الي عندها كوسه ومحتاره فيها ساندويتش الكوسه

السلام عليكم ورحمة الله وبركاته
انا من اشد المعجبات بهذا المنتدى الاكثر من رائع واقول للقائمين عليه الله يعطيهم العافيه ومزيد من التقدموهذي اول مشاركه لي واتمنى الاقي قبول
اعطيكم الوصفه الي متاكده انكم راح تسونها وتعجبكم
المقادير:
حبة كوسه متوسطه مبشوره
ملعقة مايونيز
ملعقتين جبن بوك او اي جبن سايل بس مو مالح كثير
فص ثوم صغير مبشور او مهروس
قليل من الكزبره الخضراء المفرومه ناعم وممكن نعناع
رشة ملح للي يبي انا ما احطه
شرائح التوست
الطريقه:
اخلطي كل المقادير مع بعض وبعدين امسحي على التوست من الخلطه حتى تخلصين رصي التوست في صينيه للفرن وافتحي الفرن من تحت وحطي الصينيه وخليك قريبه حتى تحمر من تحت ما تاخذ وقت وبعدين من فوق شوي بس يدوب يبدى يحمر طلعيها وقطعيها على شكل مثلثا ت وقدميهامع الشاي او العصير الي تحبين وبصراحه لذيذه جدا وزوجي لازم ياكلها على العشا مع انه ما يحب الكوسه وتوه يعرف ان فيها كوسه ومع كذا يحبها

ردو علي وقولو لي ايش رايكم لاتطنشوني ترى ازعل