اي سؤال عن رياض الاطفال انا في الخدمه
لان كثير من الامهات مايفهمون منهاج رياض الطفال وطريقتهم ويحتارون معهم :39:

معليش صاحبة الموضوع داخله عرض

راح احط استفساري

عجبتني الفكره ومدرسة بنتي ماعندها هدا النظام وحبيت اسويه

سؤالي عادي اسويه ولا لازم اللي عندهم هدا النظام وهل اطلب من المديره قبلها بفتره ولا قبلها بيوم

واكرر اسفي مره تانيه لصاحبة الموضوع

اااااااااااااااب

وين الردود يالله ياامهات الله يعافيكم

هلا اختي انا كان ابني العام بالروضه وعملت له اسبوعه التمهيدي بافكار حلوه وبسيطه بالنسبه للسبت تكلمو عن الاسره وترتيب الطفل في الاسره هذا على المدرسه اما الاحد تعطينه اللعبه المفضله عنده وابني كان يحب السيارات فجمعت له من اللعابه كم حبة سياره وخذاها معه ويوم الاثنين الطبق المفضل للطفل فهو كان يحب الدونات ورحت لبيت الدونات وشريت دونات بشوكولاته وبعضها بسكر ورسلتها للروضه طبعا على عدد اطفال صفه وبالنسبه ل يوم الثلاثاء يلبس الزي المفضل له فانا لبسته الثوب لانه كان يعشق شي اسمه ثوب اما الاربعاء شريت له كيكه تبين تحطين صورته او اي صوره ثانيه بكيفك المهم رحت قبل موعد الحفله بساعه ورتبت الصاله الي بحط حفلته فيها علقت بلوناة وزخارف حقت الحفلات ورتبت صحون الاكل والكلينكسات والملاعق ونفخت بلونات ووزعتها بالارض وجهزت كم انشوده نزلتها على الاب حقي واخذته معي مع سماعات مكبرة للاب توب عندك انشوده للطيور الجنه عن الصلاه وعن الام والحروف والروضه والمعلمه انتي ابحثي في اليوتيوب عن اناشيد اطفال واختاري بس لاتغلطين غلطتي وتحطينها بموسيقه لانه ممنوع من قبل الاداره وسويت لهم كم فقره من ظمنها شد الحبل قسمتهم لفريقين ولعبتهم وكمان عندك صور انا جبتها من ابو ريالين ولزقتها على قطعة فلين صغيره وخليت الاطفال يشوفوها بعدين خبيتها وكل فريق يقول ايش الموجود والي يفوز وزعي عليه حلاو او شوكولاته او سكيتلز اي اي شي من تفاريح الاطفال كمان عندك لعبة الكراسي ولما تخلصين الفقرات خليهم يجلسو على الطاوله الي انتي مجهزتها للاكل وشغلي انشودة عند الاكل بسم الله وفي الختام شغلي انشودة حفله حفله ووزعي عليهم الهدايا من ابو ريالين للبنات وللاولاد ... تكونين موزعتها في اكياس من الليل وحاطه عباره حلوه بكرت طفولي انا كتبت للابني اقبلو هديتي الصغيره صديقكم ...... وتكتبين اسمه وعطيهم بلالين وطشي ثلج عليهم انتي وابنك ببخاخ الثلج برضو عند ابو ريالين ولاتنسين جيبي لابنك هديه مميزه لهذه المناسبه و***** الله اكون افدتك من تجربتي.