الين متى بقعد سمينه

ي عمممممري

الله يعطيك الي في بالك

لا تيأسي،، كثير مثلك وأكثر وعندهم ثقة بنفسهم،،، حاولي تخلي عندك ثقة بنفسك وما عليكي من أحد وفي الوجه المقابل اسعي عشان تنحفي حاولي تخلي عندك قوة إرادة أختي كان وزنها بنهاية الثمانينات وبقوة إرادتها وصل 55،، وأختي الثانية كان وزنها 110ووصلت 80 وبان عليها كل هذا بقوة الإرادة وما كنت ملاحظة عليهم الحساسية الزايدة بالعكس يلبسوا ويطلعوا ولو أحد قالهم متنتوا عادي يضحكوا حتى لو في داخلهم إنهم سمان بس عادي حاولي تتغلبي على نفسك واسعي وبإذن الله بتوصلي لمرادك... الله يوفقك

ياعمري توكلي على الله وماراح ينفعك إلا نفسك تذكري إنك بتتزوجين وبتخلفين ولا زم تنحفين عشان زوجك وعيالك حطي في بالك إن مافيه أحد أحسن منك إللي نحفو مو أقوى وأحسن منك بتقدرين تنحفين لكن يبغالك صبر شوي صدقيني بتتعبين في البدايه بعدين تشوفين الأكل وماعاد يهمك مثل أول وبعدين ماراح تلاحظين فرق واضح في جسمك إلا بعد 5-6كيلو وبتشوفين كلام الناس لك بإنك تغيرتي بتتحمسين زياده -
سجلي بنادي وإستمري حطي في غرفتك لبس خليه قدام عينك مقاسه صغير عليك وصممي على إنك راح تلبسينه راح تلبسينه. ..
خذي لك أكل بسيط وروحي غرفه لوحدك عشان ما تشوفين الاكل )كلي لوحدك وقت الوجبه الجلوس مع الاهل يخليك تنسين من نفسك وتأكلين أكثر...
أنا نحفت17كيلو وباقيلي10 وبإذن الله تبشريني عالخاص إنك بديتي بعزيمه وإصرار صدقيني في البدايه بتتعبين لكن بعدين بتستانسين يالغاليه أنا واثقه منك. ...

والله يا اختي الحال من بعضه
والاراده والعزيمه عندي زيرو <<
حبوب مشروبات اي شي اشتريه وفي النهايه ما استمر عليه
انا مثلك اعاني من سمنتي من يوم كنت صغيره ..
تخيلي من الابتدائي ابي اسوي رجيم لين الحين ماسويت رجيم ماقدر استمر على شي..:09:
حتى لو يومين ماااااقدرر اموووت
ياما ناس جرحوني كثير بقصد او بدون قصد صح انجرح في وقتها لكن ارجع اكل اكثر من قبل <<اخر جرح امس لسه طازه:angry2:
وياما ناس نصحوني اني انحف ..اسمع من هالاذن واطلع من الاذن الثانيه ..
اهم شي الاكــــــــــــــــل<<
تصدقي يوم اروح السوبر على طوووول ركن الحلى والشبسات والعصيرات وخلاص احاسب واطلع:hahaha:
شتان بيني وبين اللي يشترون خضار وفواكه واغراض البيت:(
عاد بالله تخيلي دبه وداعسسه 180 لركن الحلى وربي فشله:hahaha:
نسيت ماقول لك ترا عمري 20 و وزني 106 هذا قدام خمسه شهور تقريبا اما الحين مدري كم مع رمضان ومع الجلسه :06:
بــــــــــس
تحمست اني امشي لما سمعت قريبتي نزلت 25 كيلو في 20 او اقل شوي:32:
وكمان زوجه اخوي في شهرها التاسع مشت شهر كامل كل يوم لمده ساعه نزلت 18 كيلو:32:

تحمسسست وقلت ابي امشي مثلهم
وازن على امي وازن وازن ..لازم اروح الممشى <<لانه شوي بعيد
بعد ماوافقت ...قلت ها والله مافيني حيل خليها مره ثانيه:16:


والحين رجع حماسي وقلت لازم امشي تدرين ليه.؟؟؟؟

قبل امس رحنا للسوق ودخلنا نشوف البلايز للكليه كلها نحاف مقاسات مرره صغيره :35:
سأله اخوي يامحمد مافي مقاسات ؟؟؟ قال : راح تجي المقاسات الكبــــــــــيره بعد يومين
صح حزنت لكن تحمست اني امشي ..
وفي بالي هــــــــــــــــدف لازم احققه .

واذا تبغين تمشين معي كل وحده تشجع الثانيه حياك

شوفي حبيبتي ..

أولا ً أنا و كللل البنات اللي بالقسم حاسين بشعورج لأننا ما دخلنا للموضوع إلا لأننا نعيش نفس تجربتج و ممكن أصعب ..


ثانياً صدقيني لو كل الكون اجتمع عشان يخليج تتحركين و تسوين رجيم ممما راح تنجحين ما دام القناعة ما تولّدت في داخلج إنج بحاجة لرجيم عشان تكسبين صحتج و تخسرين الهممم و الوزن الزائد و العزلة معاه ..


ثالثاً مو معقولة كلنا نعاقب أنفسنا بالطريقة اللي ذكرتيها، و أنا كنت مثلج فيها إننا لو ما نزلنا نهجم على الأكل كأننا مفجوعين ،
لا يا قلبي لازم تحطين ببالج شغلة إنتي إذا اتبعتي رجيم و وزنج ثابت بكره أو بعده راح ينزل بإذن الله لاااا محالة لكن لو تركتيه وعاقبتي نفسج بالأكل ما راح تستفيدين شي غير السمنة الزايدة و كيلو ورا كيلو لين تنفجرين ..


ليش تخسرين صحتج و شبابج و متعتج و سعااااادتج بسبب كم أكلة و كم لقمة !!

ليش الرشيقات يحرمون أنفسهم من زيادة الأكل و ما ماتوا بسبب هالحرمان و احنا ننهد على الأكل كأنه إكسير الحياة
و حتى لو شبعنا ناكل زياااادة لين نخلّص على الصحون ..؟؟

شوفي جسمج بالمراية، شوفي وجهج، شوفي عمرج، تأملي باللي حوالينج ..
هل هذا الوضع اللي تستحقينه ! وإنتي توج فبداية حياتج تنحرمين من الكشخة و الوناسة و الطلعات عشان الأكل بس !!!



نصيحة ابحثي عن رجيم اسمه ( رجيم غلا الأشواق ) اقري موضوعها من أوووول صفحة لين النهاية شوفيها حاطة يومياتها يوم بيوم كانت تنقص كييييلو ماشاءالله عليها و رجيمها حلو و أنا توّني مبلشة فيه .. ما راح تخسرين إلا كم ساعة من وقتج لا قريتي تجارب البنات و راح تتحمسين له كثثثير و تجربينه على طول و صدقيني بيفيدج كثير لأن كل ما زاد وزن الوحدة كل ما نقصت أكثر ..

اشتركي بقروب و الله مكثر القروبات في عالم حواء، حطي فبالج مااافيه رجيم ناجح بدون المـــاي اشربي ماي بأكبر كمية تقدرين عليها يوميا عشان يطلع كل السموم و الأملاح من جسمج ، و الرياضة لاااا تشدين على نفسج أبدا أمشي نص ساعه يوميا وبعد فترة إنتي بنفسج راح تزيدين المدة و بعدها بتتحمسين و تقعدين تدورين على تمارين رياضية ثانية ..


صدقيني ما فيه شي مستحيل و مع الإلحاح بالدعاء على الله + الاستمرار على النظام الصحي حتى لو كان الوزن ثابت راح تلقين نتيجة مُرضية بإذن الله


و الله ينحفج و إيانا على صحة و عافية يا رب