الي تبي تعرف عن الليزر المنزلي//يمنع المنقول

السلام عليكم ورحمة الله وبركاته ^_^

عاد لاحضوا اني قلت الي تبي تعرف وانا مالي فيه اخاف من مثل ذي الاجهزة ولاجربت بس ذي طريقة منقولة من احد منتديات

وحبيت انقلها لكم الي عندها فضول تعرف او الي ناوية تجرب اكون افتدها

والي استفدت من موضوع شخصيا ذي المعلومة : ان الليزر مايشل الشعر نهائي لازم استمرار بشكل دوري / لذلك اشوف الاشياء طبيعية معروفه افضل

أنا صارلي سنين مع الليزر..... ما اقدر اقول انه ما فادني!

على العكس... خف الشعر في ويهي بشكل كبير

لكن بعده يطلعلي!

هالسنة بديت اسوي ليزر لجسمي.... ما عجبني هالكثر.... يمكن الصالون إلي رحتله جهازهم مش هالكثر

ما ادري

فكرت اسوي ليزر منطقة البكيني... بس مترددة لأن هالمنطقة عورة مغلظة

اتمنيت يكون عندي جهاز خاص فيني يفكني من موضوع الحجز و الإنتظار و بعدين ما تعجبني النتيجة

دورت في النت عن اجهزة ليزر منزلية

و حصلت!!!!

الجهاز اسمه سيلك إن

و هو جهاز ليزر منزلي .... قيمته 499 دولار

اشتريته من موقع الجهاز

هالموضوع نزلته علشان اخبركم بتجربتي له

الجهاز ايي معاه دي في دي... يشرح طريقة استخدامه

لما تصفحت الموقع... كانت في تحذيرات عن خطورة استخدام اصحاب البشرة السمراء للجهاز

و كيف ان الجهاز فيه سنسور يشوف مدى غمق البشرة، فلو كانت البشرة غامقة، الجهاز ما بيشتغل!!

انا سمرا... مش سودة! سمرة السمار العربي... ما اعرف اوصف!!

شغلت الجهاز و انا ادعي انه يشتغل

ما اشتغل!!!

قلت رااااحت الفلوس إلي اندفعت

جربت مرة ثانية

مرة ثالثة

و اشتغل الجهاز

كنت مختارة اوطى درجة للجهاز

لأني اول مرة استخدمه فما بغيت اجازف!

سويتلي ليزر على نص ريولي.... منطقة الإبط...أيدي ما سويتلها لأني من يومين سويت waxing

شو هي تجربة الجلسة المنزلية الأولى:-

- اخترت اوطى درجة، و حسيت بلسع الليزر بشكل خفيف

- مثل ما قلت في البداية، الجهاز فيه سنسور للون البشرة، و ما بيشتغل إلا على البشرة الفاتحة، في مناطق في ريولي كانت اغمق شوي .. و ما رضا يشتغل الجهاز عليها، لكني قصيت على الجهاز .. في النهاية السنسور مش دقيق جدا.. و قدرت بعد عدة محاولات اني اشغله على الأماكن إلي ما رضا يشتغل فيها..

- زدت درجة الليزر، و زاد احساس اللسع...

- جلستي المنزلية الياية بتكون بعد اسبوعين

نقطة مهمة ... جهازي يعتبر النسخة الجديدة، في نسخة اقدم منه، و إلي لونه ابيض...

and that's what i got for now!!

See you

رٍد عآلأخت

مرحبا!

شوفو هالكليب عن استخدام الليزر في البيت

××× يمنع روابط لمواقع أخرى ... الإشراف

ورد اخر عآلأخت

انا بصراحة مليت على كل جلسة ادفع مبالغ محترمة.... فقلت اشتري جهاز بقيمة جلسة وحدة و استخدمه على كيفي.... احسن من عبالة روحة العيادة و الحجز....

اعتقد الجهاز إلي تطرينه هو نفس جهازي بنسخته القديمة... او الجهاز الثاني إلي اسمه ترييا .... انا قبل ما اقرر اشتري سيلكن قارنت بينه و بين الجهاز الثاني... شخصيا ارتحت لهذا اكثر..... و مثل ما قالوا في الكليب إلي حطيته... ان الجهاز مرخص من وكالة الغذاء و الأدوية في امريكا.......

وترى الليزر مايّروح الشعر نهائيا

تجربة أخرى

السلام عليكم

من فتره سألت الأخوات في الموقع عن اي معلومات عن جهاز الليزر الشخصي وتجاربهم مع الليزر شكل عام واللي منتشر هذي الايام في عيادات التجميل .... وبصراحه انا ملييييييت من العنايه بالمنطقه الحساسه وازالة الشعر لان الحلاوة تسبب آلام لا تطاق والموس ما احس انه ينظف مثل ما ابي وودي اسوي ليزر لكن حرام الغريب يشوف المنطقه الحساسه ....... وفي يوم من الايام شفت اعلان عن جهاز ليزر شخصي للاستخدام المنزلي:sdgsdg: فرحت واااااااايد وقمت واشتريته وسعره هو 100 دينار كويتي. في البداية كنت متخوفه من استخدامه لكن بفضل الله والاخوات الفراشات واللي قالوا لي تجاربهم مع الليزر في العيادات وخصوصا ان بعض العيادات تعطي الجهاز للبنت حتى تسوي لنفسها وتزيل المنطقه الحساسه ومن هذي النقطه تشجعت لاستخدام الجهاز:fhgfdhagi.

المهم ما اطول عليكم ... طلبنا الجهاز ووصل بنفس اليوم وطرية استخدامه حسب الاعلان آمنه وسهله وما تسبب أي مشاكل والمندوب شرح لي طريقة استخدامه .... لان من الامام يكون زوم الليزر ودرجة الليزر وعلى جنب اداة التحكم وطبعا يشتغل على الكهربا. استخدامه بسيط وسهل ... يستخدم لاي مكان بالجسم وهذي بعض التنبيهات:

- يفضل استخدامه لمدة لا تتجاوز 30 دقيقة وبعدها يتم اغلاقه للراحه مدة 10 دقائق الى ربع ساعه ثم يستخدم مره أخرى

- قبل الاستخدام يتم ازالة الشعر بواسطة موس الحلاقة ويترك لليوم التالي حتى يبدأ بالظهور ومن ثم يتم تسليط جهاز الليزر على المنطقه . اذا كان هناك اي جروح من الموس يفضل تاجيل عملية استخدام الليزر حتى تندمل الجروح

- يشغل الجهاز وتحدد درجة الزوم اما متوسط او عالي وبصراحه انا استخدمت العالي ، عند البدء وحسب التوصيات يجب ان يتم توجيه الليزر للمنطقه وان يبعد عن الجلد مسافة 1 سم تقريبا، وتضغطين على الزر الجانبي لتشغيل الليزر وتوجهينه للمنطقه، بعدها يبدأ الليزر بتفتيت وحرق المنطقه ومنها تنتقلين للمنطقه المجاوره

- بعدها بيومين او 3 يتم حف المنطقه مره اخرى بالموس وتترك مدة يومين ويعاد استخدام الليزر ..... تكرر العملية حتى يتم القضاء نهائيا على الشعر في المنطقه ( سوف يتم استخدام الليزر مره واحده اسبوعيا للمنطقه المعنيه)

- سوف تلاحظين ان نمو الشعر بدأ بالضمور او يكون خفيف

- طبعا لون البشرة وكثافة الشعر تلعب دور مهم في مدى فعالية الجهاز وعدد مرة استخدامه للمنطقه.

- مع انه ما يسبب اي الام او جروح الا انه ممكن تستخدمين ثلج وتحطينه على المنطقه بعد الانتهاء من الليزر.

- وطبعا يجب عدم توجيهه على العين مباشرة.

- ومثل ما قلت يستخدم لكافة انحاء الجسم والوجه للرجل والمرأه.

هذي كل المعلومات اللي اقدر افيد الاخوات فيها لان كانوا طالبين مني اكتب لهم نتيجة التجربة .. واللي يحب معلومات اكثر هذا موقع الشركة

××× يمنع روابط لمواقع أخرى ... الإشراف