كوبونات الراقية تسجيل الدخول

Reeeeeemaa
Reeeeeemaa •
علميها الاشياء البسيطه

مثلا ترتيب غرفتها تساعدك في تجهيز السفره

تسوي شاي سندويتشات

واهم شي تتربى على النظام والترتيب ماتكون فوضويه

وتهتم بنظافة المكان اللي قاعده فيه
طيب كيف
طيب كيف •
اماني23 اماني23 :
انا عشت ممره مدلعه مااشيل ورقه من الارض تزوجت وانا 16 سنه جبت بنوته دحين عمرها 5 سنوات ماشيه ف ال6 ماشاء الله تبارك الله الله يحفظها ويبعد عنها كل شر اذكرو الله تكفون ترتب البيت وتكنس وتغسل المواعين وتسوي حليب لاخوها واختها ماشاء الله تبارك الله تنشر الملابس تمسح ابواب البيت اوول علمتها بالقوه وبالطيب الحين من نفسها تقوم الله يحفظها قولو لااله الا الله ترا ماعمري علمت احد اخاف على بنتي من جماعتي :)
انا عشت ممره مدلعه مااشيل ورقه من الارض تزوجت وانا 16 سنه جبت بنوته دحين عمرها 5 سنوات ماشيه ف...
ياشيخه تسوي حليب لخوها ماشاء الله

حدث العاقل بما يعقل
طاسة مليانة
طاسة مليانة •
علميها طريقة الشاي تسويه لك البيض المقلي النظافة اشياء على قدها واهم شي النظافه واحترام الضيوف
لوله2010
لوله2010 •
والله يابنات ما ينفعكم بعد الله الا بناتكم علموهم كل شي لا تقولون صغيرة أبدن مهي صغير اذا علمتيها بصغرها ماتعبتي عليها بكبرها انا تزوجت وعمري 15 والله الغداء ما اعرف اطبخة الله يسامح امي والله يسامح زوجة ابوي
تصدقون والقهوة ما اعرف اسويها والله سخر لي جارتي يارب تشفيها وتعافيها وتسخر زوجها وعيالها لها والله يابنات احتوتني مثل الام وعلمتني الله يسعدها والحمدلله كان زوجي متفهم وماقال شي با العكس علمني اللي يعرفة لا تقولون مدلعة لاوالله لكن تعرفون الام لاهية وزوجة الاب مادورت لي تزوجت ما اعرف معنى زواج ولكن الله يسرها
الحين اقولكم حلفت اني لو جاتني بنت اعلمهاكل شي
ياليت تذكرون الله قولوا ماشاء الله تبارك الله تكفون طلبتكم
والله وهي صغيرة بديت معها وكانوا اقاربي يقولون حرام عليك ماتخافين الله وانا ساكتة الحين بنتي با اول ثانوي يارب توفقها وتحفظها وترزقها الزوج الصالح اللي يعرف قدرها قامت بي بااربع ولادات يعني اول واحد قبل 10 سنوات واللي بعده ومن كانت با اول متوسط بدات تطبخ وكل شي تسوية الله يحفظها 3 اخرها قريب وكلهم قيصرية ماشاء الله كل شي تسويية حتى با المستشفى هي اللي رافقت معي وجلست خمسة ايام تشيلني وتوديني الحمام اكرمكم الله وتنظفني وتلبسني مثل الطفل لاني مررررررررررررة تعبت وتنام على الارض با المستشفى تخيلوا لان ممنوع مرافق وهي رفضت يوم شافتني تعبانة والمدرسة ايام جلست با المستشفى لاني طولت جلس حول الشهرين تغيب وتجلس مع اخوانها الصغار وترجع البيت تشوف اخوانها وتطبخ لي حاجات ومعلمتها كلمتنى تمدحها وتدعي لها تقول الله يكثر من امثال بنتك تقول والله ان مايهمني غيابها وهي باره بك اهم شي برها بك تصديقاتها با المدرسة يضحكون بها يقولون لونا منك مانسوي شي ايش دخلنا ويحاولون يغيرونها بس تجي تقول الله يهديهم البنات با المدرسة شوفوا لو ماعلمتها وعودتها تطبخ وتنظف وتهتم با اخوانها من كان بيدور على يارب ياكريم تحفظ بنيتي من كل شر وكل عين يارب تجعلها هي من يغسلني وتكفني أدعوا لها يابنات انهاتتوفق با دراستها وحياتها ويجعلها ماتمر با اللي مريت انا فية لا تقولون وين امك وماعندك اخوات ادعوا ان الله يهديهم ويجعل حبي بقلبهم بس ويعوضني بعيالي عنهم وبنياتي

معليش ابلشتكم بقصتي بس حبيت أفيدكم ان بناتكم لازم تعلمونهم بكرة ماتدرون تموت الوحدةوالا وش يصير الا بنتها تعرف ماتجلس محد يعلمها
الطاوسة الحزينة
الطاوسة الحزينة •
ابدي علميهم على الخفيف يعني الحلا البسيط وشجعيها وامدحيها قدام اهلك انو هي الي سوته وقولي تنظف بس باسلوب والله يسخرلها لك يارب