الي شاطرة في قدر الضغط تدخل تعلمني

اهلين ام رزون كيفك وكيف الغربة احنا مثلك متغربين والله يرجعنا .......

اختي قدر الضغط رهيب ولا يبي شي اهم شي انك تحطين كل شي من (طماط +بصل+بهارات+ ملح+ اللحمة )

وتسكرين عليه احسبي ربع ساعة اذا تستس بعد كذا سكري عليه لحد ما يخلص البخار ممكن يسكت والبخار ماخلص


علشان كذا ارفعي الصنبور شوي علشان تتاكدين بعد كذا افتحي الغطاء <<<<<<<<انتبهي

وكبي الرزواذ بداء الرز يفوح يعني يبين

حطي قشر بصل جواته زيت وجو الزيت فحمه مجمره <<<<<<<<<<<<<<مدري عرفتي والا لا قصدي

سكري عليه واحسبي له عشر دقايق بعد ما يتستس بعد كذا افتحيه بيطلع دخان واجد من القدرعادي لا تخافين

بالنسبة للرز انا ماانقعه بس اغسله بمويه واخر غسلة تكون مويه حاره..

ولكل كاس رز كاسين ماء وبس

وان شاء الله تضبط معك طعم يجنن..........

وعلميني وش يصير عليك ولاتخافين بس انتبهي
:cook: :cook: :cook: :cook:

مرحبا أخيتي ام رزون قدر الضغط نصحية لك لاتجربي غيرة
في الطبخ وخصوصا اللحم والأيدامات تطلع نكهتها روعة وبالنسبة للأخطار
لابد منها اذا استخدمتية بطريقة خاطئة والرز لاانصحك انا اذا استوت اللحمة
اكب مويتها على الرز بقدر خارجي

:cook:

الله يجزاك خير اختي mml07a ...اي والله الغربه كربه..بس عندي بعد سؤال؟ تستحملين غبائي شوي؟
ما فهمت قصدك بالرز؟ اذا خليناه بالقدر نسكره على طول؟ وواطبخه على نار هاديه ولا عاليه لين ما اسمعه يتستس؟
لاني سويته وبصراحه صار لين حيل!!!!!!!!!!!!!!!!! تقولين هريسه ...
شوفي شنو سويت:
اخذت لكل كاسة رز كاستين ماء وحطيتهم لحد الماء ما قام يغلي بس ما نشف ..ومن ثم سكرت جدر الضغط وخليته لين يصفر وهو على نار عاليه ومن ثم قللت النار وحسبت نص ساعه...وكانت النتيجه رز لين...كانه اشبه للهريس!!!
انا عارفه اني قلبت راسك ..السموحه...
:24:

................
عزيزتي *DeMa
مشكورة على مرورك وردك...بس ابو الشباب نفسه اطبخ بقدر الضغط!!!!!!!!!!!!!!!!!!!!

السلام عليكم ام رزون
حبيبتى الطبخ فى قدر الضغط سهل جدآ بس تتعودى عليه صدقينى هيصير إدمان ومثل ما قالت اختنا DeMa*
خصوصا اللحم والأيدامات تطلع نكهتها روعة ولكنى أضيف عليها إن الرز كمان رهيب ومضبوط جدآ فيه
وفى طريقة البخارى والمندى والمضغوط فى قدر الضغط وانا عملتهم وطلعوا روعة ما شاء الله وهذه الطرق
أخذتها من هذا المنتدى
ألذ مندي دجاج بقدر الضغط لايفووووووووووتكم
جبت لكم المضغوط حق المطاعم .. بروفيشينال ويجنن
أما رابط البخارى فليس عندى لو تحبى أكتبه لكى ما عندى مانع وأنا بالخدمة أم رزوان لو عندك أى سؤال
ولكن إن شاء الله تجدى غايتك فى هذه الروابط
أسفة على الأطالة:26:

الله يجزاك خير اختي لؤلؤة2005
انا ماعندي اي اشكال في الطبخ...بس مشكلتي مع الرز في القدر البخاري اذا ممكن تفصلين اشلون اسويه...
لاني اسوى البخاري والمندي والمضغوط بس بقدر عادي,,ولمن جربت طريقة المضغوط الي في المنتدى طلع معاي الرز كانه هريس...ماعرفت اضبط النار عليه..متى اعلي النار ومتى اوطيها؟؟؟؟؟؟؟؟؟؟؟؟؟؟
ولكي جزيل الشكر:26: