مرحبا خواتي ،،،،،،،،،،،
أول شيء بعطيج النصايح بعدين بحكيلج المعاناة ،،،،
* الرضعات المخففات للمغص كل يوم عطيه رضعه علشان تتعود أمعاءه على اخراج الغازات ونوعي حق طفلج هذه الرضعات مثلا يوم ينسون ، يوم كراويه يوم نعناع ، يوم بابونج ،يوم ميلوبا (شاي الأطفال ) ........وحتى إذا خفت الغازات استمري في اعطائه لأنها توقف يومين وترجع واعرفي كل شيء يدخل بطن الياهل يسوي غازات حتى الرضاعه الطبيعية تسوي غازات .
* أمي الله بحفظها تقول مب زين تدخل الياهل الحمام ، من بابا الحذر يعني السبوح في الغرفة والتغيير بعد ( وهذا على ما ترتاح الأم )
* الطفل في هذا السن ما يفرق بين الليل والنهار ، بس انتي عوديه أن الرضاعة النهارية تختلف عن الرضاعة الليلية ، يعني بالليل تكون الإضائه خفيفه ولا تتكلمين معاه ، وإذا غيرتيله حاولي تكونين سريعه ، في النهار غيري له الحفاظ وريحيه منه شويه حطي البلاستيكه تحته وخليه بدون حفاظ ، لما ترضعينه كثري من اللمس والهمس له ، خلي الستائر مفتوحه ......................................
* لالالالالالالالالالالالالاترضعينه أما الناس ، خلي الرضاعة فترة خلوه بينج وبين طفلج فتره مقدسه مش جدام الخلق ووسط الناس ....
* اعرفي انج كلما لاعبتي ولدج ساعه زيادة في النهار كسبتي ساعة نوم بالليل ،
* حاولي أنج تحممي ولدج مرة بعد قبل ما ينام لأن الحمام يخلي الطفل مرتاح ولعبه بريوله في الحوض يطلع الغازات من بطنه
*الرضاعة الطبيعية هي أهم شيء بالنسبة لطفلج ولج ، لاتقولي ما فيني حليب أنا قعدت 17يوم ما سويت حليب ، ولما سويت ولدي ما رضى يشرب من صدري لأنه تعود على المرضعه وصرت أشفطله كل يوم وحقيقه الشفاطة متعبه بس يالله نتحملها شفطت له شهرين ونص وصدقيني أول ما بديت اشفط قطرة ثنتين يالله يالله نص رقم ، واستمريت وبعدين حاولت أرجعه على الصدر شوي شوي يعني لما يقوم في الليل وهو نص نايم يتوقع المرضعه أحط صدري بداله يمص مصتين وبعدين يفتحه وهكذا شوي شوي وكل يوم صار أحسن عن يوم .
* السهر عزيزتي شر لابد منه واعرفي أنها فتره وبتعدي أطفال بعد أسبوعين وأطفال بعد الأربعين وأطفال بعد شهرين وهكذا هكذا تمضي الأيام سريعه ...
* (الأزواج ) علامة استفهام كبيرة ،،، أختي اعرفي طبيعة زوجج اذا كان من النوع العصبي ولي ماله مزاج وراس عاى العيال خلج بغرفه وهو بغرفه لحد ما تسيطرين على الوضع تمام خاصه بالليل ، وأنصحج لا تفكرين تتطلعين معاه لحد ما تعرفين لطفج زين ،،،،،،،،،،،،،،،،،،،،،،وإذا كان طيب القلب حنونا ويحب الكتاكيت والأكشن خلج معاه واصنعي ما بدا لك ِ
**** المصاصة أروع ما اخترعه العلم خليها رفيقتج في كل وقت ههههههههه لا عاد حليله بس وقت ما يبي ينام ووقت ما يكون شبعان ومغيرله وبس يبي يتدلع عليج ..
ودمت ِ سالمه ،،،،،
والله أحس كلامي ككتيل بس السموحة ،،،،
مرحبا خواتي ،،،،،،،،،،،
أول شيء بعطيج النصايح بعدين بحكيلج المعاناة ،،،،
* الرضعات المخففات...
وبالاخير ترميها وما مصتها ابدا....
بالنسبه للرضاعه الطبيعيه انقذوني .. الحليب الي بصدري بدا يخف...
وبنتي صارت تشرب 4 رضعاات صناعيه باليوم
لأني حتى لما اجلس ارضعها تقريبا نص ساعه ما تشبع ما يطلع لها حليب...
واعطيها بعدها رضعه صناعيه وتشربها :(
ما تشبع من صدري الا في الليل ما ادري ليش