رحلتي وحدي :

طريقة الام الزائره : 1/جيبي هدايا للاولاد وهدايا للبنات من ابو ريالين وحطيها بأكياس لون للاولاد ولون للبنات عشان يكون سهل تزويعها عليك (اسئلي معلمة الفصل عن عدد البنات وعدد الاولاد عشان تعرفين تشترين لهم هدايا) 2/جيبي لهم اما كيكه مكتوب فيها اسم طفلك مع عصيرات صغيره وسفره وصحون وشوك وسكين ومناديل لان بعض المدارس ماتوفر ولاشئ للام الزائره فاذا ماجابت عدتها ممكن تنحاس او تجيبين بدال ذا الحوسه ببكورن وكرتون كيك ابو نص مع عصيرات وتوزعينها على الاطفال 3/حاولي تجمعين صور لطفلك من ولادته الى دخوله للروضه واذا كان عندك ملابس له صغير جيبيها واعرضيها للاطفال 4/اذا كانتي ماتقدرين تضبطين عدد الاطفال وصعب عليك السيطره عليهم افضل عمل تقومين فيه لتسليتهم انك تجبين لهم العاب فنيه على عددهم مثل (الرسم على الرمل على عددهم-او عمل فني بسيط مثلا تجبين صوره معينه مصوره على ورق مثلا صورة ماعز وتجبين الوان وقطن وصمغ فالطفل يصمغ القطن على جسم الماعز وباقي اجزاء جسمه يلونه باللون الي يحبه-او تجبين الوان النفخ الي عند ابو ريالين وتجبين صوره وتخلينهم ينفخون عليها- او تجبين خيوط وتجبين خرز وخلين كل الاطفال يسوون عقود ملونه ويهدونها لامهم او اختهم بالنسبه للاولاد اما البنات فهي تسوي العقد لها) طبعا الامثله كثيره بس انا جبت لك كذا مثال للتوضيح 5/اسئلي معلمة الفصل عن وقت الحضور وكم مدة الوقت الي بتقضينها معهم عشان توزعين برنامجك على الوقت المحدد) _________________ طريقة العرض بالترتيب : اولا/ تدخلين وتسلمين على المعلمه وتسلمين على طفلك(على فكره اهم شئ انك تعززين شعور الانتماء لطفلك) وبعدها تسلمين على الاطفال واجلسي معهم في الدائره على الارض وبعدها عرفي عن نفسك قولي انا ام فلان وجيتكم اليوم ام زائره لاني حابه اتعرف عليكم لان ابني فلان يحبكم ويتكلم عنكم واسئليهم عن اسمائهم والي يرفض يجاوبك مستحي خلي ابنك يقول اسمه لاتسئلين المعلمه لان بطريقتك هذي تسعدين طفلك وايضا اسئلي معلمة الفصل عن طفلك وكيف سلوكياته بالفصل لان بهذي الطريقه تترسخ عند الطفل انطباع المعلمه عنه واذا انتهيتي اعرضي لهم صور ابنك وقولي نبذه بسيطه عنه وحاولي تمدحين ابنك امامهم(مثلا تقولين ابني مؤدب بالبيت ويسمع كلامي وكلام ابوه وهو نظيف ومرتب ويساعدني في ترتيب سفرة الاكل وهو دائما ينام مبكر ويفطر الصباح)على فكره باسلوبك هذا انتي تعززين ثقة ابنك في نفسه وايضا تغيرين سلوكياته للافضل واذا انتهيتي قولي لهم انا حابه اسمع منكم اما قراءة قران او انشوده بشكل جماعي 2/ اعرضي لهم العمل الفني الي بتسوينه لهم وعلى فكره سوي عمل انتي سويتيه بالبيت وخليهم يطبقون مثله مثل العقد سوي نموذج وبعدها هم يسوون زيك 3/وزعي على الاطفال الاكل الي بتعطينهم اياه يعني افرشي السفره ووزعي الصحون والعصير واقطعي الكيكه ووزعيهم عليهم 4/خلي طفلك يوزع على اصحابه هداياهم مو انتي توزعينها لانه غلط المفروض الطفل يوزعها وحاولي تجبين هديتين زياده لانه بعض الاحيان الاطفال يجيبون اخوانهم الصغار معهم من باب الزياره للمدرسه ووقتها ممكن تنحرجين لانه مامعك العدد الكافي للزوار 5/ودعي الاطفال وسلمي عليهم واطلعي من الفصل وقولي لهم انك سعدتي انك تعرفتي على اصحاب ابنك (لان الهدف من الام الزائره تعزيز الثقه بالنفس وتعزيز الناحيه العاطفيه للطفلك) (اتمنى انك استفدتي من طريقتي واي سؤال انا حاضره)

طريقة الام الزائره : 1/جيبي هدايا للاولاد وهدايا للبنات من ابو ريالين وحطيها بأكياس لون للاولاد...