اليكم قصة حملي

الحمل والإنجاب

بسم الله الرحمن الرحيم

((ولاتيأسوا من روح الله أنه لاييئس من روح الله الا القوم الكافرون ))

بدش بالموضوع سيده عشان مااقدر اطول على النت لاني ممنوعه من الحركه وحتى سامحوني اذا مارديت عليكم عقب بس اهم شي لاتنسوني من الدعاء ان الله يثبت حملي ويجعل مافي رحمي ولد ذكر ..


انا ولله الحمد عندي ذريه عندي 4 بنات الله يباركلي فيهم وكان الحمل عندي عادي واخر بنت طولت ماحملت عقبها

كنت اخذ مانع بس عقب ماخليت المانع قعدت سنه ونص ماحملت طبعاًً لما طولت ماحملت رحت سويت فحوصات

طلع كل شي تمام بس لما فحص زوجي طلع عنده الحركه 10% بس وقالوا الاطباء مستحيل يصير حمل طبيعي

لازم تلقيح صناعي او انابيب راح نبتدي بالتلقيح وتوكلت على الله وسويت تلقيح صناعي مرتين وفشلوا لكني

مايئست ولزمت الاستغفار وقرائة سورة البقرة وسورة مريم يومياً والدعاء لي وللمسلمين والمؤمنين وقيام الليل

وبعدين رحت للدكتوره عشان اخذ موعد للانابيب ولما سوت لي سونار قالت فيج تكيسات من المنشطات

الي اخذتها قبل التلقيح وعطتني ابر للتكيسات عشان تنزل ورحت الموعد وسوت سونار وقالت التكيسات للحين

موجوده وبعطيج ابر ثانيه وماخذتها قلتلها خلاص الشهر هذا مراح اعالج ومابي ابر ورحت البيت مضايقه وتوكلت

على الله وقريت على بطني((وقيل يأرض ابلعي ماءك ويسماء أقلعي وغيض الماء وقضي الامر واستوت على الجودي وقيل بعداً للقوم الظلمين )) وقعدت الصبح الا دم نزل معاي قعد لمدة اسبوع واهو مودورة لان مو موعدها

وبعدين جتني الدوره بموعدها وكنت بروح للدكتوره واستخرت ومارحت وقعدت اقول ربي لاتذرني فرده وانت

خير الوارثين 40 مره بسجودي بقيام الليل ولما جي موعد الدوره الشهر الي عقبه ماشفتهاوحللت طلعت

حامل ربي لك الحمد والشكر حمدً كثيراً مباركاً ولما رحت للدكتوره وقلت انتوا قلتو مستحيل احمل طبيعي

قالت اي علمياً مستحيل بس على الله مو مستحيل قدرته فوق كل شي والحين انا بالشهر السابع

والله يفرح كل وحده تنطر الحمل بالشهر الفضيل ويرزق كل عقيم ويرزق كل من تبي الولد ولد والي تبي البنت بينت


اللهم امين ولاتنسوني من دعائكم اللهم اجعل مافي رحمي ولد ذكر صالح بار معافى لافي لازياده ولانقصان


اللهم اميييين 0000 سامحوني اذا مارديت عليكم مااقدر اقعد على النت عندي احتمال ولاده مبكر


استودعكم الله الذي لاتضيع ودائعه ...
23
2K

يلزم عليك تسجيل الدخول أولًا لكتابة تعليق.

تسجيل دخول

كيفي مزاجي اجنن ؟؟
يارب يتمملك على خير
ويستاهل الحمد والشكر
مندرين
مندرين
الله يتمم حملك على خير ، وان شاء الله تولدين في التاسع وماتجيك ولادة مبكرة

ويارب يقر عينك بالذكر السليم المتعافي كامل الخلقة من دون زيادة او نقصان
مدلعه زوجي
مدلعه زوجي
امييييييييييين
الاهداب
الاهداب
الله يتمملك على خير ويقومك بالسلامة انتي وطفلك ان شاءالله
جونسره
جونسره
الله يتمملك على خير ويقومك بالسلامة انتي وطفلك ان شاءالله

حبيبتي ادعيلي بالبنت الصالحه السليمه المعافاة