الي تعرف موقع امازون للتسوق

أختي إذا تبين تشترين شي من موقع امازون وما تعرفين الطريقة فيه شخص ممكن

اعطيك ايميله أو رقمه وهو يطلب لك اللي تبينه من الموقع وياخذ عموله بسيطة

اب

للررررررفع

تحتاج الى :
1- بطاقة فيزا او ماستر كارد مسبوقة الدفع من البنك الاهلي ليه؟؟ اعلمك بعدين
2- من الافضل يكون لك حساب في البنك الاهلي ليه؟؟؟ اعلمك بعدين
3- لا يهمك اي موقع حتى لو كان نصاب راح تشتري منهم غصب عنهم كيف؟؟؟؟ اعلمك بعدين
4- تحتاج بريد في بريطانيه او الولايات المتحده .... كيف؟؟؟؟ اعلمك الحين



بسم الله



البطاقة مسبقة الدفع من البنك الاهلي التجاري بسيطه المنال قيمتها رخيصة وتقدر تطلعها حتى لو ما عندك حساب في الاهلي
تجيك على البريد الاعادي او الدي اتش ال من جده
ميزتها ان الدكان الي بتشتري منه ما يقدر يسرقك
كيف؟؟
يعني تبي تشتري خيمة بحر ب 20 ريال لو حاول يسحب عليك 21 ريال ما يقدر

كيف؟

البطاقة تكون اصلا ما فيها غير 20 ريال تكون انت حاسبهم ومحولهم من حسابك الى حساب البطاقة !!!
عشان كذا اقول من الافضل انك تفتح حساب في الاهلي
حتى لو 100 ريال

عشان ونت جالس عى النت عجبك سيكل في موقع وقيمته 15.5 رياال
تتصل على الهاتف المصرفي وتحول 15.5 ونص الى حساب البطاقة بعد ما تحسب كل التكاليف المطلوبة بسعر صرف العمله طبعا

يتم التحويل بالمبلغ المطلوب فقط

واذا حاول الدكان يسحب عليك اكثر ؟؟؟؟؟؟؟؟؟؟؟؟؟؟ ما يقدر

الشي الثاني

عشان تستلم مقاضيك

شركة ارامكس تعطيك صندوقين بريد في بريطانيا وامريكا عشان تتسوق من هناك

قيمة الصناديق 135 ريال للاثنين مدى الحياة
واي طرد يشحنونه لك بقيمة 56 ريال عن كل واحد كيلوا جرام
و 17 ريال عن كل كيلوا زايد

اذا جيت تشتري تعبي بياناتك السعودية في خانات الفيزا
وتكتب عنوانك الامريكي او البريطاني في خانة الشحن

وبعد اربع ايام تكون المقاضي والسيكل عندك في الرياض او اي مكان تكون

تكنولوجيا

انا استخدم البطاقة من سنتين ( شكلي اول واحد طلعها )

رااااااااااااااااااااااااااااااااااااااااااااااااا اائعة

ملحوظة :
ان شريت شي اشر لي معك تراني احب الهدايا

وش فايدة الصناديق من ارامكس وبعدين إذا كتب عنواني في بريطانيا او امريكا وشلون يجي للسعوديه ؟ هم يستلمونه ويرسلونه والا كيف ؟

طيب ليش ما احط عنواني في السعوديه ويجيني الطرد على البريد ؟

سألتني ليش

انا اقول لك

لانه برياطانيا فيه بعض البضايع ما تشحنها للسعودية هذا واحد
الشحن للسعودية ياخذ وقت طويل عن طريق البريد المتطور الي عندنا --- توصلك شحنة وتضيع عشر
امريكا ما تشحن للسعودية في كثير من المواقع
واذا كان فيه شحن المدة مررررررررررره طويلة 4-6 اسابيع

هذي فايدة ارامكس

طبعا الشحن الدولي له تكلفة

ارامكس راح تاخذ عليك نفس التكاليف لكن خلال اربع ايام بس

اذا وصل الطرد لصندوق بريدك في امريكا ياخذونه ارامكس ويجيبونه للسعودية

خذ راحتك واطلب اي شي

خصوصيتك محفوضة

بس ممكن تفصل تفصيل دقيق بالمره
بطاقة الفيزا شلون كل شيء والاسعار كل شيء سويته بالحرف الواحد
ياليت بلاي والله اعجبتني الطريقه

المسألة تتكون من اشياء ابشرحها لك ببساطه شديدة

اولا انت تبي تشتري من النت -------- تحتاج -------------- تحدد الموقع الي تبي تشتري منه مثلا من موقع امازون

تحدد البضاعة -------- لها سعر --------- الموقع راح يضيف عليها سعر الشحن داخل البلد او شحن دولي ----- تختار الشحن الي تبيه

بعدين تضغط على استمرار

يقوم الموقع يعلمك كم المبلغ الكامل الي يبية منك

مثلا 75 $

انت تعرف ان سعر صرف الدولار 3.75 لكن بالنسبة للعمل الثانية لازم تسأل عن سعرها ذاك اليوم

تحسب الميلغ الي تحتاجه بالريال

تتصل على الهاتف المصرفي البنك الاهلي

تطلب سداد لحساب بطاقة الائتمان

تدخل المبلغ المطلوب

انا عادة ادخل المبلغ وزيادة 5 ريال او ما شابة عشان فرق صرف العملة

يقول لك البنك تم سداد المبلغ

الحين بطاقتك فيها فلوس مقدارها 200 وكذا ريال مثلا

والسلعة قيمتها 198 ريال

مثلا


ترجع الحين لصفحة الموقع تكمل بياناتك وتكتب رقم البطاقة وتاريخها وكل البيانات المطلوبة


تكتب عنوانك في الرياض او مدينتك في خانة البطاقة لان هذا عنوان البطاقة

وتكتب عنوانك في امريكا في معلومات الشحن عشان يوصلونه لصندوق بريدك السابق الذكر


وتقول له اوكيك


يجلس شوي

بعدين يقول لك ان السيكل الذي طلبته هالحين يحطونه لك في كرتون شكرا لاتصالك


وبعد اسبوع اشوفك في الحاره بسيكلك الجديد

وعندي كم سؤال بس معليش اتحملني لاني محتاجه اشتري عن طريق النت ضروري
اول شي كيف اقدر افتح صندوقين في بريطانيا وامريكا عن طريق شركه ارامكس لاني دخلت موقعهم ومافهمت شي صراحه . ......................
واذا فتحت الصندوقين هذي هل تكون بأسمي او اسم ارامكس ؟؟
وكم المده اللي تاخذها الشركه عشان توصل الحاجه لك؟؟؟
وعذراللاطاله


الاشتراك يتم من فروع الشركه موب من النت

روح اقرب فرع لكم يسجلون بياناتك ويرسلون لك عناوينك على البريد

انت تختار المدة الي يتم فيها شحن البضاعة لك

را ح تجد في استمارتهم خيارات عن كم مره تحب يشيكون على صندوق بريدك في الدول هذي ؟

تحب مرة في الشهر؟
ثلاث مرات في الاسبوع؟

وهكذا طبعا عندهم هم فترات هم محددينها

وش الفرق؟؟؟



انا اقول لك وش الفرق


اذا اخترت مره واحده في الشهر

ما توصلك البضاعه غير بعد شهر

يعني هم يشيكون على بريدك يوم 25 الشهر

اذا حصلو شي ارسلوه لك

وش فايدتها ؟؟

انه جميع الطرود الي تجيك يحسبونها على شكل طرد واحد

اول كج 56 ريال

الي بعده 17 ريال لكل كج


طيب اذاانت بغيت ثلاث مرات بالاسبوع ؟؟؟


مجرد وصول البضاعة لبريدك

يشحنونها لك لانها بتفرق يومين بالكثير ويكونون شيكو على بريدك وحصلوا البضاعة


تاخذ البضاعة من بريطانيا الين البحرين يوم واحد بس

ومن البحرين الين الرياض يوم واحد بس

تجلس البضاعة في الرياض تقريبا ثلاث ايام

يعني المجمل

5 ايام من تاريخ وصول البضاعة صندوق بريدك


اما كم تاخذ من الدكان الي صندوق بريدك


اذا كانت البضاعة متوفره وعادة المحل يعلمك في هالشي

تاخذ اسبوع بالكثيييييييييييييير

واذا كانت موب متوفرة عادة المحل يعلمك كم يحتاجون عشان يوفرونها لك

و

انتبة للاسعار وحاول تقارن

كيف تقارن ؟؟؟

انا اصلا اذا جيت تبحث عن السلعة ؟ مثلا سيكل!!!


تلاحظون اني معلق على سيكل؟


اكتب في قوقل سيكل + اربع كفرات


يطلع لك اكثر من موقع قارن بين اسعار القطعة

وانتبة للقفل


نصائح لمن يريد ان يتسوق الكترونيا :-




بطاقة ذات حد : حاول دائماً ان يكون شرائك بإستخدام بطاقة ذات حد ائتماني يقل عن 250 دولار (بمعدل 1000 ريال سعودي ) او استخدم البطاقات التي تطرح حالياً في اغلب البنوك تحت اسم بطاقة الانترنت او البطاقه المدفوعه مسبقاً ولاتودع فيها اكثر من 250 دولار

لاتشتري من اي موقع : اذا وجدت قطعة تباع في اكثر من موقع فلنفرض انها تباع في موقع amazon وebay وموقع اخر ووجدت ان الاخير يبيعها لك بسعر اقل من الاثنين معاً فانظر اذا كان الموقع من المواقع المشهورة او كنت قد سمعت وجربت هذا الموقع فاشتر من ام غيرها فلاتشتري .

قفل الامان : في حالة قيامك بالدخول الى الموقع واثناء تجوالك وتعبئتك لعربة التسوق اذا اردت ان تنهي تسوقك بالشراء تجد في المتصفح (انترنت اكسبلورر ونتسكيب وايضاً موزيلا صورة قفل صغيره على اليمين او اليسار وهي تعني ان هذا الموقع محمي وان جميع العمليات الآن تتم بينك وبين الموقع مباشرة بدون وسيط اخر ( مع اني اشك في هذه الكلمة ) يمكنك زيادة الامان في متصفح انترنت اكسبلورر بترقيته الى 128 بت وذلك بالذهاب الى موقع التحديث لمايكروسوفت والبحث عن اخر الترقيات للمتصفح

راع الفروقات : فلنفرض انك كنت ستشتري كاميرا رقمية ووجدتها في المحل الذي بجوارك بسعر 1000 ريال فرضاً ومعها ضمان لمدة سنة ووجدت انها في الانترنت بسعر 950 او لنقل 850 ولكن بدون ضمان ؟ او سوف يزاد عليك مبلغ 100 ريال جمركة ورسوم شحن ؟ فاسمح لي بان اقول لك انها صفقة غير رابحه ابداً . بزيادة 100 او 200 وتفرق لك بالضمان هذا اذا لم تصلك البضاعه الى بيتك وقد تكسرت مع الشحن ثم اعدها للشركة والشركة تعيد اليك مرة اخرى وهكذا .

لاتنشر معلوماتك : في اكثر المواقع حينما تريد الشراء تجد انه يسألك اذا ماكنت تريد الاشتراك في قوائم بريد او ان تريد ان تخفي معلوماتك مثل ( المدينة والبلد والبريد الالكتروني والمواد التي اشتريتها واسمك الحقيقي ورقم الهاتف وغيرها ) فحاول ان لاتضهرها لكي لاتستغل بطريقة خاطئه فقد يراقبك احدهم ومن خلال معلوماتك يستطيع ان يفعل اشياء كثيره


هذه بعض النصائح لكي تتسوق بشكل آمن وسوف اعطيك بعض المواقع التي اشتري منها دائماً ففي العتاد والكتب والافلام اشتري من موقع امازون وفي برامج الكمبيوتر الكفي اشتري من موقع pocketgear وايضاً اشتري بعض البرامج من مواقع اصحابها اذا كانت برامجهم رخيصة

ممكن أشتري لك أي موقع

بعموله معقوله اذا تحبين :)