الي حامل وتكرف ببيتها ووراها سفر للولاده تدخل نفضفض لبعض

سلام كروشااااااااااااااااات كيفكم وكيف البيبهات وكيف النفسيه هدا الاهم:icon33::angry:

تعرفون من كثر النفسيه وهيه مدموره وزهقانه دخلت النت وقلت خليني افضفض مع اخواتي حبيباتي ونسلي بعض لان اكيد كل وحده حامل نعرف كيف تكون نفسيتها الشكوى لله الله ياجرنا


بفضفض لكم عن نفسي شوي لعل وعسى ارتاح من الهم والقلق الي بصدري انا حامل بنص الثامن ونفسيتي اعوذ بالله متقلبه وطفشانه بشكل معنو زوجي وفرلي كل شي من حلويات وشبسات وفروتي فراوله <<<<لاتلوموني لاضربت النفسيه قام زوجي قضى الي نفسي فيه حتى لو مو مفيد عارفه انو غلط اكثر منها بس غصب النفسيه ودك تتسلين باي شي
وطبعا بعيده عن اهلي بمنطقه ثانيه تبعد عنا الف كيلو وزياده :44:واهل زوجي مسافرين عند اقاربهم ومطولين لين العيد يعني لوحدي بالعماره ماغير الجدران وبنتي والجيران مالهم حس تعبت وانا ودي اتعرف لاحياة لمن تنادي

تعرفون ثقل الحمل ماودك تمسكين شي بالبيت ودك تكوني نايمه 24 ساعه بس وش نقول زوج وطفل وبيت الشغل وراك وراك والشغالات ناااااااااااار ماعاد تلقين سنعات وسعر حلو اه بس وش اقول اكره كرف الشغل ماعاد صرت اطيق نفسي تخيلو الغدا هم على قلبي استحي كل مره اطلب زوجي يجيب من المطعم فشله ممكن مره مرتين اما اكثر قويه مدري انتو زيي :cook:<سنعه على غفله

والله ارتب البيت يوم الجمعه شغل من قلب واخليه اسبوع مامسكه الا الجمعه الثانيه والحمدلله مرتب بس مهما يكون الغبار وزوجي ماودي يلاحظ انو في وسخ بالبيت اشيل هم بس والله تعب الحمل ثقلني وحيلي مهدود والحمام الله يكرمكم والمواعين والتنظيف السريع كل يوم مايجي الليل الا وظهري يقرصني قرص من التعب وبنتي وطلباتها ورضعتها وتغييرها ياخد وقت والله حوسه الله يكتب اجرنا

طبعا انا قررت اولد عند اهلي فديتها امي مارضت اجلس لحالي حلفت اجي عندها وانا كنت ناويه ببيتي بس امي بتزعل مني والله يقويها ويكتب اجرها ****لله ماتعبها بطلب شغاله وبعطيها من فلوسي والله ييسر بس تعرفون حوسة السفر وانتي حامل وتجهيزات الخاصه لنفاسي وللبيبي والله للحين ماجهزت شي شفتو كيف الكسل مدري وش فيني تعبانه حيل وقرفانه وماودي بسوق وركض ورى الملابس مالي خلق كلش محتاره متى اقضى من جد كل يوم افكر بحياتي عدم ماكو تنظيم ولاترتيب مدري في احد زيي ولا بس انا في هالدوامه

يمكن لنزلت ديرة اهلي خليت امي وخواتي يقضون لانو مالي خلق للسوق وكل شي بوصيهم عليه و****لله مايقصرون وسفري بحول الله بعد اسبوعين وشايله هم تنظيف البيت قبل السفر رح ينكسر ظهري من التنظيف الله يعين لاني بغيب فترة نفاسي وبطول ولازم ينظف خاصة زوجي بيجلس فيه لانو ماعنده اجازه وعنده دوام وماودي يلاحظ شي مو حلو او وساخه بالبيت في غيابي يعني تنظيف من قلب



تصدقون ارتحت اني كتبت وطلعت الي بصدري وفضفضت لكم عساني ماضايقتكم :38:



الحين انتو فضفضو وخلونا نواسي بعض ونتشارك همومنا وتعبنا ونريح بعض بالكلام الزين فديتكم لاتخلووووني حدي طفشانه ودي بتفاعل منكم وكل وحده تحط الي بقلبها في صفحتي زي العسل على قلبي:2thmup:



وهادي لخواتي الغاليات فديتكم:26::26: