انا بقولك عن نفسي دخلت المطبخ مع امميتي وانا بصف ثاني ابتدائي والله ومومدح للنفسي بس ظروف امي كانت تلزمها على دخولي معها للمطبخ والحمد لله الان انا الي علمت خواتي شغل البيت الان ولله الحمد عندنا اخت بالصف الاول ثانوى نعتمد عليها بعد الله بالبيت في حال عدم وجودي انا واختي والوالدةوربي اشوف بنات امهاتهم مايعتمدون عليهم بشى بس الامر يرجع للام نفسها اذا عودت البنات بدري اولا
توكلي على ربك ودربيها انت ماتدري الدنيا وش مخبيها افرضي لاقدر الله احتجتيها بكرة بشي وتكون ماهي عارفه شي وعلى قولت امي الشغل ماذبحنا وحنا صغااااااااااااااااااار ههههههههههه ربي يحفظهالي ويحفظك للبنتك وتفرحين فيها ربت بيت سننننننننعة وترفع راسك ياااااااربي

امي لا تعرف بنت و لا ولد ، كلنا واحد و كلنا نشتغل في البيت ،، من سن 7 سنين كل وحدة لها شغلة فالبيت طبعا بدات انها علمتنا كيف نعتمد على نفسنا في شغلاتنا الخاصة من ترتيب السرير التسريحة ، تعليق البجامة قبل ما نروح المدرسة و كده و شوية شوية دخلت شغلات غيرها ، بس الولد يده بيد البنت ،، و الحمدلله لما اخوية سافر يدرس برة كان يعرف يكوي و يغسل و يطبخ ههه ، بنتك علميها من دحين حبة حبة راح تتعلم و لو عندك اولاد علميهم كمان ،،،

انا بنتي عودتها من هي اول ابتدائي شوي شوي علميها تشيل اغراضها ترتب ملابسها قبل ماتنام تجهز اغراض المدرسه والحين ماشالله 2 متوسط وتعرف كل شي اليوم انا وزوجي رحنا قضينا للبيت اغراض ناقصه مارجعت البيت الا وهو نظيف وومسحه السيرامك ومبخرته الله يخليها لي حتى اذا كانت جوعانه تسوي اكل لها ولاخوانها ماتنتظرني مثلا تسوي رز ابيض ويكون معاها زبادي اوسلطه مطحونه انتي ابدي علميها من الحين شوي شوي

يعني عشان امك كانت مدلعتك ومريحتك
صارت الله يسامحها ؟!!!
جد خير تعمل شر تلقى
بنتك طفله خليها تعيش حياتها وطفولتها
انظري لها بهذا المنظار مو منظار الخدامه
قال ابي اعتمد عليها وش رايكن
بيجي يوم تكبر وتتزوج وتتعلم .. عقليات
الله يعين بنتك بس

فديتكم والله

انا نفس الشي الحين عشان امكم مريحتكم ومدلعتكم هذا جزاها

جعل ابوي في الجنه وامي الله يطول بعمرها ويقدرني على برها



كان كل همهم دراستنا وتفوقنا ومستقبلنا

وهذا 2 من خواتي الله يسعدهم تزوجوا بعد الدراسه على طول وحده كان يوم تخرجها هو يوم ملكتها والثانيه اختبرت اخر اختبار وهي مخطوبه

ولا عرفوا المطبخ الا بعد الزواج وبسم الله عليهم من ارتب البيوت وانظفها والكل يمدحهم ويمدح امي في تربيتهم

هو على اساس البيت شلون تربوا البنات

والله اني يوم رحت ادرس بعيد عن اهلي اني ماكنت اطيق الوساخه وكنت متفقه مع عامله من عاملات السكن تجي كل يوم تنظف حمامي وانتو بكرامه لما اكون بالجامعه واشتري لها جميع ادوات التنظيف وغرفتي كل اسبوع يوم الجمعه ادهر فيها اكنسها وارتبها واسنعها واشغل الفواحات والمبخر

وانا في بيت اهلي الا اليوم ما ادخل المطبخ ومو القصد اني اتفاخر بهالشي بس الوحده من داخلها وعلى تربيه اهلها لما يجي وقت الجد تطلع التربيه

صاحبه الموضوع انا مااقصدك انتي لحالك بالكلام بس انقهرت لما تكلمتي على امك
كلنا تدلعنا في بيوت اهلها وطباخات وخدامات ودلع والى اليوم ماارتب فراشي ويوم كنت ادرس كنت اسوي كل شي بنفسي يعني يوم يجي الجد قسم بالله انظف مكان مكاني


وخواتي و رب الكعبه انهم ينذكرون عند الناس باسم امي وسنعها وانهم اخذوا منها هالشي


مو شرط كل وحده تدلعت في بيت اهلها خلاااص

عادي كل وحده في بدايه زواجها تخبص شوي وبعدين تمشي الامور مافيها شي لو حصلت مواقف باول الزواج

ورب الكعبه زوجه عمي كانت تبكي لما كان يقولها اطبخي لي العشا والحين بسم الله عليها تمد السفره من هنا الى اخر الدنيا انواع واشكال

المهم البنت تتعلم الاصول يعني لما تدخل الحمام وانتو بكرامه تتعلم شلون تنظف وراها وتغسل يدها
تتعلم لما تجي تضيف احد تبدا في مين

تتعلم ماتقوم من مكان هي جالسه فيه وراها منديل طايح ولا كوب شاربه فيه مويه ولا عصير

تتعلم ماتطلع للناس الا وهي متنظفه ومتعدله
تتعلم ماتقاطع الكبار بالكلام
تساعد امها في اشياء بسيطه مثلا الام تكنس والبنت تاخذ فوطه وملمع الاثاث وتبدا تلمع
الام مثلا تغسل الصحون والبنت تنشف
تتعلم ترتب سريرها وتعلق ملابسها و اللي وسخ منها تحط بمكان الغسيل
تعتمد على نفسها باي شي تبيه اكل شرب لبس تسنع غرفتها

بس اني اكرفها بطبخ وغسيل ملابس و مواعين وترتيب البيت من صغرها

ليه

مصيرها تكبر وتكرف لحد ماتطلع عيونها

والمطبخ لاحقه عليه مصيرها تكبر وتتعلم تطبخ وتتسنع


بعدين اخرتها بتكبر وتتزوج وتجيب شغاله مثلها مثل باقي الحريم ومثلك وتصير الشغاله هي اللي ترتب وتسنع وتطبخ وتسوي القهوه

خليها تعيش طفولتها