انتي مدام عندك شغاله لا تخلي بنتك تعتمد عليها
مثلا ترتب غرفتها وتشيل الالعاب وتلبس ملابسها
واذا بدلت تودي الملابس لغرفه الغسيل بدون ماتطلب
شي من الشغاله الا في شي تشوفي انها ماتقدر
عليه ,,وبعد تشيل صحون الاكل معك وتجهز السفره
واذا عندك اخوان لها خليها تلبسهم وتمشط لهم وتساعدهم ,,او احد كب شي على الارض اطلبي منها
انها تنظفه وانتي معها او تكنس مع الشغاله وتجفف الصحون
واذا جاك ضيوف خليها تقدم معك وتجلس معكم بالعكس
اذا انتي عاملتيها على انها كبيره راح تصير سنعه وتساعدك
وبعد ترتاح اذا كبرت

واذا بتعلمينها صب القهوه خليها هي اللي تصب لك انتي
وأبوها في البيت وبعدين بيصير عليها سهل عند الضيوف
وانا اشوف ان عمرها مناسب انا اعرف حريم يعتمدون على
بناتهم وهم اعمارهم 6 و7 سنوات

نفس حالتك امي ماعلمتنا بس مو غلطتها لوحدها المفروض الواحدة لحالها تسنع نفسها والله لين الحين استحي اقدم شي للضيوف لاني ماعرف زين

لساتها صغيره ع المطبخ ودوشته خليها تساعدك في تنظيف البيت ومن يوصل عمرها 12 دخليها معك للمطبخ وعلميها

والله انا عندي بنتي عمرها 12 تعرف تسوي شاي وقهوه ماشاءالله واعلمها على شغل البيت وطريقة التنظيف بس ماتهتم وماتحب الشغل بالقوه تسوي الشغله صرت احط جدول اوزع الشغل عليها مثلا يوم الاحد تغسل الاواني وترتبها والاثنين غرفتها يعني موزعتها بالايام بس مو ضاغطه عليها لا واذا اتقنت شغلها اعطيها مكافئه بس نفسي ومنى عيني هي من نفسها ترتب بدون لا اقولها احس ابي انفجر لازم اقول رتبي طبعا هذا قبل الجدول انا ماشاءالله اشوف حريم عندهن بنات يرتبن بدون امهن تقول لهن الله يصلحهن ويخليهن لنا

ياااربيه احس انها صغيره حررام عليكي خليها تعيش طفولتها لاحقه على الكرف والشغل بس مايمنع انها تسوي اشياء خفيفه من باب النظافه والاتيكيت يعني البنت الشطوره ترتب سريرها تشيل اشياءها اللي تاكلها ملابسها ماتحوسها وزي كذاا..بس مو شغل جاامد

شوفي انا عندي بنتين وحده 6 وحده 7 سنوات بس قلبي يوجعني عليهم مااحب اخليهم يسووا شغل جامد مثل اللي قلت لك فوق بس الاشياء المهمه عشان البنت ماتكون فوضويه

لاني انا ذقت المر وانا بنت :09:..امي من عمري10 سنوات وكل شي على راسي تنظيف وطبخ وجدران وكل ابوو شي كنت احس كاني سالي مظلوومه هع وبيتنا كبير واخواني كثار وربي كنت اشتغل شغل الحمير:icon33: ماتهنيت بطفولتي ولا مراهقتي وتزوجت وانا صغيره ونفس الشي حملت على طول ووحام وقرف وشغل بيت واطفال وربي اني احزن على نفسي يعني الوحده خليها تتهنى في بيت اهلها شوي لانه مصيرها تكررف كرف الحمير في بيت زوجها.:44:..