت شي 12 ساعه راحت هواجيس
ياربي رباه شفتو شلون وقتي يضيع
ياجماعه من معها ولاعه لاتفهمون غلط
ابد نويت اشب في عمري
المشكله اهلي مافقدوني <<<< ماتدرين ليه مافقدوتس
بلا مالتس داعي في الحياة
اخواتي
كلكم مثلي
والا انا لحالي اللي مالي داعي ؟؟؟
منيب معتذره على الاطاله محد قالكم اقروا الموضوع
تصدقون انا تعبت وانا اكتب
على فكره نسيت مااقول الموضوع طويل
وماراح يفهمه الا اهل نجد وعساهم يفكون الخط بعد:29:
دمتم أنقياء ،،،
الله يخلــــــــــــف على دندوووونه وأبـــــوها
الله يرجتس كاااااانى من عقب قصتس وأنا غاديه علبة هندسه وكشنه من غير طماااط <<....أبوووووك يالاسلووووب في المدح مهب شي يأم غلووو
ريووووووفه يسلم غاليج ومغليج حبيبتى