السلام عليكم حوائيااااااااااااااات
:love:
صباحكم خير وسرور .. صباحكم طاعه واستشعار نعمة الله علينا من امن وامان يارب
موضوعي لكل وحده معها ايفون او سامسونج جلكسي .. ولما تشتري الجهاز لاززم اول خطوة تخطيها تقول للهندي الي شرته منه ابيك تحمل لي العاب وتحط لي جيل بريك و و و .!!! ليه طيب .؟؟
ماتوقع مافي احد ماعنده ايميل
خصوصا الي يستخدمون الأجهزة الذكيــة مثل الايفون او الجلكسي او قوقل
ليه ما تبحثون في النت عن كل شي يخص الجهاز
يعني اللي تبي تسوي لها حساب في الأب ستور
تدخل في قوقل الله يخليه لنا واللي مانستغنى عنه واللي هو اولى من الهندي بالخمسين الي ياخذها
وتكتب طريقة ***** حساب في الاب ستور
وشوفو الروابط الي تطلع لكم
وكلها بطريقه ميسره وسهله ما تطلب منكم اللا انكم يكون عندكم ايميل خاص فيكم وخلاص
والبرامج وش كثرها اللي مجانيه وتحملينها وتحذفينها متى ماحبيتي
والي تبي تحمل الجيل بريك المطلوب فقط يكون معك وصله وبرنامج تحميلنه من النت يخص الجيل بريك
وتلاقون الشرح سهل وميسر وانا بنفسي اجربها واطبقها وتضبط معي
ايبودات خواتي انا اللي مزينتها من البيت وكل وحده لها ايميل خاص فيها
وجوال بنت خالتي ايفون عطتني اياه وقالت لي ابي اشيل حساب الهندي من الاب ستور وابي اسوي حساب خاص فيني
وسويته لها وانا جالسه بالبيت والله مايبيلها شغله ماغير يضحكون علينا هالهنود ويستغلونا واحنا بنفسنا اللي نعرض انفسنا للابتزاز
والله حرام ياخذ مننا المحل خمسين او مية ريال على شغلات احنا نقدر نسويها في البيت بنفسنـــا بدل ما نعطيه خيط يقدر يتوصل منه على معلوماتنا المخزنه في جوالاتنا..
لو كل وحده تتعلم بنفسها كيف تسوي حساب لها وتحفظ خصوصياتها ولاتعطي احد خيط يتوصل فيه لخصوصياتها ماكان سمعنا بالهوايل اللي كل يوم
اكتبو في قوقل طريقة عمل حساب في الجيل بريك او الاب ستور والله انه شرح واضح وسهل ومايبي له قروشه وروحة للمحلات
وترتاحون وتضمنون ان ماحد يقدر يتوصل لمعلوماتكم المخزنة عن بعد
انا قلت لكم هالحكي لان فعلا لاحظت كثير اول ما يشتري جوال جديد اول خطوة يخطيها يروح للمحل عشان يحمل برامج .!!!
يتعب نفسه على شي هو يقدر يسويه وهو في البيت
اتمنى تتقبلون كلامي و اتمنى اني اكون أفدتكم
وتقبلوه مني كاخت لكم واتمنى ماحد يستهتر فيه لانه فعلا هالشي مهم في هالزمن اننا نحافظ على خصوصيات قد مانقدر ومانسمح لاي كان انه يتوصل لها واحنا غافلين .
وصل الله وبارك
نوال البنفسج @noal_albnfsg
عضوة فعالة
يلزم عليك تسجيل الدخول أولًا لكتابة تعليق.
لمسة خير
•
الله يجزاكي خير يارب وفعلا كلامك قمة العقل وانا نفس تفكيرك الحمدلله كل شي بالجوال او اللاب اضبطه بنفسي واي شي مااعرفه ابحث عنه واتعلمه ولله الحمد اتعلمت امور كثير واللكل يطلب فزعتي واالان اشتريت لبناتي ايبود وان شاء الله بتعلم اسويلهم الجلبريك بنفسي ونصيحتي للكل اذا ماتعرفي اتعلمي وحاولي وجربي الى ان تنجحي
الصفحة الأخيرة
مشكوره